tgoop.com/mstfa45/928
Last Update:
#يا_زهراء
#قصائد_المشايه((١١))
#شور_للشاعر_مصطفى_علي
طاحت الشمس.. وانه بغرب
والجثث بقت عثره درب
يسولف الضمه صواب الگلب
غربه العطش ..عين الكمر
جفك الشهم .. ذل النهر
من مشه الضعن ..تعبك كبر
بل عاشر وماضل اخو
يشد حركة العبايه
تتراكض ازغار الضهر
حركو خيم سبايه
نسبيت ....وعيني اعله الخيم
ولفي العلم..
وحسين الشهم .....حرام حرام
انسبيت ...روحي اطشرت ...
وي موت البخت
المسبيه صرت ...حرام حرام ..
__________________________________________
دنكت حزن ..بعد اخوتي ..
عل العبي تسولف غربتي
والدمع يصلي بوجنتي
دمعتي انجفت ..فوك الخيم
راحو العرب ...واهل الشيم
من الزغر طفل.. يبدي بيتم
اتلفت لحرك الخيم ...
واطفالك بعباتي
ولمن اصلي بالسبي
ريحه دمه بصلاتي
انه اصييح
... واطيح السمه ..ويفور الدمه ...
ذابحنه الضمه ...حرااام حرااام
انه اصيييح
يهضمنه الدرب ...تحدينه الغرب
ياموت الكلب ...حرااااام حرااام
__________________________________________
خويه بالسبي ..تراب الهوه
وكمنه نستحي ..من الضوه
صوتي والبجي ..طلعن سوه
خويه عل رمل ...مرت شمس
تجوي كربله ....فوك الرفس ...
مرافك الرمل ..خويه من امس
خويه وفرشنها العبي
من نمنه بل خرابه
خويه وغفينه اعله الرمل
من السبي وعذابه
خوويه ليش ...
الدم فوك الترب ..ويشح الشرب ..
ويحدونه الغرب .. حرام حرام
غربه من الضعن ..لحد دم الوطن ..
المايبجن بجن ...حرااام
__________________________________________
اذكر الضعن .. بيد الزلم
ورايه اخوتي ..فيي وحلم
الصوره بالدرب ..ضحكه وسلم
وهسه هالضعن ... لمن رجع
ومركب اخوتي ..بالدم نكع
شيبي يخوتي ..هذه وجع
من يعبر اعلينه الضوه
واذكره هذه الدرب
بالجيه اخوتي البلضعن ..
وهسه الضعن بيد الغرب
كسره هاي ..
من تمشي بخدر ..وبرايه ستر ..
وترد منكسر ....حرااام حراااام
تمشي ويه خوتك ..وفركه تلكتك
تموت ماخلتك ...حراااام
__________________________________________
وحشه العمر ..ليل السبي
ببها دم حرب ..خويه العبي
بشوغة الطفل ..حوبة نبي
خويه بالدرب ...خوف وفكد
ضعنه عد غرب ..ومامش نشد
خلصو بعد .............بيمن نهد
وحده العبايه البدرب ..
ثمانين جلبو بيها
جا خويه مو هيج الوعد
بت امك تبجيهاا ..
يالحنين ...راسك عل رمح ..نيشان الذبح
هذه اكبرجرح ...حرااام حراااام ..
يالحنين ..مو هيج الجفه ..مو مذبح كفه
يا حيلي الغفه ...حرام حرام
____________
#مصطفى_علي
لطلب اللحن__@Zig30
BY قصائد مصطفى صادق اللامي
Share with your friend now:
tgoop.com/mstfa45/928