tgoop.com/omali1290/11
Last Update:
آنه ام الخدر زينب يهالناس
مادنگت راسي وعندي عباس
هذا كافلي هذا كافلي
ام علي افضل الزينبي
&&&&&&&&&&&&____&&&&&&&
ام الخدر واخت المعروفه ذاته
تجرحلي گلبي من خويه التفاته
أعله الرمح راسه ويباري خواته
ال من والدي اخذ زوده وصفاته
اخويه هذا الانفاسه احساس
ما دنگت راسي وعندي عباس
هذا كافلي هذا كافلي
خادمة الزهراء / ليلى زغيب
&&&&&&&&&&_&&&&&&&&
منهو مثلي يعالم عدها بو فاضل
غيره ومرجله واسمه المناضل
بالمحنه خويه ينكتب رسايل
يبعد اختك يغالي ترجف جحافل
يمشي وي روحي وويه الانفاس
ما دنگت راسي وعندي عباس
هذا كافلي هذا كافلي
ام علي افضل الزينبي
&&&&&&&&&__&&&&&&&&&
زينب انه ومنهو مثلي امخدره
زينب انه وعودي اسمه حيدره
خويه عباس ذاك سبع الگنطره
وللحجاب انه ساسه ومصدره
وعيون اخوي لصيواني حراس
ما دنگت راسي وعندي عباس
هذا كافلي هذا كافلي
خادمة الزهراء /ليلى زغيب
&&&&&&&&&&&__&&&&&&&
جذب من گال الراس طخيته
آنه بعلو النجم يا ناس عليته
ماطخيت هام العدو ذليته
مثل عباس مرفوع راسي خليته
روحي بگت عالنهر يرفعة الراس
ما دنگت راسي وعندي عباس
هذا كافلي هذا كافلي
ام علي افضل الزينبي
&&&&&&&&&&__&&&&&&&&
باليسر لمن مشينه ويه اغراب
راس الگمر يبرالي بين الاجناب
غيرته الماترضه يباريني سلاب
آنه اخت الگمر معروفه الانساب
طول الدرب وعيوني عالراس
ما دنگت راسي وعندي عباس
هذا كافلي هذا كافلي
خادمة الزهراء /ليلى زغيب
تمت بعون الله تعالى
بأاااقلام خادمات اهل البيت عليهم السلام
https://www.tgoop.com/omali1290
BY الشاعره والملا ام علي افضل الزينبي
Share with your friend now:
tgoop.com/omali1290/11