tgoop.com/my_memo/7861
Last Update:
#نسيبتي_مصيبتي
بقلم: نمارق_دفع_الله
الجزء 02
ﻋﺎﻳﺪﺓ ﺩﻱ ﻳﺎ ﺍﺧﻮﺍﻧﻨﺎ ﻣﻦ ﻧﻮﻉ ﺍﻟﻨﺴﻮﺍﻥ ﺍﻟﺒﺘﻘﻮﻝ ﺍﻧﻬﺎ ﻣﻮﻗﻔﻪ ﺍﻟﺤﻲ ﻋﻠﻲ ﺭﺟﻞ ﻭﺍﺣﺪﺓ. ﻃﺒﻌﻬﺎ ﺻﻌﺐ ﺷﺪﻳﺪ. ﻟﻜﻦ ﺣﻨﻴﻨﺔ ﻣﺮﺍﺕ ﻭﻣﺮﺍﺕ ﻻ . ﺑﺎﺀﺧﺘﺼﺎﺭ ﻛﺪﺓ ﻉ ﺣﺴﺐ ﻣﺰﺍﺟﻬﺎ .. ﻭﻃﺒﻌﺎ ﻛﻼﻡ ﺣﺴﻮﻧﻲ ﻟﻴﻬﺎ ﻏﺎﻇﻬﺎ ﺷﺪﻳﺪ ..ﻭﻗﺎﺍﻋﺪﺓ ﺧﺎﻟﻔﻪ ﺭﺟﻞ ﻉ ﺭﺟﻞ .. ﻋﺒﺪ ﺍﻟﻤﻠﻚ ﻛﺎﻥ ﻣﺎﻓﻲ ﻓﻲ ﺍﻟﺴﻮﻕ ﺟﺎ ﺍﻟﺒﻴﺖ ﺩﺍﺧﻞ. ﻟﻘﺎﻫﺎ ﻗﺎﻋﺪﺓ ﻭﺷﻜﻠﻬﺎ ﻣﺎ ﻃﺒﻴﻌﻲ .ﻗﺎﻝ ﻟﻴﻬﺎ ﺧﻴﺮ ﻱ ﻋﺎﻳﺪﺓ ﻣﺎﻟﻚ ﻗﺎﻋﺪﺓ ﻛﺪﺓ ﺯﻱ ﺍﻟﺰﻭﻝ ﺍﻟﺠﺎﻳﺒﻴﻦ ﻟﻴﻬﻮ ﺧﺒﺮ ﻣﺎ ﺳﻤﺢ ﻗﺎﻟﺖ ﻟﻴﻬﻮ ﻭﻣﻦ ﻭﻳﻦ ﻳﺠﻲ ﺍﻟﺨﻴﺮ .. ﻣﺮﺕ ﻭﻟﺪﻙ ﺍﻟﻤﺼﻮﻥ. ﻣﻨﺘﻈﺮﺍﻧﻲ ﻣﺘﻴﻦ ﺍﻣﻮﺕ . ﻭﻛﻤﺎﻥ ﺑﺘﻘﻮﻝ ﻟﺒﺤﺴﻮﻧﻲ ﺣﺒﻮﺑﺘﻚ ﺩﻱ ﻛﺎﻥ ﻣﺎﺗﺖ ﺍﻧﺎ ﺑﻜﻮﻥ ﻣﺮﺗﺎﺍﺣﻪ ..ﺍﻟﻤﻬﻢ ﺯﺍﺩﺕ ﻛﻼﻡ ﻛﺘﻴﺮ ﻣﻦ ﻋﻨﺪﻫﺎ ..ﻋﺒﺪ ﺍﻟﻤﻠﻚ ﻗﺎﻝ ﻟﻴﻬﺎ ﻭﺍﻓﺮﺿﻲ ﻗﺎﻟﺖ ﻛﺪﻩ ﻓﻌﻼ ..ﻳﻌﻨﻲ ﻣﻌﻨﺎﻫﺎ ﺍﻧﻮ ﺧﻼﺹ ﺣﺘﻤﻮﺗﻲ ﻫﺴﻪ ..ﺍﻟﻤﻮﺕ ﻣﺎ ﻋﺎﻳﺰ ﺯﻭﻝ ﻳﺪﻋﻲ ﻟﻴﻚ ﺑﻴﻬﻮ ﻭﻻ ﻋﺎﻳﺰ ﻣﺮﺽ ﻳﺠﻴﻚ ..ﺍﻟﻤﻮﺕ ﺩﻩ ﺑﺲ ﺍﻳﺎﻣﻚ ﻓﻲ ﺍﻟﺪﻧﻴﺎ ﻟﻤﻦ ﺗﻨﺘﻬﻲ ﺧﻼﺹ ﺑﺠﻴﻚ . ﺍﻱ ﺯﻭﻝ ﻋﻨﺪﻭ ﻋﻤﺮﻭ ﺍﻟﻜﺎﺗﺒﻮ ﻟﻴﻬﻮ ﺍﻟﻠﻪ ﺑﻌﻴﺸﻮ ﻭﺧﻼﺹ ..ﻭﺛﻢ ﺛﺎﻧﻴﺎ ﺍﻧﺘﻲ ﺑﺘﺴﻤﻌﻲ ﻛﻼﻡ ﺍﻟﺸﻔﻌﺰﻟﺸﻨﻮ. ﻭﺑﺘﺘﺎﺑﻌﻴﻬﻢ ..ﻳﺎﺥ ﺍﻋﻘﻠﻲ. ﺍﻧﺘﻲ ﻛﻞ ﻣﺎ ﺗﻜﺒﺮﻱ ﻣﺎﺷﻪ ﻟﻼﺳﻮﺍﺀ ..ﻭﺍﺣﺬﺭﻱ ﻟﻤﻦ ﻋﻠﻲ ﻳﺠﻲ ﺗﻜﻠﻤﻴﻬﻮ ﻭﺗﺨﺮﺑﻲ ﻋﻠﻴﻬﻮ ﺑﻴﺘﻮ ﻋﺎﺭﻓﻪ ﻭﻟﺪﻙ ﺍﺣﻤﻖ ﻭﺩﻣﺎﻏﻮ ﻧﺎﺷﻒ . ﻗﺎﻟﺖ ﻟﻴﻬﻮ ﺍﻟﻤﺮﺓ ﺩﻱ ﻛﺎﻥ ﺳﻜﺘﺘﺎ ﻟﻴﻬﺎ ﺣﺘﻄﻠﻊ ﻟﻲ ﻓﻲ ﺭﺍﺳﻲ ﺩﻩ ﻭﺗﺪﻕ ﻓﻴﻬﻮ ﺩﻟﻮﻛﺔ .. ﻋﺒﺪ ﺍﻟﻤﻠﻚ ﺯﻫﺞ ﻣﻦ ﻧﻀﺎﻣﺘﻬﺎ ﻭﻃﻠﻊ ﻭﻗﻔﻞ ﺍﻟﺒﺎﺏ ﻭﺭﺍﻫﻮ .. ﻭﻫﻲ ﻗﻌﺪﺕ ﻣﻨﺘﻈﺮﺓ ﻟﻤﻦ ﻋﻠﻲ ﺟﺎ ..ﻭﻫﻲ ﺷﺎﻓﺘﻮ ﻃﻮﺍﻟﻲ ﻣﺜﻠﺖ ﻓﻴﻬﺎ ﺑﺘﺒﻜﻲ ..ﻛﺮ ﻋﻠﻴﻚ ﻱ ﻋﺎﻳﺪﺓ ﺍﻟﺒﺘﻤﻨﻮ ﻟﻴﻚ ﻑ ﺍﻟﻤﻮﺕ ﻭﺷﻐﺎﺍﺍﻟﺔ ﺗﻨﺪﺏ ﻓﻲ ﺣﻈﻬﺎ ﻭﻛﺒﺖ ﻟﻴﻬﺎ ﻛﻢ ﺩﻣﻌﻪ ﻛﺪﺓ .. ﻋﻠﻲ ﺟﺎ ﺍﻟﻤﻄﺒﺦ ﺩﺍﺧﻞ .. ﻟﻘﻲ ﺍﻣﻮ ﺑﺘﺒﻜﻲ .. ﻗﺎﻝ ﻟﻴﻬﺎ ﺑﻤﺔ ﻣﺎﻝ ﻓﻲ ﺷﻨﻮ .. ﻗﺎﻟﺖ ﻟﻴﻬﻮ ﻣﺎﻓﻲ ﺷﻲ ...ﻟﻜﻦ ﺍﻧﺎ ﺧﻼﺹ ﺣﺎﻣﺸﻲ ﻟﺴﻤﻴﺔ ﺍﺧﺘﻲ ﺍﻗﻌﺪ ﻣﻌﺎﻫﺎ. ﻋﺸﺎﻥ ﺍﻧﺘﻮ ﺗﺮﺗﺎﺣﻮ ﻭﻛﺎﻥ ﻣﺘﺘﺎ ﻛﺎﻥ ﺣﻴﻴﺖ ﺍﻧﺘﻮ ﻣﺎ. ﺑﻬﻤﻜﻢ. ﺍﻧﺎ ﺑﻴﺘﻜﻢ ﺩﻩ ﻣﺎ ﻗﺎﻋﺪﺓ ﻓﻴﻬﻮ ﺗﺎﻧﺐ ..ﻗﺎﻝ ﻟﻴﻬﺎ ﻳﺎ ﺍﻣﻲ ﻣﺎﻟﻚ ﺍﻧﺘﻲ ﻑ ﺷﻨﻮ. ﻣﻨﻮ ﺍﻟﺸﺎﻛﻠﻚ ﻭﻣﻨﻮﺍﻟﻘﺎﻝ ﻟﻴﻚ ﻧﺤﻨﺎ ﺗﻌﺒﺎﻧﻴﻦ ﺑﺴﺒﺒﻚ .. ﺑﺎ ﺍﺍﻣﻲ ﺍﺳﺘﻬﺪﻱ ﺑﺎﻟﻠﻪ .. ﻭﺍﺣﻜﻲ ﻟﻲ ﺍﻟﺤﺎﺻﻞ ﺣﺒﺔ ﺣﺒﺔ .. ﻗﺎﻟﺖ ﻟﻴﻬﻮ ﻧﺎﺩﻱ ﺣﺴﻦ ﻭﻟﺪﻙ . ﻧﺎﺩﺍﻫﻮ ﺣﺴﻦ ﺟﺎ . ﻗﺎﻟﺖ ﻟﻴﻬﻮ ﻳﺎ ﺣﺴﻮﻧﻲ ﻟﻤﻦ ﻛﻨﺖ ﺑﻘﻄﻊ ﻑ ﺍﻟﺒﺼﻞ ﺍﻧﺖ ﻗﻠﺖ ﺷﻨﻮ . ﻗﺎﻝ ﻟﻴﻬﺎ ﻳﺎ ﺣﺒﻮﺑﺔ ﺍﻧﺎ ﻗﻠﺖ ﻟﻴﻚ ...ﻭﻗﻌﺪ ﻳﻘﻄﻊ ﻑ ﺍﻟﻜﻼﻡ ..ﻗﻠﺖ ﻟﻴﻚ ﺑﺘﻤﻮﺗﻲ ﻣﺘﻴﻦ. ﺍﻫﺎ ﻗﺎﻟﺖ ﻟﻴﻬﻮ ﺓﺗﺎﻧﻲ ..ﻗﺎﻝ ﻟﻴﻬﺎ ﻡ ﻋﺎﺭﻑ ﺍﻧﺎ. ﻋﻠﻲ ﻗﺎﻝ ﻟﻴﻬﻮ ﻋﻴﺐ ﻱ ﺣﺴﻦ . ﻟﻲ ﺗﻘﻮﻝ ﻟﺤﺒﻮﺑﺘﻚ ﻛﺪﺓ . ﻗﺎﻝ ﻟﻴﻬﻮ ﻱ ﺑﺎﺑﺎ . ﺍﻧﺎ ﻗﻠﺖ ﺣﺒﻮﺑﺔ ﺗﻤﻮﺕ ﻋﺸﺎﻥ ﻣﺎﻣﺎ ﺗﺮﺗﺎﺡ. ﺯﻋﻞ ﺯﻋﻞ ﻣﻦ ﻛﻼﻡ ﻭﻟﺪﻭ . ﻗﺎﻝ ﻟﻴﻬﻮ ﻛﻴﻒ ﻳﻌﻨﻲ ﻣﺎﻣﺎ ﺗﺮﺗﺎﺡ. ﻗﺎﻝ ﻟﻴﻬﻮ ﻻﻧﻮ ﺣﺒﻮﺑﺔ ﻋﻠﻲ ﻃﻮﻝ ﺑﺘﻜﻮﺭﻙ ﻓﻲ ﻣﺎﻣﺎ ﻭﻣﺎﻣﺎ ﻗﺎﻟﺖ ﺣﺒﻮﺑﺔ ﻟﻮ ﻣﺎﺗﺖ ﺍﻧﺎ ﺣﺎﺭﺗﺎﺡ . ﺑﺒﺴﺎﻃﺔ ﻛﺪﺓ ﻋﻠﻲ ﻓﻬﻢ ﺍﻧﻮ ﻓﻲ ﻣﺸﺎﻛﻞ ﺑﻴﻦ ﻣﺮﺗﻮ ﻭﺑﻴﻦ ﺍﻣﻮ ..ﻟﻜﻦ ﻣﺎﻓﻲ ﺩﺍﻋﻲ ﻣﻬﻬﺎ ﺣﺼﻞ ﻣﺎﺭﻳﺎ ﺗﻘﻮﻝ ﻛﺪﺓ. ﻃﻮﺍﻟﻲ ﺩﺧﻞ ﺟﻮﺓ ﻗﺎﻝ ﻟﻴﻬﺎ ﻳﺎ ﻣﺎﺭﻳﺎ ﺍﺧﺮ ﺍﻟﺰﻣﻦ ﻛﻤﺎﻥ ﺑﻘﻴﺘﻲ ﺗﺘﻤﻨﻲ ﺍﻟﻤﻮﺕ ﻻﻣﻲ .. ﻗﺎﻟﺖ ﻟﻴﻬﻮ ﺍﻧﺎ ﺩﻱ ﻣﻨﻮ ﺩﻱ .. ﺑﺮﻱ ﻣﺎ ﻗﻠﺖ ﻭﻻ ﺷﻲ ﻭﻻ ﺍﻣﻨﻴﺖ ﻟﻴﻬﺎ ﺍﻻ ﻛﻞ ﺧﻴﺮ .. ﻭﻋﻠﻲ ﻡ ﺻﺪﻗﻬﺎ ﻧﻬﺎﺋﻲ .. ﻭﺑﺮﺿﻮ ﻃﻠﻊ ﻣﻦ ﺍﻟﺒﻴﺖ ﺯﻫﺠﺎﻥ. ﻻ ﺍﺗﻐﺪﻱ ﻭﻻ ﺍﺭﺗﺎﺡ ﻭﻻ ﺍﺳﺘﺤﻢ . ﻭﻟﻘﻲ ﺍﻟﻤﺸﺎﻛﻞ ﻓﻲ ﺩﺭﺑﻮ. ﻣﺎﺭﻳﺎ ﻧﺎﺩﺕ ﺣﺴﻦ. ﻗﺎﻟﺖ ﻟﻴﻬﻮ ﻱ ﺣﺴﻦ ﺍﻧﺖ ﻗﻠﺖ ﻟﺤﺒﻮﺑﺘﻚ ﺷﻨﻮ . ﻗﺎﻝ ﻟﻴﻬﺎ ﻗﻠﺖ ﻟﻴﻬﺎ ﻱ ﺧﺒﻮﺑﺔ ﺣﺘﻤﻮﺗﻲ ﻣﺘﻴﻦ. ﻻﻧﻮ ﺍﻧﺘﻲ ﻳﺎ ﻣﺎﻣﺎ ﺩﺍﻳﻤﺎ ﺑﺘﻘﻮﻟﻲ ﺗﺎﻧﻲ ﻡ ﺣﺘﺒﻜﻲ ﺍﺫﺍ ﺣﺒﻮﺑﺔ ﻣﺎﺗﺖ ﻭﺍﻧﺎ ﻡ ﻋﺎﻳﺰﻙ ﺗﺒﻜﻲ ﻋﺸﺎﻥ ﻛﺪﺓ ﺳﺎﻟﺘﻬﺎ
يتبع...
BY خــــــواطر وثقافات
Share with your friend now:
tgoop.com/my_memo/7861