tgoop.com/mstfa45/901
Last Update:
#اقسى_غربة
ها يخوتي ترسوا اذني
وصيحوا زينب..باجر اعطش حته لاسمي
والعطش للاسم صعبه
اقسى غربه
اسمي المسمي ابوي اتغيره غربه
اقسى غربه
اسمي ذاك الكتبته الزهره بگلبها
يجي الذباح بگلب بارد يشطبه
واسمي لا مطلوب ثار ولا محارب
ليش هاي الناس متحزمه ووتطلبه
باجر يغيرون كلشي..امشي للتل بسوادي
وارجع ابيض لون رمشي..
وجان اكو ابالي سؤال
المالهه اخوان وغريبه شلون تمشي
باجر ادري شلون تمشي..
باجر يغيرون كلشي
ونعمه من غيروا اسمي..
لأن جان الفرق واسع
فرق شيطان اعلتربه
وين زينب لو حچوها اگبالي اخوتي
ووين زينب لو حچوها اگبالي غربه
باجر يغيرون كلشي
اگبال عينك راس اخوك
ومن تريد تشمه للرمّاح تمشي اتطلبه طلبه
راس اخوك يصير طلبه...؟؟
كلفه من تتأجر الروس التحبها
وياهو مال ادفع اكثر يصطحبها
وراس اخوك الصلّت بوجهه الترابه
من حضن امك الزهره لحضن تنور وخرابه
وهيه حيره
الماكو جسمه منين تسمع حچي گلبه
اقسى غربه
راس اخوك يصير طلبه
BY قصائد مصطفى صادق اللامي
Share with your friend now:
tgoop.com/mstfa45/901