tgoop.com/omali1290/997
Last Update:
تعالن عوفن الخيمه *** نبات اليله بلهيمه
بلا خيمه نريد نجرب نبات
مثل هذا الوكت باجر سبيات
باچر الله يستر 𖦹𖦹𖦹 باچر الله يستر
٠٠٠٠٠٠
نـريد اللـيلـه نتـعلـم كأن محـروك المـخيـم
علينا ... يولي ... نعاتب اهلنا
ظلام ويحرس القاتل حرسنا مو ابو فاضل
مصيبه ... يباجر ...شماته حرسنا
نريد نعيش ليله من السبي هسه
دخيل الله مساء باجر اذا امسه
علينا شما نبالغ اصعب و اقسه
صحابه وهاشم وكلهم**ولا واحد يضل منهم
ترى عن المصيبه باقي ساعات
مثل هذا الوكت باجر سبيات
🌼🌼🌼🌼🌼🌼
غدا هاي الزلم صرعه جثث عل قبره متوزعه
والاصعب ... نشاهد ... قتلهم ضمايه
اللطمن وابچن بلوعه نحور الحلوه مگطوعه
ننادي ... عليمن ... زلمنا ضحايه
ترى حتى الـطفل باجـر اله ڪسره
يـرد بحـضن ابـوه ومنگـطع نـحره
يولي يموت ضامي بحسره الكطره
رباب بصدمه الغالي** تهز مهد الطفل خالي
عسن هذا النهر گبل الطفل مات
مثل هذا الوكت باجر سبيات
🌼🌼🌼🌼🌼🌼
اذا طـاحـو اهـلـينا تـجي رڪضـه الـزلم لينا
اتركن ... خيمچن ... واطلعن سويه
اكو ينهب اكو يسلب اكو بسوط الحقد يضرب
اسكتن ... واصبرن ...واركضن عليه
تـرى ڪلـها تـريد تـباوع الطـولي
عـلّي ڪلچـن التـمن لا ينـضروني
اصيح المن واخوتي ما يفزعولي
اذا وحدي يعرفوني** واذا نلتم يضيعوني
احفضهن هل وصيه يلنجيبات
مثل هذا الوكت باجر سبيات
🌼🌼🌼🌼🌼🌼
علامات الصـبر عندي اذا طـاح الگمر تبدي
واشاهد ... اخويه ... يواجه مصيره
الا من ناصـر نسـمع نجـاوب احـنا بـلمدمع
يضامي ... نسمعك ... وادينا گصيره
يباوع للشريعه ونـضرته بحـيره
كـأنه يگـول افزعلي يـبو الغـيره
الغريب بكربلاء ما واحد يجيره
ترى بموتي يبو نخوه**تضل زينب بلا اخوه
ولا نسمع بعد كلمه سلامات
مثل هذا الوكت باجر سبيات
🌼🌼🌼🌼🌼🌼
اذا شفتن شمر صاعد على صدر الاخو گاعد
يطبره ... يذبحه ... يولي عليه
يرفعـه من شـعر راسـه ينـادي ويـنه عبـاسه
يزينب ... دشوفي ... ذبحته بأديه
يگـلـي هـا يـزيـنـب ارفـس بـصـدره
احس ارتاح گلبي من اگطعت نحـره
وانـه بـيـدي اگـيـدج واقـهـر الـزهـره
ترى باچر يسلبوني ** وسياط توگع متوني
دگومن وادعن وصيحن غريبات
مثل هذا الوكت باچر سبيات
BY الشاعره والملا ام علي افضل الزينبي
Share with your friend now:
tgoop.com/omali1290/997