tgoop.com/mllemustafa/9680
Last Update:
(دكتور الكسور)
احد الموالين للزهراء ع يذهب الئ دكتور مختص بلكسور .حتئ يشرح له كيف يكون الم الضلع المكسور .حتئ يعرف مدا الاذئ الذي لحق بمولاته الشهيده .فلسان حاله يقول
...............................
عندي حاله وليك اجيت ابلاشعور
عنهه سولفلي يدكتور الكسور
صاير شلون الالم ،،للضلع صدره انهشم
،،،،،،،،،،،،،،،،1،،،،،،،،،،،،،،،،،،،
الضلع الينكسر هم يوجع المات
وهم يطيب ميت بيده جويات
دموعي الفاطمه طاحن محدبات
ومثل عاشور عشت انه الروايات
ماهي ياس وتنعصر ،،رازقي توزع عطر
عطر فاطم يختلف عن العطور
عنهه سولفلي يدكتور الكسور
................2................
فضه اتكول بلباب وعصرهه
ومدري شنكسر جوه بصدرهه
يادكتور ضل محني ضهرهه
وحمره العين من جف السطرهه
بيهه بسمار انغرس ،وصار يلجمهه النفس
يموت لمن ينكسر غصن الزهور
عنهه سولفلي يدكتور الكسور
،،،،،،،،،،،،3....،،،،،،،،،،،،،،
العمر اثمنطعش والعله بسمار
والاسباب اكتب حركوا الدار
يادكتور رايد وصف علصار
داروا علكطن حطابت النار
السوط طك اول متن ،فاطمه كالوا وأن
وعلئ ياباب الاصد دمي يفور
عنهه سولفلي يدكتور الكسور
،،،،،،،،،،،،،،،،4،،،،،،،،،،،،،،،،،
موبسمار سيف وطب بلضلوع
مثل الخيط ياكل عمر الشموع
بسد الباب طاحت مثل الدموع
بيهه شصار جا من ضك الجذوع
انت لاتكتب دوه ،عليهه خل نبجي سوه
اليتمت ميل الرحه وبطل يدور
عنهه سولفلي يدكتور الكسور
،،،،،،،،،،،،،،،،5،،،،،،،،،،،،،،،،،،
هم شايف جنين ايكمطه التراب
واول مايشم بلدنيه عطاب
عنده اوصاف بس اوصافه الخضاب
مات ابين عصره وحايط وباب
أي يدكتور ابجي دم ،،حتئ محسن ماسلم
ثارهه بمهديهه واليوم الظهور
عنهه سولفلي يدكتور الكسور
،،،،،،،،،،،،،،،،،،،،،،،،،،،،،،،،،،،،
بشار السامي
يهدئ ثواب هذه القصيده للمرحومه امي
BY الحان الرادود مصطفى الكربلائي
Share with your friend now:
tgoop.com/mllemustafa/9680