قناة الشاعر عبد الكريم القصاب

............... راوي العود ............
يراوي العود ، يمعسّل ،
يمدري بيا وهج تضوي ،....
وعلى النسمه آيتماوج ضيّك مدلّل .
مذعوره النجوم ، تخاف لا تطفه ،..
تجي وتحط على عيونك ........
ذليله وبيك تتوسّل .
يهلبت جدحه من عينك .....
توج بكل نجم مشعل .
يكَمره وكل رمش شمعه ،
وضواها خصور تتفتّل ،
يمضوي وبس عليْ مطفي ،
شجاك وغمضن عيونك ؟ ...
ونا بسجّة عمى ماشي ،
مشي بضيجة نفس وبدوخة المغزل ،
وآريد آلكَاك ، ما أندل .
برد ليل الهوى الدافي .....
ونجمتي بغيمه تتعلّل .
وآنت ولا يحن كَلبك ولا تسأل .
شجاك ، آشميّلك عني ؟
جنت من الشعاع آعدل .
يشوك البارحه اليجوي ،،،،،،
البُرَد كلّش ، ولا يسأل ،
شجاك ؟ اشغيّر آطباعك ؟
ولا نشغة جروحي تفزز دموعك !،
ولا صفنه التكضّك فوك الوساده ، ...
وتشوف آغيار وجهي كَبالك وتخجل !
يهلبت تستحي وتسأل .
حزن بالروح .....
أغمك من صفنتي آعليك ،
وآطول من خلك ميّت ، ولا تسأل .
حزن .....
مالي عرف بيْه كَبل ماآشوفك ، يلمدلّل .
حزن ضحكه وحزن شهكَه ،
حزن مامـش وراه ملكَـه ،
حزن مديـوف بالحركَه ،...
ومثل لون الكحل دمي عليك ......
وجرحي مكحّل ،
وآنت ولا يحن كَلبك ، ولا تسأل .
يغاوي بيا عطور مطيّب زلوفك ،
ونا فوك الجمر للفاجعه مهدّل ؟
مكَطوعه الحراثي وشهكَتي تفرفح ،
مثل طيره ومِتربة شوف ، ماتندل ،
وآنت ولا أجي آببالك ، ولا تسأل .
يراوي هناك ومعسّل ،
عكَدتي مدوهنه ..........
وناكَوط صوتك موش يم الحل .
شجاك ؟ آشبرّد آنفاسك ؟
ولا لهفه ،
ولا جلمة عشك ترفه ،
ولا من جذب تتغزل ، ولا تسأل .
يتالي المو على بالي ،
شحلاتك جنت بالأول !!
جنت معسول من ترضى ،
وجنت كلّش لذيذ أوياي من تزعل
يراوي العود ، يمعسّل ،
شحلاتك جنت بالاول ّ؟
يريت تعود للأول .

#عبدالكريم_ألقصاب

www.tgoop.com/o1uuu/11257

5.0K viewsJan 27, 2023 at 11:49

............... راوي العود ............
يراوي العود ، يمعسّل ،
يمدري بيا وهج تضوي ،....
وعلى النسمه آيتماوج ضيّك مدلّل .
مذعوره النجوم ، تخاف لا تطفه ،..
تجي وتحط على عيونك ........
ذليله وبيك تتوسّل .
يهلبت جدحه من عينك .....
توج بكل نجم مشعل .
يكَمره وكل رمش شمعه ،
وضواها خصور تتفتّل ،
يمضوي وبس عليْ مطفي ،
شجاك وغمضن عيونك ؟ ...
ونا بسجّة عمى ماشي ،
مشي بضيجة نفس وبدوخة المغزل ،
وآريد آلكَاك ، ما أندل .
برد ليل الهوى الدافي .....
ونجمتي بغيمه تتعلّل .
وآنت ولا يحن كَلبك ولا تسأل .
شجاك ، آشميّلك عني ؟
جنت من الشعاع آعدل .
يشوك البارحه اليجوي ،،،،،،
البُرَد كلّش ، ولا يسأل ،
شجاك ؟ اشغيّر آطباعك ؟
ولا نشغة جروحي تفزز دموعك !،
ولا صفنه التكضّك فوك الوساده ، ...
وتشوف آغيار وجهي كَبالك وتخجل !
يهلبت تستحي وتسأل .
حزن بالروح .....
أغمك من صفنتي آعليك ،
وآطول من خلك ميّت ، ولا تسأل .
حزن .....
مالي عرف بيْه كَبل ماآشوفك ، يلمدلّل .
حزن ضحكه وحزن شهكَه ،
حزن مامـش وراه ملكَـه ،
حزن مديـوف بالحركَه ،...
ومثل لون الكحل دمي عليك ......
وجرحي مكحّل ،
وآنت ولا يحن كَلبك ، ولا تسأل .
يغاوي بيا عطور مطيّب زلوفك ،
ونا فوك الجمر للفاجعه مهدّل ؟
مكَطوعه الحراثي وشهكَتي تفرفح ،
مثل طيره ومِتربة شوف ، ماتندل ،
وآنت ولا أجي آببالك ، ولا تسأل .
يراوي هناك ومعسّل ،
عكَدتي مدوهنه ..........
وناكَوط صوتك موش يم الحل .
شجاك ؟ آشبرّد آنفاسك ؟
ولا لهفه ،
ولا جلمة عشك ترفه ،
ولا من جذب تتغزل ، ولا تسأل .
يتالي المو على بالي ،
شحلاتك جنت بالأول !!
جنت معسول من ترضى ،
وجنت كلّش لذيذ أوياي من تزعل
يراوي العود ، يمعسّل ،
شحلاتك جنت بالاول ّ؟
يريت تعود للأول .

#عبدالكريم_ألقصاب

BY قناة الشاعر عبد الكريم القصاب