tgoop.com/mstfa45/908
Last Update:
#ثگيل_للموفق_حسين_الفاطمي
الى مولاتي زينب( عليها السلام )
تخاطب اخيها الامام الحسين( عليه السلام )
في يوم العاشر
___________
من زغري رافگت الدمع ... يحسين داسولك ضلع
ياخويه بيك اشكم جرح ... يامهجه الزچيه
____________________________
بالطف صبن دمعاتي ... بهموم تجر اهاتي
لو احسبلك طيحاتي ... اه يالمسلوب
محتارة ابيوم العاشر ... صاير بيك الماصاير
كاسرله اضلوع الحافر ... اه يالمسلوب
الى الجسم السليبِ
سلاماً ياحبيبي
يالغالي جسمك ينشبگ ... ضلعك ابد مو للسحگ
عالتل انه وينك صحت ... يامهجه الزچيه
_________________________
منك جروهه الغتره ... كسرك ياهو الي يجبره
وعيونك صارت حمره ... وجهك مخضوب
روحك متروسه ابطيبه ... والراح منين انجيبه
متروسه ابدم الشيبه ... وجهك مخضوب
الى الشيب الخضيبِ
سلاماً ياحبيبي
من ظهره حزو منحره ... بخيامه مايدري اشجره
يالشبيتك متروسه دم ... يامهجه الزچية
____________________________
حگهم لا مايعرفونك ... والجنه ابين عيونك
مافكرو ويخلونك ... فوگ التربان
راح حسين وحنيته ... وسفه ارمال امغطيته
نايم بالبر تاليته ... فوگ التربان
الى الخد التريبِ
سلاماً ياحبيبي
جسمك بالاسهام انترس ... والحافر ابصدرك دهس
ومحومر ابوجهك عطش ... يامهجه الزچيه
__________________________
بعدك ماخذ كل حيلي ... امگضيتهه اب اه و ويلي
ومحتاره اليوم بليلي ... رد ليه جواب
زينب راحت مسبيه ... باگو ضحكات ارقيه
رحت وما منك جيه ... رد ليه جواب
الا هل من مجيبِ
سلاماً ياحبيبي
يحسين يا شهگه حزن ... اختك عله التل وتون
مامش عرف وانحشمه ... يامهجه الزچيه
______________________
#سلاماً ياحبيبي
#حسين الفاطمي
//www.tgoop.com/HuseenAlftme
لطلب اللحن @Hsfto
BY قصائد مصطفى صادق اللامي
Share with your friend now:
tgoop.com/mstfa45/908