tgoop.com/mstfa45/970
Last Update:
#شور_سماعي
جديد #ليل_الخرابه
مولاتي زينب صلوات الله عليها
زينب توصي بالمضعّنات
صوت الخرابه بليل مسموع
اصعب عذاب حسين مذبوح
و ذباحه مانعنه امن الدموع
وغصب عنهم اضل انعاه.. لحد ما انحسب ميته
وهوه المثل ابو الاكبر.. مو مالت بجي سكته
انه القدمتله الخيل.. وراح وما رجع لاخته
راح..من خيمته لخيل العده
راح..سبعين الف والوحده
راح.. وغربة ضعن زينب بده
يا حسين.. من زينبك هذا الوعد
يا حسين..انعاك حد ما الماكو حد
____
ليل الخرابه يفرق هواي
بي گمنه نتناوب على النوم
طول الدرب گضينه الايام
علوية تغفه الثانيه تگووم
حراس الخيم جنتو.. وجانت عامره اخيامك
وحراس الخرابه احنه.. لا تقلق على ايتامك
هم برمحك العالي..وهم يا خويه بسهامك
ااخ.. انه الگبل جنت انحرس
ااخ.. هسه بخرابه انحبس
ااخ.. و گامت علي تطلع شمس
يا حسين..بگد هضمّتي ابجي بعد
يا حسين.. انعاك حد الماكو حد
____
أبين امنياته گلبي محتار
ساعه ادعي يگصر ليل الايتام
وساعه ادعي يطول بينه هالليل
امن اذكر ورانه طبه للشام
البله اخوانه يطب قصور.. حته بامنياته يحير
باجر بأول المصباح.. بزينب كلشي راح يصير
حييي احيود هاشم ذيج.. شو خياله ماكو تغير
شام.. ريت الله ليجيب الفجر
شام..كتال خدر ام الخدر
شام..أامر جنت هسه انأمر
يا حسين..نوحي الك لا ما برد
يا حسين.. انعاك حد الماكو حد
___
وصارت صدك بوابه الشام
وما ننحسب علباب خطار
ومن مستحانه رجفت النوگ
والجار كام يفزع بجار
ابابه والشمس فوگاي.. والله اليعلم النه شضام
شو فّي فوگي صار بساع.. من طبيت ازقه الشام
شلت راسي وشفت لسطوح.. بيهه ازلام فوگ ازلام
موت.. بت الدلال اتمرمرِت
موت.. من مستحاي شكد متت
موت.. وراسك يضربونه شفت
يا حسين..باجيتك باشرس بلد
يا حسين.. انعاك حد الماكو حد
مصطفى صادق اللامي
. لطلب اللحن @Mustfa2k
BY قصائد مصطفى صادق اللامي
Share with your friend now:
tgoop.com/mstfa45/970