tgoop.com/mllemustafa/9109
Last Update:
ميمر
عهدي أضل ابخدمتك يحسيني
وباقي العهد ما بينك وما بيني
هاي السنين اشما عشتهه ابدنياي
خادم أضل ياسيدي وضي عيناي
ورغم الحوادث والفتن يامولاي
باقي ابخدمتك يحسين... وعله العهد تدريني
عنواني خادم وافخر ابعنواني
وكل مرحله اتمر بالعمر تلگاني
أنحب عليك وماأكف احزاني
ولمصيبتك يامضلوم... ماتجف دمعة عيني
محبوبي انت ودوم شاغل بالي
يانظر عيني ويا نبض دلالي
ياغالي واغله وأعز من كل غالي
ياقبلتي ويارجواي... وصومي وصلاتي وديني
اشما جار يحسين الوكت يوميه
واشما قِسَت بيه ضروف الدنيه
ماأبتعد عنك واشوفك بيه
ابهاي العقيده ابكل حين... وبكل ضرف تلگيني
عايش على الله وعالعشگ وياكم
يشهد لساني الما يمل طرواكم
أقره السلام اعله العمر لولاكم
يالحبكم الدرب النور...ودرب العدل يهديني
صبح ومسه ايسولف لساني ابطرواك
يالوفقتني الخدمتك ماأنساك
خيعونه مولاي الگضه عمره اوياك
ماريد كلشي ابدنياي...بس نظرتك تكفيني
سيد علي الموسوي
BY الحان الرادود مصطفى الكربلائي
Share with your friend now:
tgoop.com/mllemustafa/9109