tgoop.com/mukhammadkarim_tukhtaboev/2332
Last Update:
Microsoft kompaniyasi "Linux Foundation" ga asosiy hissa qo'shuvchi a'zolar safida turar ekan.
Linux operatsion tizimining rivojlanishiga hissa qo'shayotgan kompaniyalar "Platina", "Oltin", "Kumush" ... kabi turlarga kiritiladi. Microsoft esa "Platina" guruhiga mansub ekan.
- Platina a'zolari: Microsoft, Meta, Oracle, IBM, Samsung, ...
- Oltin a'zolari: Google, Honda, Sony, Toshiba, CISCO ...
- Kumush a'zolari: Adobe, AWS, DSR, Docker, Ebay ...
To'g'risini aytsam, men buni kutmagandim. Chunki .NET dasturchi sifatida Linux operatsion tizimida erkin nafas ololmayman. Microsoft kompaniyasi Linux OS uchun foydalanishga arziydigan IDE ishlab chiqmagan. VS Code dan yoki JetBrains kompaniyasining Rider muhitidan foydalanishingiz mumkin. Ammo Visual Studio dan emas.
Buning o'ziga yarasha sabablari bor. Agar Microsoft kompaniyasi MacOS va Linux uchun ham bu kabi dasturiy mahsulotlarni "zo'r" qilib ishlab chiqsa, asosiy mahsulotlaridan biri "Windows" o'z foydalanuvchilarini yo'qotishi mumkin (dasturchilar). O'ylaymanki, open-source loyihalarini rivojlantirish uchun pullik loyihalarini jarga uloqtira olmaydi. Balki, Windows ning yangi avlodlari boshqa OS lardan o'zining zo'rligini isbotlab bersa, bu muammolar yechilar. Balki ...
@mukhammadkarim_tukhtaboev
BY Janob Panda
Share with your friend now:
tgoop.com/mukhammadkarim_tukhtaboev/2332