حرفيا مش هنسى هاي الايام لو ضليت عايش صار نفسي أعيش يومكم الطبيعي اللي انتو بتعيشوه ، احنا صار نفسنا بغزة نرجع نعيش ايامنا المملة اللي كنا نحكي عنها كئيبة ..
محتاجين هدنة عشان نعرف نحزن ع اللي راحو ، وهدنة عشان نعيد ترتيب حياتنا ونعرف كيف بدنا نكمل ، وهدنة عشان نقدر نوقف من ثاني ..
أسوء ما في الحرب أننا نعيشها ونحن في عمر الشباب، في الفترة العمرية اللي مفروض نبني وننجز وننتج وفي أوج طاقتنا وبدنا نعيش ، لسا ما شفنا اشي من الدنيا ، لسا ما عملنا اشي ، في شغلات كتير بدنا نعيشها ونعملها ، وفجأة تلاقي حالك عايش أكبر إبادة نشهدها في السنين الأخيرة ..
عم نعيش حياتنا بالقِطعة ، على أساس فترة مؤقتة وبتعدّي ، وفجأة منكتشف إنه العمر طار ونحن لسا عايشين بالمؤقت .
ربنا بيعوض، أكيد راح يعوضنا عن كل اللي عشناه في هالحرب، راح يعوضنا عن خوفنا وتعبنا وقلة حيلتنا والظلم اللي عشناه، راح يعوضنا على كسرة قلوبنا وحياتنا اللي راحت منا والجوع اللي أرهق أجسادنا، عندي يقين أن عوض ربنا أتٍ لينسينا كل اللي صار وكأنه لم يأتِ ..
آمِن خَوفنا
وفَزعنا
واحنُن علينا
وخُذ بأيدينا
حتى نَصل، نفهمُ، ونتعلم، ونهدأ
ولا تُسلمنا لأنفسنا، لإننا يارَب إن تُركنا لنا، نهلكُ.
وفَزعنا
واحنُن علينا
وخُذ بأيدينا
حتى نَصل، نفهمُ، ونتعلم، ونهدأ
ولا تُسلمنا لأنفسنا، لإننا يارَب إن تُركنا لنا، نهلكُ.