tgoop.com/mllemustafa/9163
Last Update:
ياهو الكال ما نلطم عله حسين
******
كل عاشور لازم صدري اخسفنه
وون اعليك يالتستاهل الونه
كلي المجلس اشلون انحرم منه
يندل ربعه الحسين وعلي جنه
وفدوه العين لليستاهل العين
وياهو الكال ما نلطم عله حسين
**********
سود اهدومنه والدمعه سجابه
ودوم انصيح اه يحسين ومصابه
همنه ايزول من انروح لعتابه
للزوار فاتح كل وكت بابه
انعوف حسين جبتو هالحجي امنين
وياهو الكال ما نلطم عله حسين
************
بكماطي وجنت الطمله يوميه
وامي بالقصايد لولت اعليه
ليش اتلومني مالك شغل بيه
ما اكطعها رجلي امن الحسينيه
بحب حسين كل احنه مجانين
وياهو الكال ما نلطم عله حسين
**************
كل عاشور احنه نرفع الرايه
ولازم بالمواكب نخدم اهوايه
ويه حسين طول العمر وفايه
ومنتظرين بس تطلع المشايه
وبتلزوار نخدم جبنه السنين
وياهو الكال ما نلطم عله حسين
************
عن حسين ما تمنعنه كمامه
وبعاشور كلمن شاد احزامه
كورنا انتهت من كربت ايامه
والله حسين ابد ما ينسه خدامه
اعليك امن اللطم كطعنه الايدين
وياهو الكال ما نلطم عله حسين
******
تمت
تحسين الخفاجي
BY الحان الرادود مصطفى الكربلائي
Share with your friend now:
tgoop.com/mllemustafa/9163