tgoop.com/mstfa45/1019
Last Update:
#شور_دكه ونص
بابك دوومه ضل مفتوح..معزب يابوعبد الله
عدد خطارك اكثر من..عدد خطار بيت الله
فرق بيهه نحسهه هواي..ابابك لو بشر صلّه
جيت ابابك عبد..واحزامي ليك اشد
لا سامح الله من..تطردني ما ارد
واليعوف الدرب..اضن ماله گلب
نضيع ابلا عزه..مثل صيحه بحرب
_______
تترسنه هلا مولاي..وانته الما گلت كلمه
حته البالغلط مر ضيف..بسفرتك سيدي تلزمه
ليش اليمشي يخدم بيك..تخلي الوادم تخدمه
نمل من الهوه..نمل من الضوه
وابد لا ما نمل..من نمشي لنينوه
العزه من ينصب..سوة كلنا نطب
صح هواي العدد..ولكن فد گلب
__________
سفرتك ما تكفي الضيف..تفيض وترجع ازياده
وحته اليوگف يعزب..تكرمه وياخذ امراده
من بيوتنه لبيتك..على احسابك يبو الساده
يابودمعي الصدگ..خليني احترگ
وانطفه اويه الخيم..وما ينطفي العشگ
منذ الازل عهد..وما تنكضي بعد
فطرس مشاية اجاك..لمن جنت بمهد
_________
عشگ روحي يمذبوحي..يبعد الروح والريه
انه وكل هذول الناس..فدوة لوگفة ارقيه
ما ارتاح اله امشي..العزائك انه يومية
بعزائك گلبي راد..تنضفه امن السواد
غيري منك يريد..وبواچي گلبي راد
امتعبتني هالنفس..ويمك حنان احس
هيج وتصير الي..وبمجلس انحبس
_______
راح ابچيك ما مذبوح..راح ابچي اعلحنيتك
لبيت الله تروح الناس..وما تلگه مثل بيتك
يمنسيني حته اهلي..امن امشي بأربعينتك
والينسه كل هله..ساحرته كربله
ما سامع بملك..خدامه امدلله
شما موكب انصب..يشعلنه كل حطب
الروحية تختلف..امن نحط طين الترب
__________
اللحن 👈👈 @Mustfa2k
BY قصائد مصطفى صادق اللامي
Share with your friend now:
tgoop.com/mstfa45/1019