tgoop.com/muslumirc/33170
Last Update:
Бала тәрбияләүдә мактау һәм шелтә бик зур роль уйный.
✅ Тәрбиядә әти белән әни бер сүздә булып, таләпләр тотрыклы булырга тиеш. Ата-ана кәефе яхшы булганда баласына нәрсә теләсә, шуны эшләргә рөхсәт итә, кәефсез булганда бар нәрсәдән дә тыя икән, бала алга таба бөтенләй тыңламый башларга мөмкин.
✅ Бала тәрбияләүдә мактау һәм шелтә бик зур роль уйный. Баланы җәза бирү юлы белән тыңлатырга күнеккән булсагыз, бик нык ялгышасыз. Төрлечә мактау, хуплау юлы белән яхшырак нәтиҗәләргә ирешергә мөмкин.
✅ Ата-ана мәхәббәте баланы киң күңелле, ягымлы, ачык йөзле итә. Шушы мәхәббәт җылысы балада намуслылык, йомшак күңеллелек тәрбияли. Ләкин баланы нык яратам дип, чама хисен югалтмагыз. Югыйсә үз ихтыяҗларын канәгатьләндерүдән баш тарта алмый торган кеше үсәргә мөмкин.
✅ Әти-әни – улы һәм кызы өчен камиллек үрнәге. Бала аңына ата һәм аның ролендәге кеше шундый булырга тиеш дип сеңдереп үсә. Балагыз өчен яхшы үрнәк булырга тырышыгыз.
✅ Балада эгоизм, ялкаулык, ялганлау кебек начар сыйфатлар күренсә, бу – хәвефле сигнал. Әлеге сыйфатлардан шәфкатьсезлеккә дә ерак түгел. Шәфкатьсезлек кансызлык китереп чыгара. Шуңа күрә балагызның ни белән кызыксынуын, даими шөгыль һәм ял итү урыннарын, кемнәр белән аралашканын белеп торыгыз, укытучылары, иптәшләре белән мөнәсәбәтләреннән хәбәрдар булыгыз.
✅ Гаиләдә бергәләп китаплар укыгыз, җырлар һәм музыка тыңлагыз, табигатьтә ял итегез. Шушы татулык һәм бердәмлек аша эстетик кыйммәтләр пәйда була, әхлак тәрбияләнә.
📸 Фото - "Татар-инфор" архивыннан.
BY Мөслим-информ / Муслюмово
Share with your friend now:
tgoop.com/muslumirc/33170