tgoop.com/pagy007/19073
Last Update:
.امنه ودفناهه وكلشي انتهى وياهه
اه اه اه يلحنينه
البيت چن صحراء اصبح يوم روحتها
كلها تتعوض وسهله اله فرگتها
راحت الحنيه كلها وي جنازتها
بعد مانشتم عطرها وذيچه ريحتها
ماترجع علينه للدمعه ضلينه
كون كون تسمع بچينه
اه اه اه يلحنينه
توسلينه الموت يامه فدوه خليها
اه يموت الخاطر الله لاتمر بيها
شمعة البيت اعله كيفك لا تطفيها
امنه هيه الدنيه كلها وكل معانيها
شنسوه بلياهه يذبحنه فرگاهه
ليش ليش رحتي من ادينه
اه اه اه يلحنينه
چانت تظمنه الصدرهه برئفه ترعانه
احنه نغفه اليل كله وهيه سهرانه
البيت ضل عليها تبچي حته حيطانه
مرت اشچم ليله وامنه ماهي ويانه
كل ساعه نفگدها ضحكتها شيردها
وين وين ملگاهه وينه
اه اه اه يلحنينه
شننسه من عندچ ييمه والنفس انتي
ماتت الدنيه بكبرها ساعة المتي
غيبتچ ماالهه تالي هوايه طولتي
عفتي دارچ عفتي ولدچ! للگبر رحتي
نشتاگ الچ كلنه ونگطعت الضنه
ريت ريت يمچ غفينه
اه اه اه يلحنينه
ذكرياتچ يلحنينه عايشه بينه
ولو تذكرنه اليالي اشگد تبچينه
يل تعبتي ويل سهرتي وكبريتنه
ماتجازيچ المدامع لو بواچينه
ماننسه ايامچ اصبحنه ايتامچ
طاح طاح كلشي اشبنينه
اه اه اه يلحنينه
#سعدالعبودي
https://www.tgoop.com/pagy007
BY علاء الفهد _ Alaa Al-Fahdawi
Share with your friend now:
tgoop.com/pagy007/19073