tgoop.com/mstfa45/1410
Last Update:
#يافاطمة
#الليلة_الاولى
#محرم
عشرة ليالي والفجر
يا سيدي وشفع ووتر
واتغمض عيون
من غمضت ضجت سمه
وبدمعة امك فاطمة
دارت رحه الكون
بس سديت جفونك
كلشي اتغير دونك
مكنونه اسرار الله بعينك مولاي
عشت بكلبي حرورة
والكاك بكل صورة
ساكت بس عيونك يحجن وياي
كل جمره مولاي..تجوي وتجفّل
وجمرك يالحسين..ايدلي ويبلل
بالملكه كتال..بالفركه تكتل
_________
غصباً تردنه امن الوكت
وصفحاً جميلاً بس عشت
ويانه مولاي
الماي الي كاسرلك ضهر
بس رحمه منك عالبشر
ما تدعي عالماي
رحمه ربنا العضمه
حته الماي اترحمه
من كلبك بث الله لهالدنيا الوان
اسمك عالكل يمشي
يسبح بسمك كل شي
ابحر بينه ابشورك انته الربان
عشكك نضمه..وتفضحه هالعين
الشكر لله...جي سوه الحسين
لوما نعمتك..هسه احنه جا وين
________
كهفي وترتل بالكهف
حته الرمح عاشك شغف
ما ملك بيوم
مصدر ضوانه والانس
شيباتك وضي الشمس
وشيباتك اتدووم
برحلة شام المدمع
شمس الله من تطلع
تسترخص من شيبك يا راعي الراي
وجه الله وعز اهلك
يا زبرج يوصلك
وانته بدمك وجهك يرهب مولاي
لو ماكو شيبك..جا ماكو مصباح
تمشي بالكلوب..يالتمشي برماح
امن تهدنه ننهار..تسجنه نرتاح
_________
الفردوس الاعلى مجلسك
والدنيا دورة محبسك
وبأيدك الشور
يالحزنك اعليه انكتب
انفخ وسط كلبي وهب
عيشني مكسور
هدّر جون البيه
خل امطر حنية
وابجيلك من عاشور لحد عاشور
حسين وهضم الغربة
بالمي خل نشربة
ونتحسس يالضامي الثغر المفطور
اشعندي گلبيش..وتغلبه الاحجَار
وحته الحجر ناح..لمن درة شصار
يا حار الاجروح..اگلبني الك حار
___________
يا مفزعي في كربتي
يا صاحبي في شدتي
يالواكف وياي
شوكت ابدي ارد ديني العلي
يالخيرك امغرك ادي
بس ما الك ماي
يالمفطورة اشفافك
ما عاش الي عفافك
والبيكم يستأكل تالي مذموم
يشوفك جاه وسمعة
الما عاشك بالدمعة
اشجاب البارد كلبه وي الملجوم
يمطهر العيون..من ملح الدموع
بكلبي ردت كون..بس انته مسموع
بغيرك ولا ريد..يبقالي موضوع
اللهم عجّل لوليك الفرج
BY قصائد مصطفى صادق اللامي
Share with your friend now:
tgoop.com/mstfa45/1410