tgoop.com/mstfa45/913
Last Update:
#شور_سماعي
مولاتي زينب (ع)
الشاعر مصطفى علي
ياشيخ الخيم حيره
من بين الخيم لحسين ..حيرة فاكده بهيمه
ومن بين الخيم للنوگ ..غربه من السبي وضيمه
يخويه والطريج بعيد ..مامش بالعرب شيمه
ولاضلت بگايه فياي ...ابشرك حرگو الخيمه
ابشرك من ركضنه بهيمه يحسين
وراها اختك خذوها اعله الدواوين
لا رايه ومحمامل بين الاجناب
احنه اهل الله سمونه الغريبين
وين دار الوكت
حسين _عگبك ضعت
ياشيخ الخيم حيره
____________________________________________
مدافع والخيول هواي ..من رادن يسحكنك
شبعد ياحوافر خيل ..وبيا حيل اشيلنك
اذا ضلن اموت وياك ..واذا وخر يگطعنك
عيش بحيرتي يحسين .. وعيشني اليلجمنك
گربت خيلهم خليني احاجيك
اذا سحگنك بهمه شيضل بيك
گوم وياي للخيمه يعطشان
گبل لاتحترك خليني اداويك
كوم_ الخيل اوصلت
كوم_ بس لامتت
ياشيخ الخيم حيره
__________________________________________
يخويه ومن حده الحداي ..الناگه استثگلت حزني
بالطف هظمة المرسال..جنازه بلا اخو يردني
الدرب من مستحاته يضيع .. لون ناگه تعثرني
اسولف حيرتي يحسين.. اجيتك واعثرت ببني
عين اعله الدرب عين اعله الزغار
الم عيالكم مدري اطفي بالنار
واحسب بيش ارد وانت مكتول
ركض بين الغرب ماصاير وصار
ليش ياكربله
ليش ركض الفله
ياشيخ الخيم حيره
__________________________________________
نركض والدلال يموت..يعطش لو ركض عطشان
شيكظ من يفحط المتعوب ..هيمه وماتصح حيطان
اندهك لو متت يحسين ..وانه بعازه الوليان
العبايه البيها دم وتراب ..دمك بيها ضل نيشان
ركضنه من الخيم ياخويه حفاي
الطف خذلانه واصل حت للماي
حاجيني يخويه حضرو نوگ
ياهو من ال هاشم يرجع وياي
موت طش الضعن
صوت لليستحن
ياشيخ الخيم حيره
_____________________________________
ردت والتمت الياريت ..غريبه وطلبتي صعبه
گبري بصف ابو السجاد ..هظيمه الموته بالغربه
متت بمزاحم اهل الشام ..خيرهم صلف گلبه
تاننك حزن يحسين ..صلاة الوحشه والتربه
غريبه بموتتي ومايرحم الشام
ميته وبالي يم حزنك والايتام
متت يم شجره راسك بيه خلوه
ورد بيه الوكت يم حرگ الخيام
هيج _موت الغرب
هيج _كلش صعب
ياشيخ الخيم حيره
__________________________________________مصطفى علي
BY قصائد مصطفى صادق اللامي
Share with your friend now:
tgoop.com/mstfa45/913