Ramazon Hayiti muborak bo'lsin, yaxshilar!

Qizlar uchun ajoyib imkoniyat. Aytishlaricha, g'oliblar USA ga ketarmish :)

Imkon bering ...

10-12 yoshlarimda stadiondan chiqmasdim. Kunlarning birida mendan 6-7 yosh katta akalar bilan futbol o'ynadik. Bizning jamoada ham 2 ta katta aka bor edi. Futbolda yutkazishni boshladik, negadir o'yin o'xshamayotgandi. Shu pallada, akalarning biri baland ovozda "Muhammadkarimni chiqarib yuboraylik, baribir o'ynay olmas ekan!!!" dedi. Stadionda odam ko'p, yosh bo'lsamda yuragim shuuv etdi. Atrofga qarab juda hijolat bo'ldim, nima qilishimni bilmasdim. Shunda akalardan biri "Muhammadkarim ham zo'r o'ynayapti, malades ukam. Hozir ko'rasizlar! isbotlaydi, to'g'rimi Muhammadkarim?" dedi. Men akaga qarab kulib qo'ydim (rahmat ma'nosida). Bu yerda futbolning natijasi haqida kino aytmoqchi emasman. Biz futbolchi ham bo'lmadik, biz to'p tepgan stadionlar ham yo'q hozir. Ikki narsa qoldi: "Yaxshilik" va "Ajoyib xotiralar". O'sha akani hozir mahallada ko'rsam, "Nima hizmat aka?" deyman. Shunday insonlarning boriga shukr. Imkon berishlik ham himmatdir. Alloh ularga ham imkon bersin!

Xatto ish suhbatlarida ham shu kabi vaziyatlar kuzatiladi. Tajribasiz suhbat qiluvchilar nomzodni tortishni, imkoniyat berishni emas, yiqitishni xoxlashadi. Ishoning, imkon bersangiz, biringiz ikki bo'ladi. Menga imkon berganlarni eslayman. Ko'p joyda ularni madh etaman. Menga bergan birgina imkoniyati sababli, hozirgacha ularni qo'llab quvvatlayman. Shular sababli, bilim olib tajriba yig'dim. Ulardan Alloh rozi bo'lsin.

O'sha siz kimgadir bergan imkonning kelajakdagi maxsuli, hozir va kelajagingizni hal qilishi mumkin. Do'stlar, keling atrofimizdagilarga imkon beraylik. Na u ish bo'lsin, na u shaxsiy munosabatlar ...

@mukhammadkarim_tukhtaboev

Shu joyiga tandirdan yangi chiqdi mana 😅

@mukhammadkarim_tukhtaboev

🥋🥋🥋

Mana bugun belbog'ni ham yangiladik. 😄

Qizil bu Middle degani :)

@mukhammadkarim_tukhtaboev

Baliq olmang, baliq tutishni o‘rganing.
Baliq bermang, baliq tutishni o‘rgating.

Qidirishni, izlanishni, o‘rganishni o‘rganing - shunda siz ustozsiz ham yangi bilimlarni o‘zlashtira olasiz. Agar 6 oylik kurs davomida faqat tayyor bilim olsangiz, kurs tugashi bilanoq mentorsiz o‘rganish imkonsizdek tuyuladi.

Qidirishni, izlanishni, o‘rganishni o‘rgating - shunda o‘quvchingiz sizsiz ham mustaqil o‘rganishni davom ettira oladi. Agar 6 oylik kurs davomida faqat o‘rgatsangiz, kurs tugashi bilanoq o‘quvchi sizsiz o‘rganishni imkonsizdek deb o'ylashi mumkin.

@mukhammadkarim_tukhtaboev

"Sandanam mandanam, undanam bundanam ... "

Faqat mening atrofimda shu ovozlarmi yoki barchada shu ahvolmi?

Microsoft genotsidmi?

Shu kunlarda LinkedIn da Microsoft sun'iy intellekt dasturlarini Falastinga qarshi foydalanish uchun Isroilga berayotgani haqida postlar aylanib yuribdi. Ha, bu haqiqat. Avval, voqea haqida qisqacha aytib bermoqchiman.

"Microsoft AI" CEO si Mustafa Suleyman Microsoft ning 50 yilligi munosabati bilan o'tkazilayotgan konferensiyada nuqt so'zlayotgan bir paytda, bir musulmon qiz norozilik bilan shunday dedi: "Mustafo, uyat sizga! Siz AI dan yaxshilik uchun foydalanishni da'vo qilasiz. Lekin Microsoft Isroil armiyasiga AI qurollarini sotyapti. 50 ming odam o'ldi va Microsoft bu genotsidni qo'llab quvvatlayapti. Siz Suriyaliksiz, bilasizmi? Siz urushdan foydani ko'zlaydiganlardansiz. Uyat sizga! AI dan genotsid uchun foydalanishni to'xtating. Qo'llaringiz qonga to'lgan. Microsoftning qo'llari qonga to'lgan. Siz qanday qilib bayram nishonlayapsiz? Microsoft bolalarni o'ldiryapti-ku! Barchangiz uyaling!"

Barchaga vaziyat tushunarli bo'ldi deb o'ylayman. Keling, chuqurroq yondashib ko'ramiz. Bu bo'yicha konferensiyada Mustafo aniq fikrlar keltirmagan. Shunchaki u qiz vaziyatni kutgan va bayramda namoyish tashkil qilgan. Ishoning, men Microsoft ning bunday ishlarini xech qachon qo'llab quvvatlamayman. Nafaqat Microsoft, balki Apple, Meta, Google ham huddi shu ishlarga aralashgan. Ammo nima qilaylik? Ba'zi talabalar Microsoftning Student Ambassador dasturlaridan chiqib ketgan yoki shunga o'xshash vaziyatlar. Ammo bunday qilish juda to'g'ri yechim ham emas. Agar IT olamida "ketish" yo'lini tanlasak, vaziyatimiz battar yomonlashadi. Microsoft AI (Copilot) ni qo'ying, ammo LinkedIn, Github, Windows, Azure, Office, xattoki OpenAI ham Microsoftning qo'lida. Shunchaki "tashlash" bu yechim emas. Shu bo'yicha postlar ostida ajoyib fikrni o'qib qoldim:

"Urushda qurolsiz qolganingda dushmanning qurolidan foydalanishing mumkin. Agar qurolsiz qolsang, seni o'ldirishadi."

Aytgancha, u qiz ishdan ketib, eng to'g'ri ishni qilgan. Chunki u to'g'ridan to'g'ri Falastinga qarshi ishlatilayotgan qurollarni yasashda qatnashayotgan edi. Hozirda u insonni kattagina startup juda yaxshi oylik maoshi evaziga yollashga ulgirdi.

@mukhammadkarim_tukhtaboev

“Vibe coding” haqida bir yaxshi, bir yomon gap ayta olaman:

Yaxshisi:
- MVP darajadagi ajoyib maxsulotni yasash mumkin, xattoki, zo’r dizayn bilan.

Yomoni:
- Kodlar musr bo’ladi, uni to’g’rilash esa ko’p vaqt olishi mumkin, dastur kattalashgan sari AI ning ko’zi xiralashadi.

Hozirgacha, 6 ta dastur yasab ko’rdim (web, mobile). Jumladan: prep4job.com, tavsiya.com

Yaxshi dasturchi bo’lmasa bu qurollardan foydalanish qiyin. Oddiy aytganda, AI dan foydalanish uchun ham yaxshigina dasturchi bo’lish lozim. Sifatli kod yozdirish uchun, sifatli prompt berish kerak. Uning uchun esa, kod yozishni emas, dasturlashni o’rganish kerak. Kodni AI yozib beryapti. Ammo dasturlash bu umuman boshqa daraja …

@mukhammadkarim_tukhtaboev

.NET dasturchi bo'lishni istaganlar uchun imkoniyat

Eng zo'r o'quvchilarimdan biri Jamshid .NET bo'yicha dars berishni boshlayotgan ekan.

Dars formati: Offline, 2 soatdan.
Dars vaqtlari: Dushanba, Chorshanba, Juma, 17:00 - 19:00
Kurs narxi: 1.300.000 so'm
Bog'lanish uchun: +998883338803
Manzil: Yunusobod, Bodomzor

Jamshid hozirda Rossiya kompaniyalaridan birida Senior .NET dasturchi sifatida 2.5 yildan beri ishlab keladi. Shu bilan birgalikda u Najot Ta'lim va HAAD o'quv markazlarida ham ustoz sifatida faoliyat olib borgan.

Darslar seshanba kundan boshlanar ekan. Shoshilib qoling. Aytgancha, sizdan dasturlash bo'yicha boshlang'ich bilimlar talab etiladi.

@mukhammadkarim_tukhtaboev

Haqiqiy boykot

Agar qaysidir katta kompaniya haqida yaxshi fikrda bo'lmasangiz, uni boykot qilishni eng yaxshi yo'li nima bilasizmi?

Bu uning mahsulotlarini sotib olmay qo'yish emas (bundan eng katta zararni o'zingiz ko'rasiz), unga raqobatchi kompaniya yaratib uni bozordagi o'rnini olib qo'yish.

Eplay olsangiz butun xizmatlaridan ko'ra yaxshiroq xizmatlar, mahsulotlar yarating. Eplay olmasangiz hech bo'lmaganda o'z davlatingizdagi, o'z shahringizdagi, o'z mahallangizdagi xizmat / mahsulotidan ko'ra chin ma'nodagi yaxshiroq bo'lgan alternativ mahsulot taklif qiling. Ana shunda odamlarni chiqib boykotga chaqirib, battar kambag'allashtirmaysiz. Balki yaxshiroq mahsulot berib boyitasiz.

Qo'lingizdan kelmaydimi? Hozircha kelmaydimi? Unda keladigan paytgacha o'qing, o'rganing, izlaning, harakat qiling.

O'rganish uchun eng yaxshi variant esa o'sha kompaniya o'zi. Zo'r kompaniyadan zo'rroq narsa qilishning eng yaxshi usuli tashqaridan turib "divanniy" analitika qilish emas, ichkaridan turib barcha kuchli, kuchsiz tomonini o'rganish.

Va eng asosiysi - kimnidir boykot qilish, sindirish uchun harakat qilmang. Shunchaki eng yaxshisi bo'lishga, eng yaxshi mahsulot yaratishga va ko'proq odamlar hayotini yaxshilashga harakat qiling.

Muammo "yomonlar" kuchli ekanida emas, "yaxshilar" juda ojiz ekanida!

#justthoughts

@musayev_blogi

IT Blogerlar o'rtasida stol tennis musobaqasi o'tkazilayotgan ekan. Men ham qatnashmoqchiman. Yana kimdir uchun qiziq bo'lsa, quyidagi havola orqali ro'yxatdan o'tishingiz mumkin:

https://www.tgoop.com/pingpong_dev/68

@mukhammadkarim_tukhtaboev

❗️Ўзбекистонда сунъий интеллект ёрдамида шахсга доир маълумотларга ноқонуний ишлов берганлик учун жавобгарлик жорий этилади

Қонун лойиҳасига кўра, сунъий интеллект орқали шахсга доир маълумотларга ноқонуний ишлов бериш ва уларни ОАВ ёки Интернетда тарқатиш учун жавобгарлик белгиланиши режалаштирилмоқда.

👉 @r_kusherbayev