tgoop.com/mstfa45/914
Last Update:
#يا_زهراء
#قصائد_المشاية((١))
للموفق حسين الفاطمي
#دگه_ونص
رحمه الحسين (عليه السلام )
>>>>>>>>>>>>>
عبدك من النادمين
ضيعتني الدنية وين
ياامام العاشقين
امنياتي
دورت بس مالگيت
راعي بيت ومالة بيت
شفتك بضيجي وبجيت
سر نجاتي
شما خذوني الناس وابعد يبقة الك مردودي
امگيد ابدنيه شبابي فدوة فك گيودي
انته اصل دمعاتي
حسين كل غاياتي
كلشي هان ابخدمتك
عايش ابفي رحمتك
>>>>>>>>>>>>>>>>>>
ابمجلسك سر الخلود
عشت بس مالي وجود
من لطمت اعلة الخدود
عيشتني
انه اريدك مو اريد
وما أمد لغيرك ايد
احسبني بحساب العبيد
يلجبتني
والله ماتسوة حياتي حسين لو مابيهة
كلهة ما تندل دربهة و انته لتدليهة
للعزة دلاني
حسين ماخلاني
امدلل ابنص خيمتك
عايش ابفي رحمتك
>>>>>>>>>>>>>>>>>>>
ماترد كلمن يجيك
عايش اعلةالله وعليك
يربح السلم بديك
كل حياتة
وهذا گلبي الوين جان
ضاگ من عندك حنان
وعاش وياك ابأمان
ياصلاته
كلمة للتاريخ اگولن كلشي مايغنيني
غير ابو الخيمه الجبيره ياهو يترس عيني
عفت كل ادروبي
دنيتي ومحبوبي
اكبر وية امحبتك
عايش ابفي رحمتك
>>>>>>>>>>>>>>>>>>>
ابفي خدمتك خل ادوم
المايعرفك خل يلوم
ماربح بالدنية يوم
يبقة ضايع
المافهمكم مالة جاه
وماله صوم ولا صلاه
العاف ابو اليمة وراه
دومة راجع
وي ناسي الما تخدمك بعد مالي حچايه
بدلت راية عمامي ابراية المشاية
صاحبتني احجاية
انتة دين وآية
خلني دوم ابصحبتك
عايش ابفي رحمتك
>>>>>>>>>>>>>>>>>>>>>
سيد الحب والهيام
گلبي حباك ابغرام
اذكر اسمك حتة انام
بلكي اشوفك
فكلي گلبك خل اجيك
يالجبتني ابين ايديك
خلني دوم ابجي عليك
ما اعوفك
سيدي اندوم ابخدمتك ادعي من الباري
أسرار ما عندي اوية ناسي اوياك كل اسراري
عيب تشفة اضلوعي
كلهة ليك ادموعي
حلمي اموت ابحضرتك
عايش ابفي رحمتك
>>>>>>>>>>>>>>>>>>>>>>>>
#رحمة الحسين ع
#حسين_الفاطمي
BY قصائد مصطفى صادق اللامي
Share with your friend now:
tgoop.com/mstfa45/914