tgoop.com/novelsforus2/39441
Last Update:
#في_ثانوية_البنين15
ﺍﺗﻠﻔﺖ ﻋﺸﺎﻥ ﺍﻣﺸﻲ ﻏﺮﻓﺘﻨﺎ ﻭ ﻓﺠﺎﻩ ﻛﺪﺍ ﺍﺣﺲ ﻟﻴﻚ ﺑﻲ ﺯﻭﻝ ﺩﻓﺮﻧﻲ ﻭ ﺩﺧﻠﻨﻲ ﺍﻟﻤﺨﺰﻥ ﻭ ﻗﻔﻞ ﺧﺸﻤﻲ ﻭ ﻋﻴﻮﻧﻲ ﻃﻴﺮﺗﻬﻢ ﻣﻦ ﺍﻟﺨﻠﻌﻪ
ﻭﺳﻴﻢ : ﺍﻧﺖ ﻛﻨﺖ ﻭﻳﻦ
ﺍﻧﺎ •••
ﻭﺳﻴﻢ : ﺻﻬﻴﺐ ﻟﻲ ﻣﻘﺮﺏ ﻣﻨﻚ ﻛﺪﺍ ﻣﺎ ﺑﺘﻌﺮﻑ ﺗﺰﺣﻮ ﻣﻦ ﺟﻨﺒﻚ ﻭ ﺗﺨﻠﻴﻬﻮ ﻣﺴﻚ ﻭﺷﻚ ﺍﺳﻤﻌﻨﻲ ﻣﺎ ﺗﺨﻠﻲ ﺯﻭﻝ ﻳﻤﺴﻜﻚ ﻭ ﺍﻋﺮﻑ ﺍﻟﺰﻭﻝ ﺍﻟﺒﺴﺎﻟﻚ ﺡ ﻳﻜﻮﻥ ﻋﻘﺎﺑﻮ ﻣﻌﺎﻱ ﻭﺍﻧﺖ ﺑﺮﺿﻮ ﺡ ﺗﺘﻌﺎﻗﺐ ﻓﺠﺎﻩ ﻛﺪﺍ ﻧﺰﻝ ﺍﻟﻠﻴﺎﻗﻪ ﺣﻘﺖ ﺍﻟﻘﻤﻴﺺ ﺍﻟﻼﺑﺴﻠﻬﻮ ﻭ ﻓﻲ ﻋﺮﻕ ﺭﻗﺒﺘﻲ ﻗﺎﻡ ﻋﻀﺎﻧﻲ 😶 ﺍﻱ ﻭﻫﻮ ﻟﺴﻪ ﻣﺎﺳﻚ ﺧﺸﻤﻲ ﺣﺴﻴﺖ ﺑﻲ ﺭﻗﺒﺘﻲ ﻧﻤﻠﺖ ﻭ ﺍﻟﺠﻠﺪﻩ ﺍﻧﻘﻄﻌﺖ ﻭ ﻗﺎﻡ ﺯﺣﻪ ﻓﺘﺢ ﺍﻟﺒﺎﺏ ﻭ ﻋﺎﻳﻦ ﻟﻲ ﻣﺴﺎﻓﻪ ﻭﻃﻠﻊ ﻭ ﺍﻧﺎ ﻧﺰﻟﺘﻪ ﻓﻲ ﺍﻻﺭﺽ ﻭ ﻗﻌﺘﻪ ﺍﺑﻜﻲ ﻻﻧﻲ ﻣﺎ ﻓﺎﻫﻤﻪ ﺷﻲ ﻭ ﻣﺎﻗﺎﺩﺭﺓ ﺍﺳﺘﻮﻋﺐ ﺗﺼﺮﻓﻮ ﻳﻌﻨﻲ ﺷﻨﻮ ﺑﻌﺪ ﻣﺴﺎﻓﻪ ﻣﺴﻜﺘﻪ ﺭﻗﺒﺘﻲ ﺍﻟﻤﺤﻞ ﺍﺗﻮﺭﻡ ﻭ ﻣﺨﺪﺭﺓ ﻗﻤﺘﻪ ﻣﺸﻴﺖ ﻏﺮﻓﺘﻨﺎ ﺑﻌﺪ ﻗﺸﻴﺖ ﺩﻣﻮﻋﻲ
ﺍﻧﻮﺭ : ﺭﺣﺎﺏ ﻣﺎﻟﻚ
ﺍﻧﺎ : ﻣﺎﻑ ﺷﻲ ﺑﺲ ﺻﻬﻴﺐ ﻧﺴﻲ ﺣﺎﺟﺎﺕ ﻛﺘﺎﺭ ﻓﻲ ﺍﻟﻤﻜﺘﺐ ﻣﺸﻴﺖ ﺳﺎﻋﺘﻮ ﻭ ﻛﺪﺍ
ﺍﻧﺘﺼﺎﺭ : ﻣﺎ ﺑﺴﺎﻝ ﻣﻦ ﺍﻟﺘﺎﺧﻴﺮ ﺑﺴﺎﻝ ﻟﻴﻪ ﺷﻜﻠﻚ ﺑﺎﻫﺖ ﻛﺪﺍ ﺣﺼﻞ ﻟﻴﻚ ﺷﻲ
ﺍﻧﺎ : ﺩﺍ ﺍﺭﻫﺎﻕ ﻣﺎ ﺍﻛﺘﺮ ﻭ ﻣﺎﺷﻪ ﺍﻧﻮﻡ ﺗﺼﺒﺤﻲ ﻋﻠﻲ ﺧﻴﺮ
ﺍﻧﺘﺼﺎﺭ : ﻭﺍﻧﺘﻲ ﺑﺨﻴﺮ
ﺍﻧﺘﺼﺎﺭ ﻣﺎ ﺍﻗﺘﻨﻌﺖ ﺑﻲ ﺍﻟﻘﻠﺘﻮ ﻟﻜﻦ ﻋﻤﻠﺖ ﺭﺍﺣﻴﻪ ﻭ ﻣﻨﺘﻈﺮﺓ ﺍﻧﺎ ﺍﻭﺭﻳﻬﺎ ﻣﺎﻟﻲ ﻟﻜﻦ ﺍﻧﺎ ﻋﻦ ﻧﻔﺴﻲ ﻣﺎ ﻓﺎﻫﻤﻪ ﺣﺼﻞ ﺷﻨﻮ ﻭﻟﻴﻪ
ﺍﺻﺒﺢ ﺍﻟﺼﺒﺢ
ﻗﻤﺘﻪ ﺑﻲ ﺗﻌﺐ ﻭ ﺍﺭﻫﺎﻕ ﻭ ﺣﺎﺳﻪ ﻧﻔﺴﻲ ﻛﻴﻒ ﻛﻴﻒ ﻣﺸﻴﺖ ﺍﺗﺤﻤﻤﺘﻪ ﻭ ﺻﻠﻴﺖ ﻭ ﺟﻬﺰﻧﺎ ﻭ ﻣﺸﻴﻨﺎ ﻋﻠﻲ ﺍﻟﻤﺪﺭﺳﻪ ﻣﻊ ﺍﻟﺸﻠﻪ
ﻗﺼﻲ : ﻣﺎﻟﻚ ﺍﻟﻴﻮﻡ ﺑﺎﻫﺖ ﻛﺪﺍ
ﺍﻧﺎ ...
ﺍﺷﺮ ﻟﻲ ﺍﻧﻮﺭ ﻗﺎﻝ ﻣﻦ ﺍﻣﺲ ﻛﺪﺍ ﻣﺎ ﻋﺎﺭﻑ ﻣﺎﻟﻮ
ﺍﻧﺎ ﻛﻨﺖ ﻓﻲ ﻋﺎﻟﻢ ﺑﺤﺎﻭﻝ ﺍﺳﺘﺠﻤﻪ ﺍﻟﺤﺼﻞ ﺷﻨﻮ ﻭﺍﻧﺎ ﺣﺎﺳﻪ ﺑﻲ ﻧﻔﺴﻲ ﻗﺮﺑﺖ ﺗﻤﻮﺕ ﻣﻦ ﺍﻟﺘﻌﺐ ﻭ ﺍﻻﺭﻫﺎﻕ
ﺩﺧﻠﻨﺎ ﺍﻟﻔﺼﻞ ﻭ ﺣﻀﺮﻧﺎ ﺣﺼﺺ ﺍﻟﺼﺒﺎﺡ ﻭ ﻃﻠﻌﻨﺎ ﻧﻔﻄﺮ ﻭ ﻋﻠﻲ ﺍﺳﺎﺱ ﺑﻌﺪ ﺍﻟﻔﻄﻮﺭ ﺍﻟﺴﺒﺎﺣﻪ
ﻭﻧﺤﻦ ﻣﺎﺷﻴﻦ ﻓﻲ ﺍﻟﺴﺎﺣﻪ ﺷﻔﺘﻪ ﻭﺳﻴﻢ ﺟﺎﻱ ﻣﻦ ﺑﻌﻴﺪ ﺧﻮﻓﻪ ﺑﺲ ﻭﻗﻌﺘﻪ ﻣﻐﻤﻲ ﻋﻠﻲ
ﺍﻧﻮﺭ : ﺭﺍﻣﻲ ﺭﺍﻣﻲ
ﻭﺍﻧﺎ ﺑﻴﻦ ﺩﺍﻳﺨﻪ ﻭ ﺻﺎﺣﻴﻪ ﻭﺳﻴﻢ ﺟﺎ ﺷﺎﻟﻨﻲ ﻭ ﺍﻧﺎ ﺑﻘﺎﻭﻡ ﻋﺸﺎﻥ ﻣﺎ ﻳﺸﻠﻨﻲ ﻭ ﻭ ﺑﺪﻓﺮ ﻓﻴﻬﻮ ﻭ ﻗﺎﻡ ﺿﻤﺎﻧﻲ ﻋﻠﻴﻪ ﺍﻛﺘﺮ
ﻭﻋﻠﻲ ﻛﺪﺍ ﻓﻘﺘﻪ ﺍﻟﻮﻋﻲ ﻧﻬﺎﻱ
( ﻭﺩﺍﻧﻲ ﺍﻟﻤﺮﻛﺰ ﺭﻛﺒﻮ ﻟﻲ ﺩﺭﺑﺎﺕ ﻭ ﺷﺨﺼﻮ ﺣﺎﻟﺘﻲ ﺍﺭﻫﺎﻕ ﻭ ﻫﺒﻮﻁ ﺗﺎﻧﻲ ﻭ ﺍﻧﻮﺭ ﺩﺍ ﻗﺮﺏ ﻳﻤﻮﺕ ﻭ ﺧﺎﻳﻒ ﻟﻤﻦ ﺑﻲ ﻏﺎﺩﻱ )
ﻓﻲ ﻏﺮﻓﻪ ﺍﻟﺴﻜﻦ
ﺍﻧﺎ : ﺍﻧﺘﺼﺎﺭ ﺍﻧﺘﺼﺎﺭ
ﺍﻧﺘﺼﺎﺭ : ﺍﻳﻮﺍ ﺍﻧﺎ ﻣﻌﺎﻙ
ﺍﻧﺎ : ﺍﻟﺴﺎﻋﻪ ﻛﻢ
ﺍﻧﺘﺼﺎﺭ : ﻋﺸﺮﺓ ﺑﻲ ﺍﻟﺼﺒﺎﺡ
ﺍﻧﺎ : ﻳﻌﻨﻲ ﻣﻦ ﺍﻣﺲ ﻧﺎﻳﻤﻪ ﻃﻴﺐ ﺗﻌﺎﻟﻲ ﺍﺗﻜﻠﻴﻨﻲ ﻋﺸﺎﻥ ﺍﻣﺸﻲ ﺍﻟﺤﻤﺎﻡ ﺍﺻﺤﺼﺢ
ﺍﻧﺘﺼﺎﺭ : ﻫﺎﻛﻲ
ﺍﻧﺎ : ﺷﻨﻮ
ﺍﻧﺘﺼﺎﺭ : ﺑﻌﺮﻑ ﺟﺎﻙ ﻣﻐﺺ ﻋﻠﻲ ﺗﻌﺐ ﺍﻟﻌﺮﺱ ﻭﻗﻌﺘﻲ ﺍﺧﺘﻲ ﺍﻧﺘﺒﻬﻲ ﻟﻲ ﻧﻔﺴﻚ ﻭ ﻣﺎ ﺗﻬﻤﻠﻲ ﻧﻔﺴﻚ ﻛﺪﺍ
ﺍﻧﺎ : ﺷﻜﺮﺍ ﺣﺒﻴﺒﻪ ﻭ ﻛﻮﻳﺲ
ﺩﺧﻠﺘﺎ ﺍﻟﺤﻤﺎﻡ ﻭ ﻗﻌﺘﻪ ﻭ ﺑﻘﻴﺖ ﺍﺑﻜﻲ ﻭﺧﺎﺗﻪ ﻳﺪﻱ ﻓﻲ ﺭﻗﺒﺘﻲ ﺍﻗﻮﻝ ﻱ ﺭﺏ ﺍﻧﺎ ﺣﻈﻲ ﻛﻌﺐ ﻛﺪﺍ ﻫﺴﻲ ﺩﺍ ﺍﻧﺎ ﻋﻤﺘﻪ ﻟﻴﻬﻮ ﺷﻨﻮ ﻭ ﺑﺘﺼﺮﻑ ﻛﺪﺍ ﻟﻴﻪ ﻭ ﻟﻮ ﻋﺮﻑ ﺍﻧﺖ ﺑﻨﺖ ﺑﻌﻤﻞ ﺷﻨﻮ ﻭ ﺍﻓﻜﺎﺭ ﻛﺘﻴﺮﺓ ﻣﺎﺷﻪ ﻓﻲ ﺭﺍﺳﻲ ﺍﺳﺘﺤﻤﻴﺖ ﻭ ﺟﻴﺖ ﺭﻗﺘﻪ ﻭ ﻣﺎ ﻋﺎﻳﻨﺘﻪ ﻟﻲ ﺍﻧﺘﺼﺎﺭ ﻭ ﻧﻤﺘﻪ ﻋﻠﻲ ﻛﺪﺍ
ﺳﺎﻣﻌﻪ ﺍﺻﻮﺍﺕ ﻣﻦ ﺑﻌﻴﺪ ﺍﺗﻮﻧﺴﻮ ﺷﻮﻳﻪ ﻭ ﻃﻠﻌﻪ ﻟﻜﻦ ﻗﺎﻟﻮ ﺷﻨﻮ ﻣﺎ ﻋﺎﺭﻓﻪ ﺻﺤﻴﺖ ﺍﻟﺴﺎﻋﻪ ﺳﺘﻪ ﻣﺴﺎﺀ ﺩﺧﻠﺘﻪ ﺍﻟﺤﻤﺎﻡ ﻭ ﺟﻴﺖ ﺩﺍﻳﺮﺓ ﺍﺭﻗﺪ
ﺍﻧﻮﺭ : ﻻ ﻻ ﻫﺎﻛﻲ ﺍﺷﺮﺑﻲ ﺩﺍ
ﺍﻧﺎ : ﻻ ﻣﺎ ﺩﺍﻳﺮﺓ
ﺍﻧﻮﺭ : ﻋﺸﺎﻥ ﺧﺎﻃﺮﻱ ﻭ ﺧﺎﺕ ﺍﻣﻲ
ﺍﻧﺎ : ﻃﻴﺐ ﺷﻠﺘﻪ ﺷﺮﺑﺘﻪ ﻋﺼﻴﺮ ﻭ ﺍﺑﻴﺖ ﺍﻛﻞ ﻭ ﺭﻗﺘﻪ ﻋﻠﻲ ﻛﺪﺍ ﺻﺤﻴﺖ ﺗﺎﻧﻲ ﻳﻮﻡ ﻧﻔﺲ ﺍﻟﻤﻮﺍﻝ ﻭ ﺑﺠﻮ ﺍﻟﺸﺒﺎﺏ ﻳﻄﻤﻮﻧﻮ ﻋﻠﻴﻨﺎ ﻭ ﺑﻤﺸﻮ ﻭ ﺻﻬﻴﺐ ﻭ ﻛﻤﺎﻥ ﺟﺎ ﻳﺎﺳﺮ ﻟﻤﻦ ﺑﻘﻴﺖ ﺍﺻﺤﺼﺢ ﻭﻣﺎﺷﻔﺘﻪ ﻭﺳﻴﻢ ﻭ ﺍﻛﻞ ﻭ ﺣﺎﻟﻲ ﺍﺗﺤﺴﻦ ﻭﺟﺎﺕ ﺍﻧﺘﺼﺎﺭ ﻗﺎﻟﺖ ﻟﻲ ﺍﺣﻜﻲ ﻟﻴﻬﺎ ﺣﺼﻞ ﺷﻨﻮ ﻭ ﺍﻟﺨﻼﻧﻲ ﺑﺎﻫﺘﻪ ﻛﺪﺍ
ﻗﻠﺘﻪ ﻟﻴﻬﺎ ﺍﺭﻫﺎﻕ ﻭ ﺗﻌﺐ ﻭﺍﻟﻤﻐﺺ ﻗﺮﺑﺘﻪ ﺍﻣﻮﺕ ﺑﻴﻬﻢ ﻭ ﻛﺪﺍ ﻣﺎ ﺍﻗﺘﻨﻌﺖ ﻭ ﺣﺎﺳﻪ ﺑﻲ ﺷﻲ ﻏﻠﻂ
( ﺍﻣﺎ ﻗﺼﻲ ﻣﻦ ﻳﻮﻡ ﺷﺎﻑ ﺍﻧﺘﺼﺎﺭ ﺯﻱ ﺍﻟﻤﺎﺷﺎﻓﺎ ﺑﻨﺖ ﺑﻘﻲ ﻣﻌﺎﻫﺎ ﻋﺎﺩﻱ ﻭ ﻭﻫﻲ ﺯﺍﺗﺎ ﺍﺗﺼﺮﻓﺖ ﻋﺎﺩﻱ ﻟﻜﻦ ﻋﺮﻑ ﺍﻧﻮ ﺍﻧﺎ ﺑﻨﺖ ﺑﺮﺿﻮ ﻭ ﻣﺎ ﺍﺩﺧﻞ ﻓﻲ ﺧﺼﻮﺻﻴﺘﻨﺎ ﻭ ﺑﻘﻲ ﺍﻟﻤﻮﺿﻮﻉ ﺳﺮ )
ﺑﻌﺪ ﺍﺗﺤﺴﻨﺖ ﻧﺰﻟﻨﺎ ﺍﻟﻤﺪﺭﺳﻪ ﻃﺒﻌﺎ ﺍﻧﺘﺼﺎﺭ ﺑﺘﺎﺧﺪ ﺍﺫﻥ ﻋﺸﺎﻥ ﻣﺎ ﺗﺨﻠﻴﻨﻲ ﺑﺮﺍﻱ ﺍﻭ ﺍﻧﺰﻝ ﺑﺮﺍﻫﺎ ﻭ ﻃﻮﻝ ﺍﻟﻮﻗﺖ ﻣﻬﺘﻤﻪ ﺑﻲ ﻣﺎﻑ ﺍﺣﻠﻲ ﻣﻦ ﺍﻻﺧﻮﺍﺕ ﺑﺘﻠﻘﺎﻫﻢ ﻓﻲ ﺍﻟﺤﺎﺭﺓ ﻭ ﺍﻟﺤﻠﻮﺓ
ﺍﻧﺎ : ﺣﺎﺳﻪ ﻧﻔﺴﻲ ﻣﺎ ﻧﺰﻟﺘﻪ ﺳﻨﻪ ﻟﻤﻦ ﺣﺴﻤﻲ ﻣﺠﺒﺺ
ﺍﻧﻮﺭ : ﻣﺎﻫﻮ ﺍﻧﺖ ﻧﺎﻳﻢ 25 ،ﺳﺎﻋﻪ ﻭ ﻏﺎﻳﺐ ﻣﻴﻪ ﺳﻨﻪ
ﺍﻧﺎ : ﻛﻀﺎﺏ ﺩﺍ ﺍﻟﺼﻼ ﺍﻟﺰﻣﻦ 24 ﻭ
ﺍﻧﻮﺭ : ﻭﺍﻧﺖ ﻧﺎﻳﻢ ﻟﻤﻦ ﺍﺗﺨﻄﻴﺖ ﺍﻟﺤﺪ ﻭ ﺑﺘﻬﻠﻮﺱ ﻭ ﺑﺘﺨﻠﻌﻨﻲ ﻣﻌﺎﻙ
ﺍﻧﺎ : ﻣﺎﺗﺬﻛﺮﻧﻲ ﺑﺎﻻﻳﺎﻡ ﺍﻟﺴﻮﺩﺓ ﺻﺤﻲ ﺍﻧﺎ ﺑﻬﻠﻮﺱ ﺑﻘﻮﻝ ﺷﻨﻮ
ﺍﻧﻮﺭ : ﻣﺶ ﻗﻠﺘﻪ ﻣﺎ ﻧﺬﻛﺮﻙ
ﺟﻴﻨﺎ ﻟﻠﺸﻠﻪ ﻭ ﻛﻠﻬﻢ ﻛﻔﺮﻭ ﻟﻲ ﻭ ﺟﺎ ﺧﺎﻟﺪ ﺣﻀﻨﻲ ﻋﻠﻲ ﺧﻔﻴﻒ ﻭﻗﺎﻝ ﺟﺪ ﺍﺷﺘﻘﻨﺎ ﻟﻴﻚ ﻱ ﺯﻭﻟﻲ ﻭ ﺯﺣﺘﻮ ﻣﻨﻲ ﻗﻠﺘﻪ ﻟﻴﻬﻮ ﻣﺶ ﻗﻠﻨﺎ ﺣﻀﻦ ﻣﺎﻑ
ﺧﺎﻟﺪ : ﻧﺤﻦ ﺷﺒﺎﺏ ﻭ ﺍﺧﻮﺍﻥ ﻭ ﺍﻧﺖ ﻋﻴﺎﻥ ﻋﺎﺩﻱ ﻳﻌﻨﻲ ﻓﻴﻬﺎ ﺷﻨﻮ ﻏﻠﻂ
ﺳﻜﺖ ﺧﻠﻴﺘﻬﻮ ﻭ ﺑﺲ ﻋﻴﻨﻲ ﻭﻗﻌﺖ ﻋﻠﻲ ﻭﺳﻴﻢ ﻣﻦ ﺑﻌﻴﺪ ﻭﺍﺫﻛﺮﺗﺎ ﺍﻟﻤﺸﻬﺪ ﺩﺍﻙ ﻟﻤﻦ ﻟﻮﻧﻲ ﻗﻠﺐ ﻭ ﻫﻮ ﻣﺸﻲ ﺧﻠﻨﺎ ﻭ ﺣﻀﺮﻧﺎ ﺍﻟﺤﺼﺺ ﻭ ﻣﺸﻴﺖ ﻟﻲ ﺻﻬﻴﺐ ﺳﻠﻤﺘﻪ ﻟﻴﻬﻮ ﻭ ﻛﺎﻥ ﻣﻌﺎﻫﻮ ﻳﺎﺳﺮ ﻭ ﺍﺗﻮﻧﺴﻨﺎ ﻣﻌﺎﻫﻢ ﻭ ﻳﺎﺳﺮ ﺑﻘﻲ ﺻﺎﺣﺒﻲ ﻭ ﺗﻤﻴﻨﺎ ﻳﻮﻣﻨﺎ ﻋﺎﺩﻱ
ﺍﻟﻤﺴﺎﺀ ﺟﺎ ﻭ ﻗﺼﻲ ﻗﺎﻝ ﻟﻴﻨﺎ ﻓﻲ ﻓﻠﻢ ﻣﻌﺮﻭﺽ ﺍﻟﻠﻴﻠﻪ ﻭ ﺩﺍﻳﺮﻳﻦ ﻳﺤﻀﺮﻭ ﻭ ﻧﺤﻦ ﻭﺍﻓﻘﻨﺎ ﻧﺤﻀﺮ ﻣﻌﺎﻫﻢ ﺍﻟﺸﺒﺎﺏ ﺟﺎﺑﻮ ﻓﺸﺎﺭ ﻭ ﻛﻴﻚ ﻭ ﺣﺎﺟﺎﺕ ﺧﻔﻴﻔﻪ ﻭ ﺟﻮ ﻗﻌﺪﻭ ﺍﻧﻮﺭ ﻗﺎﻝ ﺑﻌﻤﻞ ﺍﻟﺠﺒﻨﻪ ﻗﻠﺘﻪ ﻟﻴﻬﻮ ﺍﻧﺎ ﺑﻮﺩﻱ ﺷﻨﻄﻨﺎ ﺍﻟﻐﺮﻓﻪ ﻭ ﺑﺠﻲ ﻗﺎﻝ ﺟﺎﻱ ﻣﻌﺎﻱ ﻟﺤﻈﺎﺕ ﻭ ﺑﻨﺮﺟﻊ ﻣﺸﻴﻨﺎ ﺻﻠﻴﻨﺎ ﻭ ﻫﻮ ﺍﺗﻘﺪﻡ ﻋﺸﺎﻥ ﺍﻟﺠﺒﻨﻪ ﻭ ﺍﻧﺎ ﺑﻌﺪ ﺧﻠﺼﺘﻪ ﻭ ﺟﻴﺖ ﺩﺍﻳﺮﺓ ﺍﻃﻠﻊ ﻓﻲ ﺷﻲ ﺩﻓﺮﻧﻲ ﺭﺟﻌﺘﻪ ﻭﺭﺍ ﻛﻢ ﺧﻄﻮﺓ ﻟﻤﻦ ﻗﺮﺑﺘﺎ ﺍﻗﻊ ﻭ ،،،،
️♦️♦️♦️♦️♦️♦️♦️♦️♦
ﺍﻟﻨﻬﺎﻳﻪ 🌹
ﺍﻗﻌﺪﻭ ﻋﺎﻓﻴﻪ ﻟﻮ ﺣﻴﻴﻦ ﺑﻨﺘﻼﻗﺎ 🌹🙃
BY NOVEL • روايات
Share with your friend now:
tgoop.com/novelsforus2/39441