tgoop.com/mohaneedatea/725
Last Update:
اليوم الخامس / مسلم بن عقيل
العنوان/ #عنگود_الرسالة
عنگود الرسالة
طبلهه بدلاله
حمل الثقلين شايل وياه
ثنعش المعصوم تأييد انطاه
مسلم مسلم مسلم مسلم
______
طبلهه بزود حسين شايل بيده الأمرين
عصت موسى وذو الفقار
والكوفه تصير عيون ضده وظل يتسحلون
چن عباس ومايندار
عفيه بمسلم ..هذا الگدهه ...تربات الكرار
وحده ويغزل ..شارب شارب... صنديد وجبار
تِشهدله فُعاله
بذن رب الجلاله
طوعه اخت رجال لمن تلگاه
ثنعش المعصوم تأييد انطاه
______
معروف الدمه الحار من هاشم والأنصار
من بعيد وهو يفور
حسين يعرفه ينهاب بي ريحة ابو اتراب
اليوصل يمه يرد مبتور
هذا الزلمة...حسين معلمه... يلزم ماينجاس
چنه الكافل.. نفس الريشة..طبلهم عباس
يامحله طلعته
تسبقهم سمعته
حسين لكوفان هو الوداه
اثنعش المعصوم تأييد انطاه
_____
چنه بلوح ومكتوب حسين يدز المحبوب
مثل الريح الكلشي يشيل
نزل بديرة طوعة ...طاسة تبرد اضلوعه
مسلم منهه وموش دخيل
ادگله الحرمه...كله ديارك... يبن الهواشم
راسك عالي...ترجع غانم... لعيالك سالم
تعرف شنهي قدرك
طوعه من تنصرك
ادخل للبيت مسلم اهناه
اثنعس المعصوم تأييد انطاه
______
قصر زياد المشؤوم والحاكم حاكم مسموم
مسلم منه طاح ومات
اخر كلمة من راح عشگه مبين من فاح
حسين حسين اخر كلمات
نورس طوله ..ابيض گلبة... اخر صوت حسين
ضحه بروحه...ضم جروحه... رايح يعرف وين
ضحى بكل جهاله
لجل دينه وحلاله
تربات حسين بدمه يفداه
ثنعش المعصوم تأييد انطاه
______
دون دمه عل گاع واطيح اطيح اسباع
رسم الحب بنص كوفان
يشبه حيدر وياه صاحب روحه ويهواه
قصة حيدر وي سلمان
حب العاشگ..يندل عشگه... مثل الگاع وماي
تكمل روحه...من يشوفه...يفرح كلبه هواي
ياعشگه وكماله
روح انطه ابداله
حسين المحبوب مسلم سماه
اثنعس المعصوم تأييد انطاه
______
مات زياد وقصره ومسلم صاعد قدره
وصيته المثل الريح يطش
عاف الكل وسافر بدرب الجنة غامر
وَكر مثل الطير وعش
سلم أمره ... بيد حسينه .. وبموقف معروف
يمشي بزوده..اترف زنوده .. ابوجهه المكشوف
خاتمهه بجماله
مايرجع محاله
خبر استشهاد مسلم من جاه
ثنعش المعصوم تأييد انطاه
#خادم_رقية_عليها_السلام
#الشاعر_مهند_الدريساوي
BY الشاعر مهند الدريساوي الرسمية
Share with your friend now:
tgoop.com/mohaneedatea/725