tgoop.com/nmpi1934/46141
Create:
Last Update:
Last Update:
Otabek Hasanovtıń jaslar menen ushırasıwı motivaciyalıq áhmiyetke iye boldı
◾️ Búgin, 12-aprel kúni Ájiniyaz atındaǵı Nókis mámleketlik pedagogikalıq institutında Respublikalıq Ruwxıylıq hám aǵartıwshılıq orayınıń baslıǵı Otabek Hasanov instituttıń pitkeriwshi kurs jáne belsendi student-jasları menen ushırastı.
Ilaj qatnasıwshıları dáslep institutı studentleriniń jetiskenleri, súwretlew hám qol óneri úlgileri, kitaplar kórgizbesi menen tanısıp, «Sıyperde» ansambliniń atqarıwındaǵı xalıq qosıqların tıńladı.
Ushırasıwda jaslardıń ruwxıy dúnyasın jetilistiriw, globallasıw jedel pátlerde dawam etip atırǵan dúnyada jaslar tárbiyası, keleshek iyeleriniń baslamaların qollap-quwatlaw, olar arasında ruwxıy qádiriyatlardı úgit-násiyatlawdıń áhmiyeti haqqında sóz etildi.
«El-yurt umidi» qorı tárepinen járiyalanǵan tańlawda jeńimpaz bolıp, oqıwın sırt ellerdegi abıroylı joqarı oqıw orınlarında dawam ettirip atırǵan jaslar menen bolıp ótken onlayn sáwbetlesiw institut jasları ushın úlken motivaciya boldı.
Ushırasıw juwmaǵında jaslar menen bekkem baylanıstı támiyinlewge baǵdarlanǵan ámeliy ilajlar rejesin islep shıǵıw zárúrligi atap ótildi. Oray baslıǵı Otabek Hasanov jaslarǵa óz maqsetlerine erisiwde bárqulla qollap-quwatlawǵa tayın ekenligin bildirip, belsendi jaslarǵa óz avtorlıǵındaǵı «Liderler kitabı»n sawǵa etti.
Tolıq maǵlıwmat 👇👇👇
https://ndpi.uz/qq/2025/04/12/39761/
🇺🇿MATNNI O‘ZBEK TILIDA O‘QISH
Bizdi baqlap barıń
