tgoop.com/mstfa45/1138
Last Update:
#الليالي_الفاطمية
#شور_فزعة_حزين
التفكد عدنه والدها..تدك بيبانها الجيران
يقدمون العزه الها..ويواسنها يجن نسوان
بس مولاتنا الزهراء..حرگو بابها ابنيران
توها ما مسحت دمعها..النزل من افراگ ابوها
هيه روحه البين جنبه..وروحه بعده روعوها
حطب لمو بالمدينه..ودار فاطم حاوطوها
على الدار التمو..جريمه
ابألنارِ تُجزى ..الكريمه
المليكة الحورية..وحيده
ووكع محسنها..شكد هضيمه
.................................................................
متعصبه ونحيلة تنوح..واندگ بابها وراحت
والجاني دفع بالباب..انه فاطمه صاحت
وأن صاحلها واتعده..وباب اعلم حسن طاحت
حيل ما عدها بديها..ودافعت باب المنية
وصابوا اضلوع البرائة..وبده الطف بهالقضيه
حسين وين يخلي راسه..وكسرو اضلوع الزجيه
يضل ماله ام باجر..تداري
على الرمله بشمس..الضهاري
بده الطف وي امه..حبيبي
وختامه يضل عالغبره..عاري
.............................................................
بحگها الما يخاف الله..تعده وكام يطلبها
من الجنه تفاحة ..اجت بس رجعت لربها
بضلع محني وزراگ بخد..ومالت جنها معصبها
الرضه ربها من رضاهه..دارهه يحرگوه عليهه
الربنه حط بيها حنانه..النار تالي تحيط بيهه
اسياط وسيوف ومشاعل..وهيه عدها بس اديهه
الزجيه الوحدها..ولوها
ومخافة الله..شو نسوها
وسكوت بمدمعهه..وبجيها
حبيبة حيدر..ما رعوها
..............................................................
دخان وضلام ونار..وباب وناس ملتمة
وطلع حيدر بديه اتراب..من دفنت ابن عمه
ولكه ابنه طايح اعللباب..محسن فاطمه بدمه
اعتذر من فقاره حيدر..وبدت قصة انكساره
اليحمي جاره اعليه تعدو..بوسط اهله وعقر داره
يا شرع يا دين يقبل..الدنائة تمس طهاره
علي الما ثنه بطگ..فقاره
الوصية امقيدته..بقراره
الغيور تحز گلبه..وتعذبه
اذا هجمو غربه..اعلداره
.......................................................
لطلب اللحن @Safe618
BY قصائد مصطفى صادق اللامي
Share with your friend now:
tgoop.com/mstfa45/1138