tgoop.com/mstfa45/929
Last Update:
#يا_زهراء
#قصائد_المشاية ((١٢))
#دگه_ونص
وهب طاهر حليب امك شربته
الف رحمة على الدر الرضعته
_______
يالطايع امر مولاك..شيگلك تگله وياك
طاعه لكل بنات حسين..مرتك قررت تنساك
وهب سنبل صفارك ونس المنجل
شيّگلك حسين ادنگ و تقبل
تميز الشيب لو كومة گطن مولاي
العاشگ لو تشد عيونه هم يندل
اشفت بحسينك وهيچي عشگته
الف رحمه على الدر الرضعته
__________
امدنگ خلصت اسنينك..بعينه ما تحط عينك
احترام العبد للاسياد..بأنجيلك امعلمينك
حسين شما يجي تگله لتعتقني
عبد لخيامك ولجدامك احسبني
عبيدك مثل ولدك هيج حاسبهم
واتحده عبد ينكر فضل ذني
وشفت عينه وطن لمن وصلته
الف رحمه على الدر الرضعته
___________
بأول نضره من شفته..صرت جندي لخّيم اخته
بوكت عافاه المنه وبي..چنت واگف ولا عفته
مثال التضيحه من گلبك لنحرك
اصغير بالعمر بالموقف شكبرك
صرت خرزة(ت)الختمة نلزمك ونوگف
مو شاهود سبحة ونكدر نعبرك
الموقف ينشره بدم وملكته
الف رحمه على الدر الرضعته
__________
صليبك يشبه السانك..ولا ذميت صحبانك
العبيد الهايمين بشوگ..تقدمهم على اخوانك
علمني الخدامه شلون تخدمهم
علمني احب الخدم ما ذمهم
من سبعينك وتبدي العبودية
وقانون الخدامه يبدي من دمهم
العبد لو زل صعب ترجع خدمته
الف رحمه على الدر الرضعته
__________
وهب يا بختك شكبره..شكد تدعيلك الزهره
تشبه حال ولد حسين..هم مدفون بالحضره
نطيت هواي لحسين ونطاك اكثر
وعيسى اتميز وضل بيك يتبختر
ودرس نتعلمه اليخدم صدك لحسين
حته وهوه ميت صيته هم يكبر
وهيه الخدمه هم كلمن وبخته
الف رحمه على الدر الرضعته
#مصطفى_صادق_اللامي
اللحن👇
BY قصائد مصطفى صادق اللامي
Share with your friend now:
tgoop.com/mstfa45/929