tgoop.com/omali1290/594
Last Update:
فتحوله الدرب عباس.... خلَ يهوس بحيله
زينب ندبته اعله الماي... ويمه ذبت الشيله
~~~~
شد ودرعم العباس واعيونه الغضب بيهه
گال وداعتچ خويه الحومه اليوم أفنيهه
تعرفين امنهد آنه الدنيه اليوم أمحيهه
تعرفيني وانه العباس... تعرفيني
~~~~~~~
انه العباس ابن حيدر.... وچنچ ماتعرفيني
انه الرباني ابوي انه.. على الصولات تدريني
اجيب الماي يازينب.... وافديلچ نظر عيني
وافدي الخاطرچ روحي.... ونظر عيني
~~~~~~
تگله امن المهد انه...أحشمنك واعرفك زين
ماتكسر ابد چلمه...ورافع راس ابو الحسنين
ابوي آنه لقلع خيبر...آنه اقلع نهر وي طين
ممنونه عباس لچفك...ممنونه عباس لچفك
~~~~
يگلهه وداعتچ أمني... يخويه الماي أجيبنه
شنهي الگوم وتهمني..وتمنعني أنه عنه
أوصل للنهر وآنه...... آنه الماي أجيبنه
تعرفيني تربات الحيد....تعرفيني تربات الحيد
~~~~~~
اعرفنك شجاع وحيد...وخوية الماي وتجيبه
ترويني يخويه الماي...مسهل مطلبي تجيبه
ياهيبه وإلك عنوان....مثلك ماتصح هيبة
مهيوبة عباس بجالك...عباس بجالك
~~~~~
وصلت آنه النهر خويه..ويمي الماي اشوفنه
اشوف الماي ياام طاهر..وما اكدر أشربنه
واذكر وصيتچ ها ...يلگلتي أريدنه
من ازياگه جريت الشاطي....من ازياگه
~~~~~~
🏴لخادمة اهل البيت (ع)
الملا ام علي أفضل الزينبي
BY الشاعره والملا ام علي افضل الزينبي
Share with your friend now:
tgoop.com/omali1290/594