tgoop.com/mstfa45/974
Last Update:
#شور_فزعه
لمولاتي ام العفاف صلوات الله عليها
___
شبيهه هالدنيا اويه اختكم
محد لگبري يمر
چنه ضهر حسين صحني
باقي وحده و منكسر
من دفنتي ليومي هذا
لهسه بترابة الگبر
لم جفوفك وامسح گبري..يخنگ گلبي اتراب الشام
هاي الكاع الاخذت خدري..بيهه شلون عيوني تنام
يابوفاضل وحشة المغرب ثگيله
وگلبي هم يتاني چن بتنه العليلة
كعد اخواني وشيل الرايه
سوي لزيبنكم مشاية
_
گبري هم عطشان باقي
ماكو واحد غسّله
وكل عطش تاليته غربة
و الدليل بكربله
من عطش ذاك المخيم
احترگ جواه هله
اترس جودك ماي ومرلي..ورش فوگاه شوي شوي
گبري شلون اطفال الخيمه..بس من جفك يهوه المي
اسگي گبري يالسگيت اخيامي كلهه
تبقه ملچومه الي ميزورها اهلهه
ابقه لوحدي تهضم هايه
سوي لزينبكم مشاية
___
عيون طفلتنا رقيه
وگبتي هم ضلمه تره
وماكو اخوو فوگاي يبچي
ولاكو دمعات لمره
امن شوكت شام الخرايب
للهواشم مگبره
اذان الشام شكد وحشه..بي ميذكرون الكرار
بالاذان وينسون اهلي..شلون بهاي الكاع انزار
هاي الكاع مو كاعنه محد يگول بيهه اشهد ان علي ولي الله
يمي صلوا والصلاة شو مو مثلنه
يابوفاضل فدوة ردني لكاع اهلنه
ردني وجفينك حمّايه
سوي لزينبكم مشايه
___
عمري كله ابلايه راحه
او لاكو راحة من متت
ااخ ياوحشه ضريحي
اچم خرابة اتذكرت
وعالاقل وكت الخرايب
يمي نسوان واخت
هسه الوحدي بكاع الغربه..ومو ناسي اصلاً هاي الناس
يم قصر الگطعوا جفينك..مدفونه اختك يا عباس
والغريبه تضل غريبه بنص گبرهه
ميته بس ليهسه عالهزلة خدرهه
مسبيه ولااسمي احچاية
وسوي لزينبكم مشايه
__
خوية جيّتك ادري صعبه
وانته ابد ما قصرت
بس هذن السولفتهن
امنيات بگلب اخت
عشت وياك بدلالي
بس غريبه من متت
مرّ المي من عگب جفوفك..چي مو من جودك مصبوب
عمري الما بي وياي انته..ما ريدنه و ما محسوب
اربعين ايامي ذن وماكو انته
وانه ميته وجفك الدافي فگدته
بكد عيونك انته هوايه
سوي لزينبكم مشايه
اللحن👇👇
BY قصائد مصطفى صادق اللامي
Share with your friend now:
tgoop.com/mstfa45/974