tgoop.com/my_memo/7862
Last Update:
#نسيبتي_مصيبتي
بقلم: نمارق_دفع_الله
الجزء 03
ﻋﺎﻳﺪﺓ ﺍﺗﺤﺮﻗﺖ ﺣﺮﻗﺔ ﻭﻛﺎﻥ ﻧﻔﺴﻬﺎ ﻣﺎﺭﻳﺎ ﻳﻄﻠﻘﻮﻫﺎ ﻭﻋﻠﻲ ﻳﺸﺎﻛﻠﻬﺎ ﻟﻜﻦ ﻡ ﺣﺼﻞ ﺍﻟﻌﺎﻳﺰﺍﻫﻮ .. ﻣﻦ ﺍﻟﺼﺒﺎﺡ .ﺗﻠﻔﻮﻥ ﻣﺎﺭﻳﺎ ﺍﺗﺼﻞ. ﺍﻟﻮ ﺍﻟﺴﻼﻡ ﻋﻠﻴﻜﻢ . ﻭﻋﻠﻴﻜﻢ ﺍﻟﺴﻼﻡ. ﺍﻣﻲ ﻛﻴﻔﻚ. ﻭﺍﻟﻠﻪ ﺍﻧﺎ ﻛﻮﻳﺴﺔ ﻳﺎ ﺍﻣﻲ. ﻟﻜﻦ ﻓﻲ ﻣﺸﻜﻠﺔ ﺣﺎﺻﻠﻪ ﻓﻲ ﺍﻟﺒﻴﺖ ﻳﺎ ﺍﻣﻲ .. ﺗﺼﺪﻗﻲ ﺣﺴﻮﻧﻲ ﻗﺎﻝ ﻭﻗﺎﻝ ﻭﻗﺎﻝ .. ﺭﺻﺖ ﻟﻴﻬﺎ ﻛﻼﻡ ﺣﺴﻦ ﻛﻠﻮ ﻟﻲ ﺣﺒﻮﺑﺘﻮ .. ﺍﻣﻬﺎ ﻗﺎﻟﺖ ﻟﻴﻬﺎ ﻋﺎﺩ ﺍﺗﻠﻮﻣﺘﻲ ﻳﺎ ﻣﺎﺭﻳﺎ ﻱ ﺑﺘﻲ . ﺍﻧﺘﻲ ﺟﻨﻴﺘﻲ ﺑﺘﻘﻮﻟﻲ ﻛﻼﻡ ﺯﻱ ﺩﻩ ..ﻭﻻ ﺍﻧﺘﻲ ﺟﻨﻴﺘﻲ ﻋﺸﺎﻥ ﺗﻘﻮﻟﻴﻬﻮ ﻗﺪﺍﻡ ﺷﺎﻓﻌﻚ. ﺍﻧﺘﻲ ﻣﺎ ﻋﺎﺭﻓﻪ ﺍﻟﺸﻔﻊ ﺑﻨﻘﻠﻮ ﺍﻟﻜﻼﻡ .. ﻗﺎﻟﺖ ﻟﻴﻬﺎ ﻭﺍﻟﻠﻪ ﻳﺎ ﺍﻣﻲ ﺩﻩ ﺍﻟﺤﺼﻞ ﻭﺍﻧﺎ ﻋﺎﻳﺰﺓ ﺍﻃﻠﻊ ﻣﻦ ﺍﻟﻤﺸﻜﻠﺔ ﺩﻱ ﺑﺎﻱ ﻃﺮﻳﻘﻪ ﻻﻧﻮ ﻋﻠﻲ ﻣﻦ ﺍﻣﺲ ﻣﺘﻐﻴﺮ ﻣﻨﻲ ﻭﺍﻧﺎ ﺧﺎﻳﻔﻪ ﺍﻟﻤﻮﺿﻮﻉ ﻳﺘﻄﻮﺭ ..ﺧﻼﺹ ﺧﻼﺹ ﺣﺎﻗﻔﻞ ﺍﻟﺨﻂ ﻳﺎ ﺍﻣﻲ ﺑﺤﺎﻭﻝ ﺍﺟﻴﻜﻢ ﺑﻌﺪﻳﻦ .. ﻭﺍﻟﻠﻪ ﺣﺴﻮﻧﻲ ﺩﻩ ﺑﻘﻲ ﻓﻈﻴﻊ ﺑﻨﻘﻞ ﺍﻱ ﺣﺎﺟﻪ ﻳﺴﻤﻌﻬﺎ. ﺧﻼﺹ ﻣﻌﺎﻙ ﺳﻼﻣﺔ ... ﻃﻠﻌﺖ ﻣﺎﺭﻳﺎ ﻣﻦ ﻏﺮﻓﺘﻬﺎ ﻣﺸﺖ ﺍﻟﻤﻄﺒﺦ ﻟﻘﺖ ﻋﺎﺍﺍﻳﺪﺓ ﻗﺎﺍﺍﺍﺍﻋﺪﺓ .. ﻗﺎﻟﺖ ﻟﻴﻬﺎ ﺻﺒﺎﺡ ﺍﻟﺨﻴﺮ ﻳﺎ ﺧﺎﻟﺘﻲ ..ﻗﺎﻟﺖ ﻟﻴﻬﺎ ﻭﻣﻦ ﻭﻳﻦ ﻳﺠﻲ ﺍﻟﺨﻴﺮ ﻭﻣﺎﺭﻳﺎ ﻋﺮﻓﺖ ﻋﺎﺍﻳﺪﺓ ﺯﻋﻼﻧﺔ ﻣﻦ ﻛﻼﻣﻬﺎ .. ﻟﻜﻦ ﻗﺎﻟﺖ ﺍﺗﺎ ﺑﺤﺎﻭﻝ ﺍﻭﺿﺢ ﻟﻴﻬﺎ ﻭﺍﻛﺴﺐ ﺭﺿﺎﻫﺎ ﺑﺎﻱ ﻃﺮﻳﻘﺔ . ﺍﻟﻤﺮﺓ ﺩﻱ ﻛﺎﻥ ﻋﺎﻧﺪﺗﻬﺎ ﻭﻻ ﺳﻤﻌﺖ ﻛﻼﻡ ﺗﺎﻧﻲ ﻃﻼﻗﻲ ﻣﻦ ﻋﻠﻲ ﺣﻴﺒﻘﻲ ﻣﺆﻛﺪ ﻭﺍﻧﺎ ﻣﺎ ﻋﺎﻳﺰﺓ ﺍﺧﺮﺏ ﺑﻴﺘﻲ ... ﺷﺎﻟﺖ ﺍﻟﺸﺎﻱ ﻭﺩﺧﻠﺖ ﺑﻴﻬﻮ ﻏﺮﻓﺘﻬﺎ ﻗﺎﻟﺖ ﻟﻲ ﻋﻠﻲ ﺩﻩ ﺍﻟﺸﺎﻱ ﺟﺒﺘﻮ ﻟﻴﻚ ﺍﺷﺮﺑﻮ ﺣﺘﻲ ﺗﻄﻠﻊ ﻗﺎﻝ ﻟﻴﻬﺎ .. ﻣﺎ ﻋﻨﺪﻱ ﻧﻔﺲ. ﻳﻼ ﺳﻼﻡ ﺍﻧﺎ ﻃﺎﻟﻊ .. ﺍﻫﺎ ﻣﺎﺭﻳﺎ ﻋﻨﺪﻫﺎ ﻣﻼﺑﺲ ﻏﺴﻠﺘﻬﺎ ﻭﻧﺸﻔﺖ ﻃﺒﻘﺘﻬﺎ ﻭﺩﺧﻠﺘﻬﺎ ﺍﻟﺪﻭﻻﺏ ﻭﻏﻴﺮﺕ ﻟﻲ ﻭﻟﺪﻫﺎ ﻭﺟﻬﺰﺕ ﻃﺎﻟﻌﻪ ﺑﻴﺖ ﺍﻣﻬﺎ ﻭﺍﺳﺎﺳﺎ ﻫﻲ ﺍﺳﺘﺂﺫﻧﺖ ﻣﻦ ﻋﻠﻲ ﻗﺎﻝ ﻟﻴﻬﺎ ﺍﻣﺸﻲ ﻭﺑﻌﺪ ﺍﻟﻤﻐﺮﺏ ﺑﺠﻲ ﺍﺳﻮﻗﻜﻢ . ﺍﻫﺎ ﺟﻬﺰﺕ ﻭﺟﺎﺕ ﻃﺎﻟﻌﻪ ﻭﻣﺎﺳﻜﺔ ﺣﺴﻦ ﻣﻦ ﻳﺪﻭ ..ﻋﺎﻳﺪﺓ ﻭﻗﻔﺖ ﻟﻴﻬﺎ ﻑ ﺍﻟﻄﺮﻳﻖ ﻭﻣﻜﻮﻭﻭﻋﺔ . ﻗﺎﻟﺖ ﻟﻴﻬﺎ ﻭﻉ ﻭﻳﻦ ﺍﻟﻌﺰﻡ ﻳﺨﺘﻲ. ﻣﺘﺸﻴﻜﺔ ﻛﺪﺓ ﻭﻗﺎﺷﺮﺓ ﺍﻟﺘﻘﻮﻝ ﻣﺎﺷﺦ ﺣﻔﻠﺔ. ﻗﺎﻟﺖ ﻟﻴﻬﺎ ﻳﺎ ﺧﺎﻟﺘﻲ ﻣﺎﺷﻪ ﻧﺎﺱ ﺍﻣﻲ ﻛﻠﻤﺖ ﻋﻠﻲ ﻭﻗﺎﻝ ﻟﻲ ﺍﻣﺸﻲ ﻭﺑﻌﺪ ﺍﻟﻤﻐﺮﺏ ﺑﺠﻴﻜﻢ .. ﻗﺎﻟﺖ ﻟﻴﻬﺎ . ﺍﻣﺸﻲ ﺍﻣﺸﻲ ﻳﺨﺘﻲ ﺍﺻﻠﻚ ﺟﻨﻚ ﺣﻮﺍﺳﺔ ﺓﻟﻮﺍﺳﺔ .. ﻛﺎﻥ ﻣﺎ ﻣﺮﻗﺘﻲ ﺑﺘﻤﻮﺗﻲ ﻭﺳﻤﻌﺘﻬﺎ ﻛﻼﻡ ﺯﻱ ﺍﻟﺴﻢ ﻟﻜﻦ ﻃﻨﺸﺘﻬﺎ ﻭﻃﻠﻌﺖ ﻣﺸﺖ ﻧﺎﺱ ﺍﻣﻬﺎ .. ﻭﺳﻠﻤﺖ ﻋﻠﻴﻬﻢ ﻭﻗﺎﻟﺖ ﻟﻲ ﺣﺴﻦ ﺍﺩﺧﻞ ﺟﻮﺓ ﺍﻟﻌﺐ ﻣﻊ ﻧﺎﺱ ﺣﻤﻮﺩﻱ ..ﻟﻤﻠﻤﺖ ﻟﻴﻬﻢ ﺍﻟﻌﺎﺏ ﻋﺸﺎﻥ ﺗﺸﻐﻠﻬﻢ ﻭﺗﻔﻀﻔﺾ ﻟﻲ ﺍﻣﻬﺎ ﻭﺗﺨﻄﻂ ﻣﻌﺎﻫﺎ ﺑﺮﺍﺣﺘﻬﺎ ﻭﺣﺴﻮﻧﻲ ﻡ ﻳﺴﻤﻌﻬﻢ ﻭﻳﻨﻘﻞ ﺍﻟﻜﻼﻡ ﺗﺎﻧﻲ .
يتبع....
BY خــــــواطر وثقافات
Share with your friend now:
tgoop.com/my_memo/7862