tgoop.com/mstfa45/1114
Last Update:
يامن تجيب المضطر...ابلا ناصر الوحدك صرت
من فوگ ضهر الميمون..يمطيح ذنوبي طحت
محيرني حزنك مولاي..شما اقتربله اتدللت
يحسين ادري المجروح..يضل ملتهي بجروحه
مو يرحم ارواح الناس...وبين الحوافر روحه
اشركني كون بجرح..ماريد السكون
الما حضه بغربتك..لجروحك يخون
من حبيبك حبيب..ارزقني الجنون
ياحسين..
_________
شي ماكو يربطني وياك..بس المشاعر والدمع
ومو كدرك تحاجي الناس..وبطبول حجيك ينكطع
ومو انته لتدور ماي.. ويمك نهر بس تنمنع
وطفل اعليدك ذبحوو..وخد اكبرك ضل دامي
كل ذني صارن مولاي..جا يمته اشد احزامي
يمته الحگ احب..مو عمري كبر
يمته اشوفك صدك..مو بس بالصور
وكافل امخيمك..كاسرلك ضهر
يا حسين..
_________
حبي اعلكد جرحك صار..ما تنذبح حبي يقل
ما بيني بينك مولاي..ذبحك صبح هوه الوصل
وثوب التنشره الزهراء..ياذينه ونتاني يهل
اعلوسادة اتراب اتنام..وبكلشي انه امقدر
امن الخيمه كلما بعدوك..تقربني اكثر واكثر
اقرب وابتعد..وانسه بخيمة نار
وانته جوه الشمس..رمل الهيمة حار
العايش امصيبتك..بجنونه الوقار
يا حسين..
__________
اگربلك بفاضل طين..بس گوة اعرفك بالعشگ
واتمايزك وي عاشور..بالماي اشم ريحة حرگ
بشرني من الدخان..ارتاحيت بعدك مختنگ
كل عمري اشم بس دخان..ومحروگه خيمه بهيمه
جا يتمه اشم عطر حسين..وما بي دُخان الخيمة
بجم خرابة وطشت..راسك ضل يدور
لهسه لجمر الخيم..ما بارد يفور
وجمرتي البالگلب..بردت بالقصور
يا حسين..
___________
هلالك يفرزن عشاگ..لسود هدم وابيض گلب
يرجف حيه الخادم كون..لخيمة عزائك من يطب
گبلي بمحرم مولاي..هم دخلوا اخيامك غرب
دخلو خيامك مولاي..وسلبوها من عفتها
يحسين تاخذها النار..الما تركض لعمتها
عمه وين المفر..والخياله اجت
وزينب امن الخطر..ليك اتوجهت
لحگ ان حي جنت..وسكينه انولت
يا حسين
BY قصائد مصطفى صادق اللامي
Share with your friend now:
tgoop.com/mstfa45/1114