tgoop.com/mol_hassan/2889
Last Update:
اعزاز عدنا شكد نحبهم
وسفه عالموت البعدهم
راحواحبابي ونسوني وهاي هيه
الراح ياروحي بعد شيرده ليه
-----------------------------------------------------------
ها يروحي..راحوا الجانوا ضوه وكلش يحبوج
ها يروحي..ابين هذا وذالك تاليها يخلوج
ها يروحي.. ريت ياروحي وعلي بصفهم يدفنوج
ها يروحي..ما حسبها البال تاليها يعوفوج
انه ياروحي شبديه
اعزازج ادفنهم بديه
فاركوها ديارهم وحشه وخليه
الراح ياروحي بعد شيرده ليه
-----------------------------------------------------------
ها يعيني..دمعج الينزل تره عالوجنه حراك
ها يعيني .كحل من ارموش جفنج تالي ينباك
ها يعيني..ادري لحبابج انه كل لحضه تشتاك
ها يعيني..وداعتج من سافرو يبسوها الارياك
سافرو ماضن يجونج
تبقى ذبلانه جفونج
كفي ياعين الدمع هونج عليه
الراح ياروحي بعد شيرده ليه
----------------------------------------------------------
ها يكلبي..ون ونين الفاكده هاليله وياي
ها يكلبي..عنك الراحو تره يحبونك هواي
ها يكلبي..بالكت الله ولنه هسه المبتعد جاي
ها يكلبي..تدري بيه الوحدي ومشتت الراي
وحشه عايشه سنينه
الما بقاله أحد يعينه
هيج خلاني الدهر اصفك بديه
الراح ياروحي بعد شيرده ليه
-----------------------------------------------------------
يالحبايب..ذكريات وياكم الراحت مته تعود
يالحبايب..يلي جنتو بدنيتي احلى من الورود
يالحبايب..بعد هيهات الزمان يردكم اردود
يالحبايب..دمعي من افراكم خضر بالخدود
يالسكنتوها المكابر
ليكم اعميها النواضر
مامتت صح عايش انه بلا هويه
الراح ياروحي بعد شيرده ليه
------------------------------'-----------------------------
✍ باقر جبار الشويلي
اهدي عملي هذا إلى أرواح خدمة الإمام الحسين وبالخصوص الشاعر جبار عبد الزهره الشويلي ابو محمد
الشاعر جبار عبد الزهرة الشويلي
الدماء تنتصر.... والسيوف تنكسر
https://www.tgoop.com/ALshoely12
BY قناة احكام التلاوه
Share with your friend now:
tgoop.com/mol_hassan/2889