tgoop.com/nmpi1934/45837
Create:
Last Update:
Last Update:
🏟NMPIde professor-oqıtıwshılar hám student-jaslar birgelikte azanǵı dene shınıǵıwların alıp bardı
Azanǵı dene shınıqtırıw insan salamatlıǵın bekkemlewde áhmiyetli esaplanadı. Bul organizmniń oyanıwı, adamnıń kún dawamında ózin jaqsı seziniwi hám belsendi bolıwına járdem beredi. Fizikalıq shınıǵıwlar qan aylanısın jaqsılaydı, bulshıq etlerdi bekkemleydi hám immunitetti kúsheytedi.
Ǵalabalıq salamatlıq ilajına institut rektorı Quvondiq Qodirov, prorektorlar, fakultet dekanları hám olardıń orınbasarları, kafedralar hám bólimlerdiń baslıqları, sonday-aq, mıńnan aslam student-jaslar qatnastı.
– Dene tárbiya menen shuǵıllanǵan adamnıń keypiyatı kóteriledi, sebebi shınıǵıwlar dawamında organizmde baxıt gormonı – endorfin ajıraladı. Sonday-aq, bul dıqqatlılıq hám jumıs nátiyjeliligin arttıradı, kúndi jaqsı keypiyat penen baslaw imkaniyatın beredi, – deydi instituttıń dene tárbiya teoriyası hám metodikası kafedrasınıń docenti Dúysenbay Karimov. – Azanǵı dene shınıqtırıw júrek-qan tamır sisteması ushın paydalı bolıp, júrektiń soǵıwın normada uslap turadı hám joqarı qan basımı qáwpin azaytadı. Sonıń menen birge, fizikalıq belsendilik artıqsha salmaq toplanıwınıń aldın aladı hám ulıwmalıq fizikalıq jaǵdaydı jaqsılaydı.
Solay eken, hár kúni azanda birneshe minut dene shınıqtırıw menen shuǵıllanıw salamat hám baxıtlı ómirge qaray taslanǵan áhmiyetli qádemlerdiń biri esaplanadı.
Institutta ǵalabalıq sport hám salamatlıq ilajları dawam etpekte.
Tolıq maǵlıwmat 👇👇👇
https://ndpi.uz/qq/2025/04/03/39387/
🇺🇿MATNNI O‘ZBEK TILIDA O‘QISH
Bizdi baqlap barıń
