tgoop.com/mstfa45/921
Last Update:
#يا_زهراء
#قصائد_المشاية ((٥))
#سماعي
متغير وما جنك الحلوه لحيتك
وانه بخيم فاتوا زلم غربة اعلبيتك
راح انه اخبرك بالجره وصار بمشيتك
بويه التايه بأرض الغربه
مفروض يدلو.. وبراحه يحاجو
بس انه ما دلوني
هاي الناس شبيهه ويانه
مايرضون ارتاح.. محجاهم بصياح
وبهيده ما حاجوني
بوية بوية..مخلص كلامي وماني زعلانه
ما گلك شكد انه تعبانه
جانت عزيزه وجانت بفييك
جانت رقيه وهسه مو انه
____________________________
بوية الركض بين الجثث عالطفله مو زين
بجثة عزيز اعثر اضل لو غمض العين
راح انه اطر درب الجثث جي تسوه يحسين
حيره امن اركضلك يا بويه
دربك كطعوا جيش..ومن اسئلهم ليش
يهوسون شو بسيوفهم
عاليسره اخيول اتانيني
ارجع حرگ اخيام..وجثة ودم گدام
وعاليمنه دگ طبولهم
بوية بوية..لميت شيباتك بنص حضني
بيهن اخوف الراد يضربني
بلكت تجيني تكودني بايدك
ولخيمتي ترجع اطببني
______________________________
الدُخان ميخلي مره من تركض تشوف
ولمونه بصياح وضحك وخيل العده اتطوف
السجاد اخوي بجفه شد احبال الجفوف
متعوده انتم لتگودوني
مو بحبال انگاد..وشد اخته السجاد
ومشونه گوه بگوه
التمشي وتتلفت معناهه
لو ما عدها اخوان..لو ما عدها اخوان
ومو قلة عندي الخوه
بوية بوية..مشيت امضيعه امشي واتلفت
بلكت تجون وماتت البلكت
أاسروا نسوانك نمت المن
وليش الجفافي الخضره الما هدت
____________________________
فوگ الطشت واتذكرت صارت غربتين
نعمه العليلة ما اجت ويانه يحسين
هذا الطشت متكفي بي موتت طفلتين
وبالتغسيل النسوه يسئلن
الشيب براسي منين..ما يدرن يحسين
منك سبب شيباتي
متعجبات الطفله اصغيره
اعليهه الشيب هواي..ويذبن بالماي
ويسئلن بعماتي
بوية بوية..انكسر خاطرهه التغسلني
اتذب مايهه وبهداي تگلبني
تسئل بعمتي الطفله متمرضه..؟؟
ما تدري حقهه شصاير بضعني
#مصطفى_صادق_الامي
لطلب اللحن @mstfa4
BY قصائد مصطفى صادق اللامي
Share with your friend now:
tgoop.com/mstfa45/921