tgoop.com/mstfa45/923
Last Update:
#يا_زهراء
#قصائد_المشاية ((٧))
#ثگيل
ما جابك العاشر..يا چلمة الباچر
جاي اكبر اويه الجمّع..ويقل بدونك عمري
مولاي اذا اندفن..اخرجني من نص گبري
____________________________________
اني اهواك..كلش اهواك
بيش اشبهنك حرت..وأنه لوجهك ما شفت
خوفي لا ماشي سوه..وياي
وخوفي لا انام بگبر..وسيفي الك ما ينشهر
وما اوزع بموكبك..ماي
يا غريب الباقي مثلك تفتر براسه الهزل
نعمه من يعدي عاشر وانته مو ميت عدل
مو مخيم هذا گلبك كل محرم يشتعل
بيش اطفي نيرانك..وما اندل مچانك
جاي اكبر اويه الجمّع..ويقل بدونك عمري
مولاي اذا اندفن..اخرجني من نص گبري
_____________________________________
اقسملي وياك..رايد وياك
واليحب مثل الشمس..المغربيه ينحبس
يسافر لباب الدمع..شوگ
وبخيالي امشي ليك..وجنك تحطهن اديك
على جتافي سيدي..فوگ
من احط ايدي اعلراسي عالگلب سلم بديك
جامع بروحي التناقض عايش وميت عليك
انته بس دليني دربك اكسر اقيودي واجيك
متناقض انتضرك..وهوه انه المأخرك
جاي اكبر اويه الجمّع..ويقل بدونك عمري
مولاي اذا اندفن..اخرجني من نص گبري
______________________________________
انه مشتاگ..گلبي مشتاگ
يمته اشوفن شامتك..امبلله من دمعتك
ونبچي وي اهلك سوه..اوياك
وتبني للزهره صحن..من هنا گبر ام حسن
واحنه مشاية نجي..هناك
الطريق الما يجيبك ما اريدن بي امر
الكعده اذا ما بيها اسمك هايه غلطه امن العمر
انته اخر چمله حلوه والوكت كل حچية مر
اتانيني واتاني..ليا جمعه وحداني
جاي اكبر اويه الجمّع..ويقل بدونك عمري
مولاي اذا اندفن..اخرجني من نص گبري
_____________________________________
سيدي الضر..مسني الضر
فرگة عيونك تذل..كلشي ما يمشي عدل
لهسه ما ادري العمر..وين
يمن اشكي ومنهو احن..العچّل يبن الحسن
العچّل يا شيبةح ..سين
شمحله من تگلي بوية وانه اگلك يا هله
الله من گد ما يعزك ضم جمالك بس اله
الدنيا كلها تروح باجر تبقه انته وكربله
ماشايف اعيونك..بس ميت بدونك
جاي اكبر اويه الجمّع..ويقل بدونك عمري
مولاي اذا اندفن..اخرجني من نص گبري
_________________________________
التانه مبخوت..وانه مبخوت
بختي جي عشت بوكت..اوياي بي انته عشت
شمحله امامي عايش..اوياه
يجوز من انه ازور..هم تجي بصفي وتزور
وايدك اتلامس ادي..اه
لمست ايدك يابوصالح تسوه عندي الدنيا هاي
يمكن برحلة خدمتي شارب امن جفوفي ماي
جية العيد اعلطفله يمته اشوفك ليه جاي
واتحزم لثارك..وعامر يرد دارك
جاي اكبر اويه الجمّع..ويقل بدونك عمري
مولاي اذا اندفن..اخرجني من نص گبري
#مصطفى_صادق_الامي
لطلب اللحن @mstfa4
BY قصائد مصطفى صادق اللامي
Share with your friend now:
tgoop.com/mstfa45/923