tgoop.com/mstfa45/926
Last Update:
#يا_زهراء
#قصائد_المشاية ((٩))
#سماعي للموفق #معن_العيداوي
بالخيمه و وصلني الصوت،،،صوتك ينكطع ويرد
تصيح ومن يفز عباس،،،تسكت ما تريده يهد
نكض قمصانك اعله الخيل،،،حتى امن الخيم تبعد
يريد بنومتك ترتاح اجيت منلنهر تعبان
رحت من الخيم رواي ورداك النهر عطشان
خسارات النهر يصعب احلهن
اهواي منالخساير وانته كلهن
الخيم ميريد هم يخسر مثلهن
** ***
قبل لا ينكطع صوته ،،، سمعته يكله ضل مرتاح
هاي الخيل كلشي ادوس ،، نحرك ضمه لا ينلاح
جم خيمه بقت ونروح ،، بينه يسافر الرماح
المهر لا يعثر بنحرك حسب للرمح امجان
لنعطل الظعن عل روس ويضل متاني بالميدان
ولضعن اليتاني بلايه رايه
يموت شما علت كلمة سبايه
اليحجي بسوك ويسمعنه غايه
*** ****
نكطع صوته وبقت لجمات،،اصعب من مشينه بسوك
ميت ليش جا ذبحوك،،رادو للرماح اعلوك
غنيمه لو حرز راسك،، ويانه يفتر اعله النوك
ميت رجعو و ذبحوك ما كفه الذبح سلبوك
كالو حتى ما يرتاح لذالك بالرمح شالوك
من شاف العطش بجروحه يدبي
جاب الماي يمي وكلي شربي
راد يغثك و يفجعلي كلبي
***** *****
اسولفلك ولو تعبان ،، بيه جروح ما تبرد
الحمل يحتاج عوانه ،، وشفت نزفك عليك اشتد
الهظيمه كماط عبد الله،،، صار احبال بيه ننشد
انعمله اعله الحبال اكماط عطر عبد الله ونشمه
اصيح انه رحت يحسين و رباب تصيح يا يمه
نعيتك وانته فوك الرمح غافي
لا كملي كلت لا كتلي كافي
على اجتافي حملكم على اجتافي
*** ***
بمزاحم حجي البالسوك ،،شكو احجايه عزيزه تضيع
بلا راي الغريبه تصير،، وغريبه وهم بلا توديع
ولا زاتوت يبرالي ،، من النوك للتشييع
اجيت ولا وراي اصريخ ولا دمعه وبجتلي اخوان
عزيزه لذت التوديع البجي بظهرك يضل نيشان
ردت دمعه منروح اتصب عليه
بعدني اني العزيزه مو سبيه
دلال حسين ما يحمل أذيه
#معن_العيداوي
BY قصائد مصطفى صادق اللامي
Share with your friend now:
tgoop.com/mstfa45/926