tgoop.com/mukhammadkarim_tukhtaboev/2809
Last Update:
Кеча OpenAI Developer Day бўлиб ўтди — сиз ҳам уни YouTube’да кўрган бўлишингиз мумкин. OpenAI тобора катта бозорларга кириб бормоқда ва у интернетни ўзгартириши аниқ.
Кеча компания AgentKit — яъни агентлар қуриш платформасини намойиш қилди ва яқин вақтларда маркетплейсни ишга туширишни режалаштирмоқда. Бу мобил иловаларнинг App Store’идан ҳам каттароқ бўлиши мумкин, чунки бу ерда OpenAI ўз платформаси ичида бўлаётган ҳар бир жараён ва фойдаланувчи хоҳишларини билади. Кечаги эълон билан у минглаб горизонтал AI-стартапларни ўз стратегияларини қайта кўриб чиқишга мажбур қилди.
Кейинги катта янгилик — Codex ва намойиш этилган дастурлашнинг овозли интерфейси. Бу ҳар қандай одамга ўзини қизиқтирган маҳсулотни мустақил равишда яратиш имконини беради.
Бундан ташқари, кеча OpenAI AMD билан ҳамкорликни эълон қилди ва AMD’нинг 10% улушини олди. Бу дегани — у икки йирик процессор ишлаб чиқарувчи компания билан стратегик ҳамкорлик қилмоқда ва бошқа компанияларга чиплар сотиш имкониятини яратмоқда.
Агентлар бозори жуда катта бўлади ва у интернетнинг бугунги кўринишини тўлиқ ўзгартиради.
Бундай улкан ўзгаришларни кузатиш ва кичик бир вертикалда иштирокчи бўлиш жуда қизиқ жараён.
@paiziev24
BY Janob Panda
Share with your friend now:
tgoop.com/mukhammadkarim_tukhtaboev/2809