tgoop.com/muratovuz/718
Last Update:
Lissabondagi Web Summit 2024 birinchi kuni juda aʼlo o‘tdi! Ko‘plab networking imkoniyatlari bo‘lib, turli mamlakatlardan kelgan startap va mahsulotlar bilan tanishdik. Bir hafta yetarli bo‘larmikan, degan savol ham paydo bo‘ldi – bu yerda ko‘rishga va gaplashishga arziydigan startaplar juda ko‘p!
Bir kunda 100dan ortiq odamlar bilan suhbatlashdik. Jumladan, Amazonda ishlaydigan "Nijat" kabi Polshada faoliyat yurituvchi Ozarbayjonlik do‘stlarimiz bilan iWattni Polshaga olib kirish imkoniyatlarini muhokama qildik.
Litvadan kelgan "Rytis" esa o‘zining huquq sohasiga qaratilgan platformasini namoyish etdi. Ushbu platforma internetdagi qonunbuzarliklar, copyright masalalari bo‘yicha muammolarni hal etishga mo‘ljallangan ekan. Biz Sun‘iy intellekt sohasida olib borayotgan ishlarimizga qiziqish bildirib, hamkorlik qilish taklifini bildirishdi.
Klubdoshimiz Ilya bilan ham Alliyans aʼzosi sifatida bir qator yo‘nalishlarda hamkorlik imkoniyatlarini muhokama qildik.
Gollandiyalik Yanis bilan ularning bulutli xizmatlarini O‘zbekistonda, bizning xizmatlarimizni esa Gollandiyada joriy qilish masalasini ko‘rib chiqdik.
