tgoop.com/oriftolib/1775
Create:
Last Update:
Last Update:
“Унниқмоқ” нима дегани?
Шу сўз кўп хато ёзилади ва янглиш маънода қўлланади. Ҳатто кўзга кўринган адибларнинг асарларида ҳам бунга гувоҳ бўлиш мумкин.
Унниқмоқ сўзи бўғиқ қора тусга киришни англатади:
– Уни ўйлайвериб, ориқлаб, унниқиб кетдим... – деди Аҳмаджон.
А. Мухтор, Давр менинг тақдиримда.
Асқар полвон қорайиб унниққан эди.
Ойбек, Қуёш қораймас.
Солининг фиғони осмонга чиқди. Бир-икки соат ичида унинг қора юзи баттар унниқиб кетди.
Ё. Шукуров, Уч савол.
Кўпинча бу сўз униқмоқ шаклида ва ранги оқармоқ, ранги хиралашмоқ маъносида ишлатилади. Лекин бу – хато. Чунки униқмоқ сўзи на изоҳли луғатга, на имло луғатларига кирган. Бу – унниқмоқ сўзини ёзиш ва қўллашдаги адашиш, холос.
@oriftolib
BY Orif Tolib
Share with your friend now:
tgoop.com/oriftolib/1775