tgoop.com/muslumirc/33240
Last Update:
#мәгариф
Гомер сукмагында бер генә була торган чыгарылыш кичәсендә һәммә кешенең: кичәге мәктәп укучысымы ул, аның әти-әнисеме, күршесеме, әби-бабасымы – барысының да йөзләрендә шатлыклы елмаю, күзләрендә бераз моңсулык, ә күңелләрдә – күтәренке бәйрәм рухы.
Берсеннән-берсе купшырак киенгән егет-кызлардан күзләрне алып булмый! Чыгарылыш кичәсе – чыннан да, зур бәйрәм ул, олы тантана! Белем тантанасы! Быел да “Кояшлы Ык” унберенчеләрне үз мәйданында “кунак итте”. Хәер, кунак итте дию дөрес тә булып бетмәс. Унберенчеләр мәйданның чын хуҗалары булдылар бу көнне. Белемне хыялларының ак җилкәне итеп күтәргән егет-кызларны котларга район башлыгы Альберт Хуҗин да килгән иде.
Тулырак «Авыл утлары» газетасының 2025 ел өчен 4 июль саныннан укыгыз.
Гөлназ Җәлилова фотосы
BY Мөслим-информ / Муслюмово

Share with your friend now:
tgoop.com/muslumirc/33240