الولادة الحقيقية لقلب الانسان
عنده سجودة على عتبة المليكة المعصومة...🩷

صفاء كماء قربة العباس.
الوجنتين تشعر باستغراب لم تستشعر من قبل بحرارة هذه الدموع.

اليد تشتري تذاكر الوداع
والقلب يمزقها😭💔

تلك الزيارة هي رحيل
((من عالم خشن بالحب..لعالم بس حنان يصب))

زيارة مشهد هوه تحقيق لامنية شائقة ماتت بشوقها

اضطراب عواصف بكاء بكاء بكاء
اعراض سقوط القلب بخيمة (جايخانة الرؤوف)🍃🩷

احتلال..احتلال
ورفعت تلك الرايا الخضراء وسط المحجرين

مُحتل ينسيك الاطلال والحنين للوطن.
فاصبح دعاء اصحاب القلوب المحتله

ادام الله احتلالك ايها السلطان🙏🩷

ادام الله احتلالك ايها السلطان🙏🩷

3:50 ص

#جزع_ختام_عزاء

ومصابه ما مثلة امصاب
صانع اوساده امن اتراب
يا زهراء يا زهراء
تچيله بلكت يگوم
فوكه الشمر كام يحوم
يا زهراء يا زهراء
ذباحه ما يرحم جان
لحگيله ميت عطشان
يا زهراء يا زهراء

نكطي اعلشفته مي عذب..هالضامي محروم..هالضامي محروم
مو تجوه يا زهره الرمل..تجيلة خيكوم..تجيلة خيكوم

......................................................
مذبوح ابنج مذبوح
ما عنده ام فوكه تنوح
يا زهراء يا زهراء
من عنده راح الذباح
والخيل اجت ما يرتاح
يا زهراء يا زهراء
فزعيلة صيّحي يبني
ويا زهره بيدج جفنّي
يا زهراء يا زهراء

ابنج حبيبيج فاطمة..ما ضنه يرتاح..ما ضنه يرتاح
ما غمضت عينه اهل..جي راسه برماح..جي راسه برماح
.....................................................
يمضيعه خل تبجي العين
محد بجة فوك حسين
يا زهراء يا زهراء
ااه وصدك تسوه الاه
الوحداني محد ينعاه
يا زهراء يا زهراء
ما غسلو ضل عريان
ويمه مجازر شبان

مديوره عينه اعللخيم..وكت الذبح جان..وكت الذبح جان
لافوكه متحزمه زلم .. لا تنعه نسوان..لا تنعه نسوان
...........................................................
ابنج يدور استنصار
لحكي الخيم صارت نار
يا زهراء يا زهراء
وامروة ماكو بهاليوم
اتفزع على اخيامه الگوم
يا زهراء يا زهراء
بس هوه ينهض ويطيح
يشهك هوه وكوه يصيح
يا زهراء يا زهراء

ضل بيه يا عالم نفسِ..عوفوا النساوين..عوفو النساوين
عوفوا المخيم والخدر..كصدو اعللحسين..كصدو اعللحسين
..............................................................

#لمولاتي فاطمة العليلة عليها السلام



حچي اليحب - بعيونه
فاطم بقت. - محزونه
شوگ الگلب - لظعونه
فوگ المرض چملهه الفراگ
بويه صحت - مابيه
گلبك بحر. - حنيه
تمشي واظل - ليليه
أبفيض الدمع لعيونك اشتاگ

وارتاح بس أبشوفتك يا لذة العين
لورايد اتعب بشر بَعده من الحسين
مامش مثل فيك أبد طولك بساتين

بويه عايف. أبنيتك بعمر الود
گلبي خايف لل ألعليله ماترد
ياهو شايف انسان بحساسه برد

ويلاه راح الحسين
ويلاه راح الحسين

_____
مره الحياة. - وغابه
بعين اليعوف - احبابه
هذا الهجر. - واسبابه
ناتج دمع وأمعاگب جروح
انه البقيت. - بحيره
وحدي اون - وزغيره
داري خلت - والديره
راحوا هلي وضليت للنوح

خالي بقه أمضيف البخت راحو زلمنه
ومن صار الوداع أبدمع گلت أنهبنه
وماضن بعد حتى بحلم. يلتم شملنه

خوفي باچر مشيب إيردلي الضعن
وانه اناطر حظن الحسين. الوطن
خوفي عاشر عيوني من هسه بچن

ويلاه راح الحسين
ويلاه راح الحسين

_____
شفت الگمر - ناديته
من صد ألي - بچيته
بعصرة گلب. - زتيته
وداع الله صاح بدمعه عباس
بانت وراه. - الغربه
هنياله جوده - أبگربه
كلمن يروح. - أبدربه
وانه البقيت. ابلايه حراس

موقف بقه بعيني جرح كلش هضمني
حظر محامل كل خواتي. وما حسبني
ميته ولا. عمي المرض. منك. حرمني

يا ابوفاظل. بسمك اندب لو طحت
دمعي سايل. عمي وعليك اتعودت
أنته كافل فرهدك مني الوكت

ويلاه راح الحسين
ويلاه راح الحسين

___
صبح ومسه. - وملاگه
أللمة هلي - مشتاگه
غصني ذبل - واوراگه
كلشي انتهه من صارو أبعيد
جلد وعظم - عافوني
شاخ السهر - بعيوني
جلمة وتحز - بظنوني
مني الحزن. ما أدري شيريد

تمنيت لو ويه الظعن وامشي بدربهم
يدرون بيه انه شكثر والزهره أحبهم
شوغة گلب حنية ظهر. كلهه بسببهم

لل الحبايب. كربله محظره جرح
شرد أعاتب. حسيني لورد برمح
تهل مصايب. حرگ خيمات وذبح

ويلاه راح الحسين
ويلاه راح الحسين

___
زينب ردت. - وياهه
امشي عله - ممشاهه
شگد ناطرت - محچاهه
چنت انه اظن تصيحلي امعون
ثاري البعد - موهين
بس بالحنين - إيبين
وني الحديد - إيلين
ومدري شنزل من بين العيون

ناگه أبظهر ناگه الظعن أبعد عليه
وبين الهوادج عاينت سكنه ورقيه
محد علي دار الوجه واني أشبديه


وادري بيهم محد إيردلي عدل
من حچيهم. أمتاني عبدلله نبل
ظيمي ليهم. زلم. هاشم تنچتل


ويلاه راح الحسين
ويلاه راح الحسين
_____

#قصائد محرم الحرام ١٤٤٥ هجري


سيد عباس الفاضلي

#لليلة مولاي مسلم بن عقيل عليه السلام



لبني عمرو العلى قد شاع نور
ارعب الكوفه وسكان القصور
سيد وبعماته الخضرة. يدور
صال بالميدان يتمايل زعل

زلمه ترس الحلگ زلمه
ابوطاهر ياحلات أفعاله
روس فوگ الروس كوم
قائد وسوح الحرب تحلاله

ما يهمه العدد. منطي كلمه وعهد
نشمي گد الوعد. _ ابو طاهر
الغايه چانت نصر أوضح من الظهر
أبدمه داس القصر _ ابو طاهر

_____
من ثنايا الكوفه طالع للقتال
شمر امتونه عله شباه الرجال
ابن عم حسين يدعوا للنزال
سرفن إيمينه عليهم ورتجز

ديرة ثوب الغدر لبست
اشجع النسوان من رجالهه
طوعه موقف لل المراجل
تشرف التاريخ كل افعالهه

كتبت اعظم درس. عن جهاد النفس
ما شراهه الفلس _ بديرة انذال
الكوفه بيهم طبع. كثرة وأبلا نفع
تعزب الحر دمع. _ بديرة انذال

_____
هيه مرة تعيش بالدنيه وتشيل
والله ما تسوه. تخلصهه ذلليل
لانهاب الموت صاح ابن عقيل
وما يمد چفه لآرباب الكفر

سيوف طلعت مورسايل
نفع مابيكم بوكت العازه
وطلعت(الاقدم) سوالف
ياأشباه الزلم من تتوازه

مشه برايه الشهم. جبل هيبه وعزم
أله أتلوگ أونعم _ عمه كرار
برسمه يشبه نبي نبظه حب الوصي
السيد ال طالبي. _ عمه كرار

_____
للحرب دهدارهه. ورداد خيل
گلب ليل نهارهم چف الثگيل
أمثلم البتار. وأيصيح قليل
تلبد الشجعان مسلم لونزل

يصول يا محلاته مسلم
فارس بصفين عاد امجاده
ومن علي ماخذ تجارب
لوبرز يتعنه روس القاده

هاشمي ومن يطب. يرتعد چم گلب
معلم اعله الحرب _ بيده بتار
هد غضب وحده. خالس اهل الرده
وگلهم الحد بده. _ بيده بتار

_____
هذا دآب المالهم. غيره وشرف
اليندل الحگ وين وياه ماوگف
المايعرف حسين كلشي ماعرف
ألدينه دينار شنفع بيه العتب

ما نبايع چف گصيره
ومانطخ الراس للحچايه
وآل هاشم روس كلفه
بلحرب مانزلت الهم رايه

بطوله مسلم وگف جيش لونه نخطف
عالي شان وشرف. _ هيبة حسين
نشمي طاهر لبن حارب أهل الفتن
چفوفه بالطگ علن _ هيبة حسين

_____


#قصائد محرم الحرام ١٤٤٥ هجري


سيد عباس الفاضلي

#السيدة حميدة بنت مسلم بن عقيل عليهما السلام

#ثگيل



بالضعن انشد وگلهم ويينه
خاف ابوي الموت غمظ عينه
------
حيل ينراد وبچي بهاي الحيات
الغريب ومات ابوه معناهه مات
سيف وإبنحري تحز الذكريات
عشره جانت حلوه بيني وبينه
........
الدنيه صحرة فيايهه مغرب بعيد
وحملي من يظگل يظل بعازة آيد
راح ابوي الچان ممشاه بل الوريد
وعالخشب راسه العده منصبينه
.......
انته يالدمك علي وعالي الگدر
ليش من فوگ المناير تنشمر
ظيمك وطف كربله رايد صبر
بين نارين الگلب چاوينه
........
كون يمك واگدر اتعنه واجيك
بلكي دمعي يبرد جروح العليك
وادم الكوفه تره أتسر البچيك
الماله وادم بالغرب والينه
.......
ويا گلب يرتاح يا عين التنام
ريت للكوفة بجنح يوصل كلام
بوية رد باچر تره أتشب الخيام
وباجر ارماد الحرگ يعمينه
.......
الچفك إشتاگيت والملگاك ذاك
اخذ حيلي البين منيوم الخذاك
أهناك ماضلت زلم تفزع وراك
بل ألغدر وادمهم أملاگينه
......


#قصائد محرم الحرام ١٤٤٥ هجري


سيد عباس الفاضلي

#لمولاي علي ألاكبر عليه السلام

#ثگيل



ودعني بعيونه ومشه مات الحچي بلساني
لو رحت مني يالولد. ما عدي أكبر ثاني
بدلالي مر صوت _ رايح علي يموت
_____
يربات چفي لو رحت معناهه أولم گبري
لاتطري الوداع انهظم ولاتمتحني أبصبري
خطواتك التبعد علي طعنات تحفر صدري
ياروح ابوك وعالمه. بلياك موحش عمري

ياعشگي ولهفة روحي انته عزيز حسين
يالوجهك نوره محمد مثله. نجيب منين
يالطولك فيء لخواتك . يبني ينور العين

غير انته سباح الگلب نبظي وترافة روحي
مابيه اعوفك للذبح. فراگك مراري ونوحي
يهل دمعي بسكوت _ رايح علي يموت
_____
من هلن دموعك بدي موخوف جانن عشره
ماينحمل فگد الابن شلون اذا گطعو نحره
مخظر عالمتونك ورد خوفي ألخيول أطشره
خايف ظلوعك تنكسر تردني الهذيچ الكسره

فاطم گبلك ماسلمت لچمه. تهد الحيل
من يا حافر تتكتر. كثره تراهه الخيل
وسيوف تحز بنحرك كلشي. وراك يميل

يوليدي تنشال أبرمح وينشال بعدك راسي
أتمنيت يمك. تنگطع يابعد حيلي انفاسي
يلم جرحي تابوت _ رايح علي يموت
_____
تحتاجك هواي الخيم. نور وأمان وبسمه
لليله بدمعهه اتناظرك من عدهه رايح زلمه
واختك َّسكينه ياعلي تنحب وراك أبهضمه
يل ألاكبر خلافك تره گلب الحسين أتلچمه

بخيامك تبدي نوايح تشكي جرح فرگاك
يا گمرة ولليله تناشد صاحت أموت أوياك
امك ورباهه تريده بحرگه بچيهه. أهناك

يتعبني موتك موعطش يانهر يشبه عينك
لوگتلي نتباره الذمم. معناهه مات حسينك
لموتي انه زاتوت _ رايح علي يموت
_____
للعازه مريود الولد. بس انته صرت العازه
محتاجك لحيلي متن بس شلتك انه جنازه
ما ترهم يطيح النده وأعله العطش نتوازه
اليهظم بنادم مو ذبح. ذباحه فگد. أعزازه

من نحرك يبني اشمك هسه صبح منحور
عله طولي طحتلك وانه. دمي عليك يفور
شابگتك ظامي لگيتك بويه گلت معذور

ياشوغة عيون الگلب أبگد. حبك امتعبني
نومك ترا بذيچ الترب منكل. كتر جارحني
فت گلبي مفتوت. _ رايح علي يموت
____
للمثلك يلوگ العمر مو وكته بويه صوابك
ينشم البعمرك ورد الهاي الرماح شجابك
ياحيل بعدك مايرك طولك حياة احبابك
بعدك عله الدنيه العفا لو غمضت بترابك

يل ألأكبر انت حلالي روحي وراك تروح
يغديلك فدوه عدوك وانته محنه اتفوح
مابيه اعوفك دامي بهيمه جسد مطروح

صوبني دهري بغربتي. مذبوح ليش گبالي
ظيم العلي ماينوصف. وصار الفگد كتالي
أللحظة ابچي تفوت _ رايح علي إيموت
____

#قصائد محرم الحرام ١٤٤٥ هجري


سيد عباس الفاضلي

#لمولاي علي ألاكبر عليه السلام




سد عينك ابدي تصور
للحومه فات الاكبر
--------
سرج ضهر الشكره - لبس حرز الزهره
الهوه إيخاف يمره - لون صارم رافع
بحر واسع عينه - نبض گلب حسينه
اليگر عين سكينه - عله خيامه يدافع

فوگ الزلم يتبختر
للحومه فات الاكبر
__
چنف ردنه أبهمه - غظب فاير دمه
جبل صاير عزمه - زلم ربت هاشم
علي ونعم الشارب - عله الحگ يطالب
أنكتل كاتل غالب - رفظ چف الضالم

أبهمه وعقيده اتوزر
للحومه فات الاكبر
__
رگب ياكل سيفه - يكر بيهه بكيفه
اخذ منهم حيفه - ولمع بيده الصارم
مثل عمه الكافل - فحل من إيقاتل
كسر ظهر العايل - منوا گباله يقاوم

روس الثگال أتخير
للحومه فات الاكبر
__
هله بشبل الساده - علي ربات القاده
الحرب عدكم عاده - فخر. عز .وغيرة
طبگ صبحه وليله - نزل يرهب حيله
العدو يصيح دخيله - يمنته أتهز ديرة

شايل مراجل حيدر
للحومه فات الاكبر
___
نبي أبكل أوصافه - تسر عينه الشافه
عطش حله شفافه - وگمر لاذ أبخده
على العسكر غاير - سبگ طير الطاير
وذبح وين الماذر - يحيل الله بزنده

رجفت گلوب العسكر
للحومه فات الاكبر
_
علي الاكبر. قائد. - صلب من إيعاند
النهر چان الشاهد. _ گلب احمر لونه
عله الجيش اتقدم - رجع سيفه أمثلم
منو گباله اليسلم. _ تهل غيض عيونه

شاهد حسين المنظر
للحومة فات الاكبر
__



#قصائد محرم الحرام ١٤٤٥ هجري


سيد عباس الفاضلي

#لليلة مولاي علي ألاكبر عليه السلام
#شور
#بندرية




دمعي الك تسبيح. گلبي يحب گلبك
يبني علي منطيح. يبدي جرح تعبك
بيدي أضمك - يبني اشمك. - حظني يلمك. - حنان
_بيك اختصار الجمال

جمال - خايف يوليدي تروح
ماريد تلوحك جروح - ليله اعله مصابك تنوح
جمال - بعيونك راسم حچي.
ياحيلي خلافك بچي - ياحيلي أوين انتچي

يبني هناك العدوان. _ بسيوف أمتانينك
ياألاكبر گلبي يموت _ من أتغمظ عينك
___
كلشي.وراك إيهون . عني اذا ترحل
تبچي عليك عيون . چنهه ورد تذبل
تشبه جدك. - گمره بخدك - يقهر بعدك. -
عذاب
_عيونك سوالف آمان

آمان _ ردتك يانور العين.
لا تشلع گلب حسين. - سيوف الوادم صوبين
آمان _ رايح چنك للموت
شيعوضك يل المنعوت - شالع منگلبي بتوت

عمرك مالاح الشيب _ ماخلصانه سنينك
يالاكبر گلبي إيموت _ من أتغمظ عينك
___
بويه انه الربيت ضني تلم كبري
تالي جرح خليت يبني كسر ظهري
بويه العاشر - سيف وحافر - موتك صاير -
أكيد
وادم تذبحك حرام

حرام _ يا بويه ادوسك خيل
عطشان ومامش حيل - وياك أضلوعي تميل
حرام _ نحرك للشم مريود
يتناثر عطره أورود. - موسيف أعليهه ينود

طف والوادم ظلام. _ يلغالي معطشينك
ياألاكبر گلبي يموت _ من أتغمظ عينك
_
عمته تناشد وين تبچي عليه زينب
تدري وراك حسين. گلبه جمر يللهب
وگلبي تسله - عمته تگله - جرحي تشله -
أديك
طولك حيات الخيام

خيام _ وحشة أتضل أبلياك
لونبلة تلوح أظواك - مانحمل ظيم جفاك
خيام _ عايفهه ورايح ليش
دنيانيه اتعوظك بيش - يالشايل ظهرك ريش

أول زلمة بعدنان. _ دمك ناصر دينك
ياألاكبر گلبي يموت _ من أتغمظ عينك
_
صعبه لمن خليت. خدي على خدك
طولي الك مديت موتي ردت سدك
أه وليدي. - موسد بيدي - ماخذ حيدي -
تراب
ياوسفه حان الوداع

وداع _ نتوادع مو بل كيف
بويه أمفرگنه السيف. - هلبت نتلاگه أبطيف
وداع _ طايح من هاشم علم
ناحن ربات الخيم. - متعوب وحيلي نثلم


ذابحني المنظر غاد _ مطروح مخلينك
ياألاكبر گلبي يموت _ من أتغمظ عينك
___



#قصائد محرم الحرام ١٤٤٥ هجري


سيد عباس الفاضلي

#لليله مولاي ابا الفضل عليه السلام





شاء الله وخلق للغيرة چفين
هيبة فاطمة أبسوح الميادين
شمايعتگ زمن يجدد الصوت
عباس أنخلق لعيون الحسين

دخيل الصور عيونه دخيل اليشبه الماي
اذا رادوا يوصفونه جبل لو رب ألفياي
نهرفوگ المتن شايل. ماصح مثله سگاي

گرت عين الزهره - الله اليعرف گدره
ترجف كل الدنيه. - من يرگبهه الشگره

_
تچايه وضوه. لخيام الاجواد
ياملح الحچي لو صار العناد
يجيدوم ونفل يمخوف الخوف
متولي العده. بالموزمه اطراد

غيور وينگط. حروره. أبد مادنگ الراس
شجعان العرب عدهه بس ماعدها عباس
بطل وتحير أوصافه لغز مافهمته الناس

ابن القالع خيبر. حيدر خلف حيدر
عباس من يحارب وحده يعادل عسكر

_
المتعب المهر بركاض الجدام
كثر ماينگل. الماي اعله ألخيام
يعطش والمهم تتروه الظعون
ولوحان العرك. يتلگه السهام

المفرح گلب زينب أليدك صدره للثگال
اذا الاحه زعل يرعد. برز للحومة زلزال
لواه مافارگ متونه عزمة إيهد الجبال

غار ابن البدويه. أتحزم بلل الخاجيه
ظب نگاب عيونه منومس كل علويه

_

يامن للفرج. فاتح الف باب
تصعب والگمر حلال الصعاب
جيش شماكثر ماخوفه الجيش
صمصام الوغه وگطاع الرگاب

سبحان الرفع شانه وعلى العدوان علاه
هله شداعين بصياره. وهيچ الباري سواه
عزيز الروح. والكافل. اخوه حسين سماه

أموزر. عالحگ والم يرهب هيبة هاشم
ياهو إيصير گباله لوسل بيده الصارم
_

زينب بالخيم. صاحتله حياك
ينيشان. الوفه سبحانه سواك
ريشاتك جزن. حسبات العيون
وبتارك. غضب. شايلته يمناك

بسلف سيفه يفك ريجه. أمربي زلمه كرار
ضهظب وكت الموازه. الباشط عالزلم غار
گلبهه الحاطمه أعليهم. يشمر الروس بالنار

قالع حصن الذله. عالي أبحيله اتعله
الفكر يوصل خيمه. حبل افكاره يشله
_



#قصائد محرم الحرام ١٤٤٥ هجري


سيد عباس الفاضلي

#لليلة مولاي القاسم عليه السلام



(شيخ الفرسان)

موفارس شيخ الفرسان. القاسم للكلفه نريده
تغديلك فدوى العرسان يالصاغك ربك بيده
وحگ من صور عيونك
العرب عجزو يوصفونك
___

ياهو بعمرك ،، يوصل گدرك ،، وعمك يتسمه العباس
سيفك بمرك ،، رافع صدرك ،، وراسك ينضح نوماس
عابر جيلك ،، يرهب حيلك ،، اتموت وماتحني الراس
ضاوي بليلك ،، حب تحليلك ،، وبالوادم عوز احساس


يا ساطع عدوانك لليل ، هد وطشر عتمتهم
يالتهابه جيوش وخيل ، تترادم من توصلهم
يموت اللاحته أمتونك
العرب عجزو يوصفونك
___

چنها الكوثر ،، عينك تسحر ،، بالطف نزفت لحسين
بصوتك تزآر ،، يا أبو الاكبر ،، فدواك المنحر والعين
يابو سكينه ،، حب منطينه ،، وبفيك عشنه أسنين
ينصر دينه ،، الحب حسينه ،، والعافك. عايز. دين

ابنادم لو عالحگ إيموت. عايش بحسابات الله
هاشم للحق صارو صوت من حسين ال عبدلله
وعلي جدك يعرفونك
العرب عجزو يوصفونك
___

للطف طالع ،، چفك قالع ،، مسمينك داحي الماي
صيتك شايع ،، لهلك راجع ،، يلساحگ روس هواي
وجهك گمره ،، عينك خظره ،، الله يحفظك دعواي
فارد ظهره ،، تحفظه الزهره ،، القاسم. واگف وياي

چتال من يريد ايجيس سيفه ألماضل بگرابه
فارس ومحنه وعريس وعده ويلگوم أطلابه
غدوا حرثه اليعادونك
العرب عجزو يوصفونك
___

يا ابو الغيرة ،، أتعادل ديرة. ،، يبن الماطخ للعار
الدنيه زغيرة ،، حجل بطيرة ،، وسواكم الله كبار
يضحك سنه ،، الكافل چنه ،، ولو هد چنه الكرار
وجهه الجنه ،، الله محصنه ،، خلد بالطف تذكار


مثلك ماصار أولا دار مذخور. الوكت العازه
شامخ والعدوان گصار العسكر مايوصل چازه
الحرب ماغيرت لونك
العرب عجزو يوصفونك
موفارس شيخ الفرسان
___



#قصائد محرم الحرام ١٤٤٥ هجري


سيد عباس الفاضلي

#لليلة مولاي أبا الفضل العباس عليه السلام

[ باب الله ]

ياباب الله وباب الروح ، أدعيلك من بابين
ياماي بچف علويات ، يالرافع راس حسين
رحمه أمن تظل عالخيمات
شيعوظك لو طولك مات
____,
عباس ومحله العباس ، ياراس الميعوضك راس
عايف بالعسكر وهواس ، ياچف القالع
دهدار إنعرفك دهدار ، نار عيونك تجدح نار
مثلك ماصار ولادار ، يالصيتك شايع

يابعد اختك صول وجول ، هلوادم طگ تريد
ماترضاهه يضل حسين ، من غيرك عونه يريد
مسمينك قاضي الحاجات
شيعوظك لو طولك مات
_____,
وفاي إمربي وفاي ، شحه الماي وأنته الماي
انته الطولك صار فياي ، لخيام حسينك
مهيوب الله يالمهيوب ، محبوب الكافل محبوب
غالب دومك مامغلوب ، ألهيبه مسمينك

ياكافل خدر الله ارجاك عالعسكر من إتغير
ليتوعد يحرگ خيمات بمركاظه وراسه يطير
من زغرك صاحب وگفات
شيعوظك لو طولك مات
______,
موت يهابك حته الموت ،ياصوت الماذلك صوت
مسوي الطف ليهم تابوت ، يالبيك. اتباهه
حيل العدك عابر جيل ، تميل الدنيه وخلهه تميل
راس وتكره طاري الذيل ،، ماملت أوياهه

يارافع راسي بكل صوب ، ظاگت راويهم خوف
من تدخل بيدك زلزال ، تسجد گدامه سيوف
أترد سالم نقره الدعوات
شيعوظك لوطولك مات
______,
عناد بطبعك ادري عناد ، صياد انته الماه تنصاد
متولي اهل الخسه طراد ، ثارك متعوفه
ذباح اعله الحگ ذباح ، صياح العسكر صار صياح
حته الشارد منهم طاح ، كاتلته الخوفه

مر للشاطي وجيبه سحول ، زينب تبقى اتانيك
فراگك تدري إيشل الحال ، بيهه حسين موصيك
تعدل جدامي العثرات
شيعوظك لوطولك مات
______,

#قصائد محرم الحرام ١٤٤٥ هجري


سيد عباس الفاضلي

#لمولاي أبا الفضل العباس صلوات الله عليه


منصوب الشريعة ألحد مخيمنه
گظت بين اليرد والمايرد. چنه
كلت هلبت يجي ناديته ياعباس
عوف الماي خويه وانته رد ألنه

مالي عرف بالناس يا خويه مالي
شوصاك اخوي حسين بيه ودلالي
ولو عني ردت أتروح ياهو البقالي

يجي خلافك دمع
الوظع غير الوظع
ظيم ومصيبه - ظيم ومصيبه
_____

مصايب تكبر ابالي وصحت وينك
احلفك خويه بالعشره. تفك عينك
أعرفنك تجي لو حانت الشدات
بس هالمرة طاحت منك إيمينك

الكافل على التربان يا وسفه طايح
وزينب بقت بس اه عدهه ونوايح
أتخوصر سهم بالعين وبدمه سابح

ويساره ال.منگطع
الوظع. غير الوظع
ظيم ومصيبه - ظيم ومصيبه
_____

وحگ ذاك اللبن يا خويه تعبانه
تدري الظل وحيد يذبحه المتانه
لا انته البقيت أولا بقالي حسين
ورجع خالي المهر وهوايه بچانه

يا أبا الفضل بحماك خويه من اجينه
ومن شفته طاح ألواك گلت انسبينه
وگمت ألتفت كل ساع. هلبت تجينه

وأجه بخيل الفزع
الوظع غير الوظع
ظيم ومصيبه - ظيم ومصيبه
_____

طلعت أبليل ادور هلبت أشتمك
لگيتك حيره أشبگك لوألم جسمك
ماكو زنود والمنحر ظريح سيوف
وزينب شيبت يا أبا الفضل. يمك

شيبني دوس الخيل طولك حرمني
وموش أنه أللمن بيك ردتك تلمني
مو گتلي يابو الجود بعينك تحطني

وانه ابطرگ الدمع
الوظع غير الوظع
ظيم ومصيبه - ظيم ومصيبه
_____

أرجع لل الخيام أبيا قهر أرجع
سكنه تموت بس بموتتك تسمع
يسگاي وكفيل ألما يصح مثلك
اذا نومك ثگل نار العرب تفزع

خويه حترگ صيوان خويه حترگنه
أموسد لچن ناديت گوم أفزعلنه
هيچ وتجي وتشوف. ظيم اليمرنه

لچن مات السبع
الوظع غير الوظع
ظيم ومصيبه - ظيم ومصيبه
_____

#قصائد محرم الحرام ١٤٤٥ هجري

سيد عباس الفاضلي

#لمولاي أبا الفضل العباس عليه السلام
#ثگيل
[السيدة زينب ع ]

أبتوالي الليل يا عباس اجيتك
گمر فوگ الرمح غافي لگيتك
تعبانه بگلبي المحروگ
لعيونك جايبني الشوگ - ياخويه
_______

الرمح طشر حچي الخوان صوتك ما تدنالي
الچان يخاف من طاريك شايل راسك گبالي
راوتني المصيبه اشكال رخيص الشايل الغالي
على طوله مشه الذباح وذبيح أنشال كفالي

ومن حر الشمس مابيه أدنيك
مشيول برمح جابيش أغطيك
مِلوع يالطولك مبيوگ
لعيونك جايبني الشوگ - ياخويه
_______

منو أليدري بوجع گلبي ونينه ايجرح احساسك
رمح خرب معاني الشوف جزه طولك شعر راسك
من اجيت اتعثر بدربي بظلام أوناس مو ناسك
عطش للخوه انه تعنيت وادري العطش وهواسك

عطشانه منجيت وگلبي تعبان
ياهو اليرتوي وعباس عطشان
لاتخجل جفنك مطبوگ
لعيونك جايبني الشوگ - ياخويه
_______

خويه الينچتل ويموت تكرمة ابدفنته الوادم
چاليش انته ما مدفون. وحتى ألواك ما سالم
ومن يوم الرحت لليوم. لخيتك جفن ما نايم
الينشدني عليك ابچي بعدني ابعازتك صارم

ماسئلك وسولف على الچفين
نذر چانن لخوي وطاحن ثنين
وبحافر جسمك مسحوگ
لعيونك جايبني الشوگ - ياخويه
________

لخوها الحرمه من تنضام تبقى الفزعته اتناطر
أجيتك خويه تالي الليل ازغر شكوه الي الحافر
أجيت وحملي وزنه جبال لا خويه أكثر وعابر
عطش وانته ولهيب خيام علي ليل الحزن داير

عگب ماغمظت كلفه السوالف
وحيده أمعون مابين الطوايف
وباچر يتلگانه السوگ
لعيونك جايبني الشوگ - ياخويه
_______

غريبه واليتامى أوياي وآذنك تسمع الصايح
احسآ بي عدو العاگول. كثر ما بالجدم جارح
شني ذنب الزغار زغار. دمهم عالارض طايح
ساكت ليش يا عباس النظر لسوالفك شابح

هلكانه أصبحت كاسرني ذبحك
تچوا من التعب صايرلي رمحك
عالمثلك دمعاتي تلوگ
لعيونك جايبني الشوگ - ياخويه
_____

#قصائد محرم الحرام ١٤٤٥ هجري


سيد عباس الفاضلي

#لليلة انصار الحسين عليه السلام
#عگيلي


التموا غيمه. اباب الخيمه
ربع حسين الكلهم شيمه
..............
صاحوله ابشر ياأبوسكينه
مو هينة اصحاب أمسمينه
كل سيف أگرابه مكسرينه
والطف ماخوفنه إبضيمه
.................
متحزمين الشاب وشايب
جدامك يحسين انحارب
لو نختاظ انزين اشوارب
ونگصبلك عسكر بالهيمه
...............
انته ويانه بسهله وصعبه
الينحز نحره تعيش بگلبه
وفاية الحد گطع الرگبه
حب بالدم ينخط تكريمه
................
يحسين احنه ويانه الكافل
يعني إبجيشين انته تقاتل
بخيلة وزلمة انرده العايل
ساس الشر واجب تهديمه
................
ابيا لليل انعوفك مانفزع
لا گوم أنهاب ولا مصرع
فدواك اصحابك تتگطع
لو حان الموت وتحتيمه
................
يالباشط. يالواضح لونك
ما تنعاش الدنيه إبدونك
والمات وماعاف أظعونك
بالجنه أمحظر تسنيمه
................

#قصائد محرم الحرام ١٤٤٥ هجري


سيد عباس الفاضلي

#لمولاتي فاطمه العليله صلوات الله عليها
#ثگيل

اخر نظرات الوالد. جانت للمقتل شاهد
ماگتله شلون. - شهدلي عيون
أخر نضرات الوالد
_____

أوگف بويه اترجاك ثگلت روحتك عني
البنات إتحظرن وآنه. دمعي واصل المتني
شفتك ناوي ع روحه. تسولف بل اليلچمني
اذا حزنك كلف يحسين ماظن يوصل لحزني

رايح من ديره الديره. وعايف بالدار أزغيره
ياروح الروح - ترسني جروح
اخر نظرات الوالد
_____

حاچيت الولي حچايه أگولن ليش واتحسر
خذت كل الظعن وياك عفتني بدمعتي اتعثر
أكدر عالسفر يحسين وعن فرگاك ما أگدر
وكل ماگتلي راح نروح وجهي ينگلب اصفر

حالي ابلياك. حچايه. بستان وينشف مايه
ألملگاك أحتام - بعيوني أحلام
اخر نضرات الوالد
_____

عمر وبلا ابو. يخلص حگه من الفرح وشل
عگبك ياصبح ينشاف. حتى الماي هم يذبل
الفارگ ظحگتك معذور. لون بالموت يتوسل
والتغرب عليه حگه إبدمع. عيناه يتغسل

عايف گلبي ألياوادم. - مجنونك بسمك هايم
گلبي من سنين. - يشهك يحسين
أخر نضرات الوالد
_____

احاه من شفت سكنه ويه حسين تتمشه
تمنيت الگلب ينطر وياريت أنگطع هرشه
انه فاطم عزيزتكم. صارت حصتي الوحشه
بويه ولو نويت تروح. عمري أبيمنتك طشه

بخنجر مطعون حساسي ينزف لموادع ناسي
بظنوني أللتاع. - راوني أوداع
أخر نضرات الوالد
_____

حنينه وكلكم اتعرفون حچيكم ياكل بحيلي
اذا چان المرض يمنع ومامش يمنه توميلي
بعد المن اعيش بدار. رحل عنهه اليتچيلي
ارحم صار اليه الموت من دمعي وسهر ليلي

ضليت بطرگ أونيني من غرب ظعن حسيني
أخر چلمات - جانن دمعات
اخر نضرات الوالد
_____

#قصائد محرم الحرام ١٤٤٥ هجري


سيد عباس الفاضلي