tgoop.com/my_memo/7870
Last Update:
#نسيبتي_مصيبتي
بقلم: نمارق_دفع_الله
الجزء 5
ﻋﺎﻳﺪﺓ ﺟﺎﺑﺖ ﺻﻴﻨﻴﺔ ﺍﻟﻌﺸﺎﺀ ﻭﻗﻌﺪﻭ ﻛﻠﻬﻢ ﻳﺘﻌﺸﻮ ..ﻭﻛﺎﻥ ﻑ ﺍﻟﺼﻴﻨﻴﺔ . ﺻﺤﻦ ﻓﺴﻴﺦ ..ﻣﺎﺭﻳﺎ ﺷﺎﻟﺖ ﻟﻘﻤﺔ ﻣﻨﻮ ﻭﻋﺎﻳﺰﺓ ﺗﺪﺧﻠﻬﺎ ﻑ ﺧﺸﻤﻬﺎ ﺷﻤﺖ ﺍﻟﺮﻳﺤﻪ ﺑﺲ ﻭﺑﻄﻨﻬﺎ ﻃﻤﺖ ﻭﻋﺎﻳﺰﺓ ﺗﺮﺟﻊ ﻣﺴﻜﺖ ﺧﺸﻤﻬﺎ ﻭﺟﺮﺕ ﻋﻠﻲ ﺍﻟﺤﻤﺎﻡ .. ﻋﺎﺍﺍﻳﺪﺓ ﻃﻮﻭﺍﻟﻲ ﻏﻈﺖ ﺍﻛﻮﺍﻋﻬﺎ ﺯﻱ ﺧﻄﺮﺍﺕ ﺍﻻﺗﻮﺱ. ﻭﻗﺎﻣﺖ ﻋﻠﻲ ﺣﻴﻠﻬﺎ .. ﻫﺴﻪ ﺩﻱ ﻣﺎﻟﻬﺎ ﺟﺮﺕ ﻛﺪﺓ .. ﺍﻛﻠﻲ ﺩﻩ ﻓﻴﻬﻮ ﺷﻨﻮ ...ﺍﻟﺒﺖ ﺩﻱ ﻣﻤﺴﻮﻭﺧﺔ .ﺑﻌﺪ ﺷﻮﻳﺔ ﺑﺘﻘﻮﻝ ﺍﺗﺴﻤﻤﺖ ..ﻛﻠﻨﺎ ﺑﻨﺎﻛﻞ ﻫﺴﻪ ﺍﻟﺤﺼﻞ ﻟﻴﻨﺎ ﺷﻨﻮ . ﻋﺒﺪ ﺍﻟﻤﻠﻚ ﻗﺎﻝ ﻟﻴﻬﺎ ﺍﺳﻜﺘﻲ ﻱ ﻣﺮﺓ ﺍﻟﻠﻪ ﻳﺮﺿﻲ ﻋﻠﻴﻚ. ﺍﺣﺘﻤﺎﻝ ﻋﻨﺪﻫﺎ ﺍﻟﻢ ﻑ ﺍﻟﻤﻌﺪﺓ ﻭﺍﻛﻠﻚ ﻡ ﻧﻔﻊ ﻣﻌﺎﻫﺎ. ﻗﺎﻟﺖ ﻟﻴﻬﻮ ﻣﻦ ﺯﻣﺎﻥ ﺑﺘﺎﻛﻞ ﻓﻴﻬﻮ ﻟﻤﻦ ﺑﻘﺖ ﺯﻱ ﺍﻟﻘﺮﻧﺘﻴﺔ ))ﻳﻌﻨﻲ ﺑﻘﺖ ﺳﻤﻴﻨﺔ ﻭﺍﻟﻘﺮﻧﺘﻴﺔ ﺩﻱ ﺷﻨﻮ ﻡ ﺗﺴﺎﻟﻮﻧﻲ ﻣﻨﻬﺎ .. ﺑﺴﻤﻌﻬﻢ ﺑﻘﻮﻟﻮﻫﺎ ﻫﻬﻬﻬﻬﻬﻪ (( ) .. ﻋﻠﻲ ﺟﺮﺍ ﺣﺼﻠﻬﺎ ﻟﻘﺎﻫﺎ ﺑﺘﺴﺘﻔﺮﻍ ... ﻗﺎﻝ ﻟﻴﻬﺎ ﻣﺎﻟﻚ ﺍﻧﺘﻲ ﺣﺎﺳﺔ ﺑﺸﻨﻮ. ﻗﺎﻟﺖ ﻟﻴﻬﻮ ﺑﻄﻨﻲ ﻃﺎﻣﺔ ﻭﻋﻨﺪﻱ ﻟﻔﻪ ﺭﺍﺳﻲ . ﺍﺻﻼ ﻟﻲ ﺯﻱ ﺍﺳﺒﻮﻉ ﻛﺪﺓ ﻟﻮ ﺷﻤﻴﺖ ﺭﻳﺤﻪ ﺍﻟﺴﻤﻚ ﻭﻻ ﺍﻟﻔﺴﻴﺦ ﺑﻄﻨﻲ ﺑﺘﺘﻄﻢ . ﺍﻫﺎ ﻃﻮﺍﻟﻲ ﻗﺎﻝ ﻟﻴﻬﺎ ﺧﻼﺹ ﺍﺟﻬﺰﻱ ﺳﺮﻳﻊ .. ﺍﻃﻠﻊ ﺑﺮﺓ ﻧﺎﺱ ﺍﻟﺒﻴﺖ. ﻭﺍﺩﻭﺭ ﺍﻟﻌﺮﺑﻴﺔ ﻧﻤﺸﻲ ﺍﻟﺪﻛﺘﻮﺭ .. ﺍﻫﺎ ﻓﻌﻼ ﻃﻠﻌﻮ ﻭﻗﺎﺑﻠﻮ ﻟﻴﻬﻢ ﺍﺍﺧﺼﺎﺋﻲ ﺷﺎﺍﺍﺍﻃﺮ ﻑ ﺷﺎﺭﻉ ﺍﻟﺪﻛﺎﺗﺮﺓ ))ﺍﺫﺍ ﻋﺎﻣﻠﻴﻦ ﻟﻴﻬﻢ ﺷﺎﺭﻉ ﻓﻜﻴﻒ ﻣﺎ ﻳﻜﻮﻧﻮ ﻣﺘﻤﻴﺰﻳﻦ ﻫﻬﻬﻪ(( . ﺍﻫﺎ ﺩﺧﻠﻮ ﻟﻠﺪﻛﺘﻮﺭ ﻭﻗﺎﻟﻮ ﺗﻔﺤﺺ ﺍﻟﺪﻡ ﻭﺍﻟﺒﻮﻝ . ﻭﻃﻠﻌﺖ ﺍﻟﻨﺘﻴﺠﻪ ﺑﺎﻧﻬﺎ ﺣﺎﻣﻞ ﻓﻲ ﺍﻻﺳﺒﻮﻉ ﺍﻟﺴﺎﺩﺱ .. ﻋﻠﻲ ﻓﺮﺡ ﻓﺮﺡ ﻋﺎﺍﺍﺍﺍﻳﺰ ﻳﻄﻴﺮ ﻭﺯﻋﻠﺘﻮ ﺍﻟﻜﺎﻧﺖ ﻗﺒﻞ ﻳﻮﻣﻴﻦ ﺩﻱ ﻛﻠﻬﺎ ﺭﺍﺣﺖ ﺷﻤﺎﺭ ﻓﻲ ﻣﺮﻗﺔ . ﺍﻟﺪﻛﺘﻮﺭ ﻛﺘﺐ ﻟﻴﻬﺎ ﺍﻟﻌﻼﺟﺎﺕ ﻭﺍﻟﻔﺘﻤﻴﻨﺎﺕ ﺍﻟﻤﻨﺎﺳﺒﺔ ﻛﻠﻬﺎ .. ﻭﻗﺎﻝ ﺗﺎﻧﻲ ﺗﺘﺎﺑﻊ ﻣﻌﺎﻫﻮ ﻛﻞ ﺷﻬﺮ .. ﻭﺭﺟﻌﻮ ﺍﻟﺒﻴﺖ ..ﻭﻋﻠﻲ ﺑﺸﺮ ﻧﺎﺱ ﺑﻴﺘﻬﻢ ﺑﺎﻧﻮ ﻣﺎﺭﻳﺎ ﺣﺎﻣﻞ . ﺣﺎﺟﻪ ﻋﺎﻳﺪﺓ ﻓﺮﺣﺖ ﻓﺮﺡ .ﻭﺟﺎﺕ ﺑﺎﺳﺘﻬﺎ ﻓﻲ ﺭﺍﺳﻬﺎ ﻭﺳﺎﻗﺘﻬﺎ ﻣﻦ ﻳﺪﻫﺎ ﻗﺎﻟﺖ ﻟﻴﻬﺎ ﺍﻧﺘﻲ ﺗﻘﻌﺪﻱ ﻓﻲ ﺍﻟﺴﺮﻳﺮ ﻭﻣﺎ ﺗﺘﺤﺮﻛﻲ ﻣﻦ ﻫﻨﺎ ..ﺗﺎﺧﺪﻱ ﺭﺍﺣﺘﻚ ﻭﺍﻧﺎ ﺑﻌﻤﻞ ﻟﻴﻚ ﺍﻱ ﺣﺎﺟﻪ )) ﺣﻴﺮﺗﻨﻲ ﻣﻌﺎﻫﺎ ﺍﻟﻤﺮﺓ ﺩﻱ ﺍﻟﺘﻘﻮﻝ ﻋﻨﺪﻫﺎ ﻧﻔﺴﻴﺎﺕ ﻫﻬﻬﻬﻬﻬﻪ .(( ﻭﺟﺎﻫﻢ ﻋﺜﻤﺎﻥ ﺩﺍﺧﻞ ..ﻭﺷﺎﻳﻞ ﺍﻟﺤﻠﻮﻳﺎﺕ ﺑﺎﻧﻮﺍﻋﻬﺎ ﻭﺩﻩ ﻛﻠﻮ ﻣﻦ ﻓﺮﺣﺘﻮ ﺑﺎﻧﻮ ﺣﻴﺠﻴﻬﻢ ﺑﻴﺒﻲ ﺟﺪﻳﺪ ﻓﻲ ﺍﻟﺒﻴﺖ . ﻗﺎﻝ ﻟﻴﻬﺎ ﻟﻮ ﻭﻭﻟﺪ ﺗﺴﻤﻴﻬﻮ ﻋﻠﻲ ﺍﻧﺎ ﻭﻟﻮ ﺑﺖ ﺗﺴﻤﻴﻬﺎ ﺳﻬﺎﺩ .. ﻛﻠﻬﻢ ﻗﻌﺪﻭ ﻳﻀﺤﻜﻮ ... ﻗﺎﻟﺖ ﻟﻴﻬﻮ ﺍﻭﻝ ﺷﻲ ﻣﺎ ﺗﻌﺸﻢ ﻳﺎ ﺍﺧﻮﻱ ﻛﺎﻥ ﻭﻟﺪ ﻋﺒﺪ ﺍﻟﻤﻠﻚ ﻭﻛﺎﻥ ﺑﺖ ﺑﺴﻤﻴﻬﺎ ﻋﺎﻳﺪﺓ .ﻭﺗﻌﺎﻝ ﻫﻨﺎ ﻳﺎ ﺍﺧﻮﻱ ﺳﻬﺎﺩ ﺩﻱ ﻣﻨﻮ ﻛﺪﻱ ﺍﻋﺘﺮﻑ ﻟﻴﻨﺎ .. ﻭﺷﻐﻠﻮﻫﺎ ﻟﻴﻬﻮ ﺧﺠﻞ ﻃﻠﻊ ﻣﻨﻬﻢ . ﺣﺎﺟﻪ ﻋﺎﻳﺪﺓ ﻗﺎﻟﺘﻠﻴﻬﻢ ﺗﺼﺒﺤﻮ ﻋﻠﻲ ﺧﻴﺮ ﺍﻟﻮﻗﺖ ﺍﺗﺎﺧﺮ ﺍﺧﺪﻭ ﺭﺍﺣﺘﻜﻢ ﺍﻧﺘﻮ ﺗﻌﺒﺘﻮ ﺍﻟﻠﻴﻠﺔ
يتبع...
BY خــــــواطر وثقافات
Share with your friend now:
tgoop.com/my_memo/7870