✅✅✅✅
#Ochiq_muloqot

✈️ Pedagogika instututi jamoasi bilan ochiq muloqot, ta'mirga muhtoj bog‘cha va maktablardagi qurilish — vazir Qoraqalpog‘istonda bo‘ldi

✅ Bugun Maktabgacha va maktab ta’limi vaziri Hilola Umarova va Qoraqalpog'iston Respublikasi Vazirlar Kengashi raisi Farhod Ermanov ishtirokida Ajiniyoz nomidagi Nukus davlat pedagogika instituti professor-ustozlari bilan ochiq muloqot bo‘lib o‘tdi.

🌐 Unda mas'ullar va oliygoh pedagogik jamoasi ishtirok etdi hamda amalga oshirilayotgan ishlar, kelgusidagi vazifalar yuzasidan o‘z fikr-mulohazalarini bildirishdi.

➖ Ochiq muloqot davomida Ajiniyoz nomidagi Nukus davlat pedagogika instituti rektori etib tayinlangan Alisher Ubbiyev institut jamoasiga tanishtirildi.

Shundan so‘ng, vazir Hilola Umarova institut muzeyi faoliyati bilan ham tanishdi va mazkur oliygoh qoshida tashkil etilgan 90 o‘ringa mo‘ljallangan maktabgacha ta’lim tashkilotini ko‘zdan kechirdi.

🌐 Unda ta'lim tashkilotida yaratilgan sharoitlarni o‘rganib, o‘z takliflari bilan bo‘lishdi.

Uchrashuvda, shuningdek maktabgacha ta’lim yo‘nalishida klaster usulida kadrlar tayyorlash yuzasidan amalga oshirilayotgan ishlar haqida ham so‘z yuritildi.

📊 Ma'lumot o‘rnida: foydalanishga topshirish arafasida turgan mazkur MTT institutning byudjetdan tashqari mablag‘lari hisobidan qurib bitkazilgan.

📍 Shuningdek, vazir Nukus shahridagi 17-sonli maktabgacha ta’lim tashkilotida ham bo‘ldi. Bu bog‘cha 1973-yilda qurilgan bo‘lib, 140 o‘ringa mo‘ljallangan. Bugungi kunda mazkur ta'lim muassasasi qurilish-ta’mirlash ishlariga muhtoj.

Mazkur MTT 2026-yildagi Investitsiya dasturiga kiritilgan hamda yangidan rekonstruksiya qilinishi belgilangan.

🌍🌍🌍🌍🌍🌍

Bizni kuzating:

❤ Telegram                   🌐 Facebook
🌐 Youtube                     🌐 Instagram
🔎 Veb-sayt                     😄 Linkedin