tgoop.com/mstfa45/920
Last Update:
#يا_زهراء
#قصائد_المشاية ((٤))
#ثگيل ((لصاحب الزمان))
يا اخر اسمّلله
واخر حبل لله
ما اندل امچانك..مصيبه
_______
انته شيبه وانه اعمه شلون ادورك
كافي احط ايدي اعلراسي من اذكرك
كون احط ايدي اعليدك ما اخسرك
خوفي كله لا الاگيك و اعبرك
كل خوفي لاشوفك
وما سالم اجفوفك
ما اندل امچانك..مصيبة
________
يمته اشوفك وي شيبات المواكب
يعّز عليه أبچي لاهلك وانته غايب
والمصيبه الچملت حمّل المصايب
صاحب الطلعه الرشيده ابلايه صاحب
بيا جمعه يا مولاي
جواك اوزع ماي
ما اندل امچانك..مصيبة
_________
تمّر علي عشرة محرم ماكو انته
بذي طوى ام كربله الموكب نصبته
ماكو خيّر شفته يبچي وما سئلته
هم ينام البالسبي ماخوذة عمته
عيونه اشيغمضها
الخيمه اشيعوضها
ما اندل مجانك..مصيبه
_______
خاف اموت وما اشوفن بيك جيه
بگبري يا تالي الهواشم مر عليه
وگبري دگه وذب عليه دمعه السبيه
بالچفن مولاي اهدلك ومن رقادي تفز اديه
((شاهراً سيفي..مأتزراً كفني))
يا حوبة الزهره
رجعني للنُصره
ما اندل امچانك..مصيبة
______
#مصطفى_صادق_اللامي
لطلب اللحن @mstfa4
BY قصائد مصطفى صادق اللامي
Share with your friend now:
tgoop.com/mstfa45/920