tgoop.com/mstfa45/895
Last Update:
#شور_سماعي
لمولاي العباس ع
عباس..رايح يراحة بالي
عباس..امترب ارد لعيالي
عباس..بس الدمع ضلالي
_________________________
بدي طيحته..عمود اخيامك
ورحت لخيامي اسوي قرايه
واجيت لعينك.. ركض يا خوية
وأنه اول واحد..اجي مشايه
ووصلت العينك وشفت السهم بيهه
جمال عيونك اتغير معانيهه
وجربتك بيد غربه شو مخليهه
عباس..يمي اجو والصعبه
عباس..شكد هوسو بالجرّبه
عباس..وبدوو الردنه نشربه
__________________________...
گلتلي خوية..ونمت هالنومه
واهز بجسمك..يكون تفزلي
طلب بس عندي..واعوفك نايم
اريد بصوتك..اخووي تگلي
شحلات الخوية من يگولها السانك
شگلك حته ترجعلي اويه خوانك
اذا نايم تضل يسبون نسوانك
عباس.. يا شاربي البيك احلف
عباس..كلك لگيتك تنزف
عباس..لا انته لا رايه ترف
_________________________
عليك الخوه..تلم جفوفك
وتگوم بطولك..تحلي اخيامي
اغمض عيني..وگولن بلكت
لمّن افتحهه..ترد گدامي
افك جفنك ووخر الدم واشوفَنك
التعب البوجهي من فراگك ومنك
وخر سهم صدرك ارد اشبگنك
عباس..بالگوه اشيل اجدامي
عباس..الفرگه تتعب الضامي
عباس..يا خوية رد كدامي
_____________________________
شگل لعيالي..اذا رد وحدي
بناتي ايتانن..تجي وي جيتي
ورقيه اتحبك..وتدور حضنك
وعذر ما عندي..اشيقنع ابنيتي
تجر برادني وانه ما اصدلها
اذا گلتلي بسمك گلبي شيگلها
تريدك غير عمها انته المدللها
عباس..لخاطر رقيه اتحرك
عباس..ضهري انكسر موضهرك
عباس..سحگ الخيول يغيرك
____________________________
اودعك راجع..واجر بروحي
وعليك عيوني..وأطيح ونهض
شگل لزينب..(يالمتعبني)
ثگيل افراگك..وگلب زينب غض
راجع للخيم و اتلفت لجثتك
وادور من طحت لسمّلله من شفتك
اذا متگوم دبرلي عذر لختك
عباس..أمن التل اصبر بيهم
عباس..بجفك أاشر ليهم
عباس..ضنهم ردت تسگيهم
BY قصائد مصطفى صادق اللامي
Share with your friend now:
tgoop.com/mstfa45/895