tgoop.com/mstfa45/925
Last Update:
#يا_زهراء
#قصائد_المشاية ((٨))
#سماعي
يابويه أموت عليك...گلتهه وگد الحچايه
بعد وجهي اشوفه ابيش..الدم بايگ شكو أمرايه
تسجد عالضلوع اخيول...لان صدرك امصلايه
بوية الدنيا تهوه العايش بوجهين
وأنته امنين ما اشوفك حسين حسين
هذا الشام يكره شكو واحد زين
دللول..راح الولي لراسك ونغفه سوه
دللول..آخر حچايه وبعد ما شم هوه
دللول..هذا كله برگبتچ يا نينوه
_____________________________
دليني ابوسك وين...وشط الدم ترس خدك
حنين ومن رحت للموت...اخذت وياك كل ولدك
انته المو بكد الناس...الطشت شو صاير بكدك
لمعت شيبك تفهي شكو الماس
حلات الموته نتشابگ عبايه وراس
يا لمة الطشت ناقصها بس عباس
سوه نموت..امن الخيم للشام ما چني عشت
سوه نموت..بردت اوجوه الخلگ لمن رحت
سوه نموت..بوية چي نعمه يحطوك بطشت
______________________________
عگبك عينك التنگط ماي..كل الوادم اتعطش
هاي الدنيا سفرة موت...و تعبنه الدرب كلش
من كسروا اجناحاتك...ركضو فرهدولك عش
باگوا وين اليحبهن گلب اختك
بدو من محبسك وصلوا لعايلتك
لو تنباگ جا باگوها سالفتك
معاناة..انه ما چني رقيتكم قبل
معاناة..غيراني افراگك ومشيي الهزل
معاناة.. وتدري صعبه لو رجف الگلب طفل
______________________________
لو ترجع عدل يمنه..لو يمك يدفنوني
چنت احسبهه شيباتك...وأغمض بسدك عيوني
يالشايلني بمتونك...شلت راسك على متوني
بحضن بتك حمّر شو صارت الشيبات
بصيرة العين بس بجفوفي مشدودات
شموديك بوية اعللرماح اتبات
احاچيك... وهاي اول مره المحلك سكوت
احاچيك... لوون ميت گلي حته انه اموت
احاچيك.. كون ما اسمع ونين اسمعلي صوت
_____________________________ .
سيد فيصل الشريفي
مصطفى صادق اللامي
@mstfa4 لطلب اللحن
BY قصائد مصطفى صادق اللامي
Share with your friend now:
tgoop.com/mstfa45/925