tgoop.com/mstfa45/922
Last Update:
#يا_زهراء
#قصائد_المشاية ((٦))
#شور_فزعه للموفق #حسين_الفاطمي
نسمه الزياره
<<<<<<<<<
مرتني نسمه زياره
والحر يميز قراره
والكربلاء اختياره
ياحسين
احسب ليوم اربعينك .. حته اسهر ما انام
ربي ارزقني الزياره .. دوم اردد هالكلام
ادعي للمشايه اعيشن .. واقصد الرب السلام
والغيرك ياروحي ماتهوه العين
غير حسين شعدنه ودونه ميتين
والغافل خيجلب بذيال حسين
>>>>>>>>>>>>>>>>>>>>>>>>
فضل الزياره يحير
وابكربله الحب يغير
والمعنى للحب يعبر
ياحسين
جيتك وجايب دمعتي .. خلني دوم ابچي عليك
عبد حر وگلبه حاير .. سلمت امري بديك
ربه گلبي بالخدامه .. وهالسنه خليني اجيك
معذور الماحبك تسمع هالناس
هوه اليعشگ مثلك يعشگ عباس
كل خدام العندك مثل المقياس
>>>>>>>>>>>>>>>>>>>>>>>>>
شادهلي فكري وكياني
بس هوه جرني المكاني
حب كربله الغيراني
ياحسين
منهو اليبجني غيرك .. جنني حب كربله
كل المواكب تحيي .. تشبع الزاير هله
والتعب راح لأجلكم .. وزوارك امدلله
وامدلل عشت انه ابفضلك مولاي
يالعطشان وحبك رواني ابماي
نعمه ابكل زياره امشيلك مشاي
>>>>>>>>>>>>>>>>>>>>>>>>>>>
احنه النواسي خيمكم
سيدي وداعت عطشكم
يربح اليصعد سُفنكم
ياحسين
للنجاة انته السفينه .. والسراط المستقيم
لوتضيگ الدنيه بيه .. الجىء الحبك واهيم
ياهوى العشاگ اسمك .. تعطف وگلبك رحيم
واشگد حلوه الذله امن اكضيهه وياه
كل خادم يتحزم يگصد مولاه
شگد صعبه ومنبوذه العيشه ابلياه
>>>>>>>>>>>>>>>>>>>>>>>>>>>>
حسين الفاطمي
BY قصائد مصطفى صادق اللامي
Share with your friend now:
tgoop.com/mstfa45/922