tgoop.com/mllemustafa/9107
Last Update:
احنه من نحضر عزاءك ياحسين
وياك بالطف سيدي جن حاضرين
من انوح عله الغريب .. جنّي عابس لو حبيب
وياك بالطف سيدي جن حاضرين
**************
احنه تربات المجالس منهه نتعلم وفاء
احنه كل عام بمحرم لازم نقيم العزاء
هذا يلطم هذا يطبر هذا يكصد كربلاء
لازم نجدد عهدنه والعهد عدنه دماء
………………
لو يهل شهر المصايب والحزن
يعشك الزنجيل عودت المتن
يعله من عندي النحيب .. جنّي عابس لو حبيب
وياك بالطف سيدي جن حاضرين
**************
لابس الاسود واتاني وتارس عيوني دمع
واكصد لمجلس عزاءك وغايتي مو بس نفع
اذكر الخيمه وحركهه والجفوف التنكطع
وجنّي بالمجلس اشوفن حرمه محنية ضلع
……………
تفتر بنص الشباب الدنكو
تجمع بجفهه دمعهم لو بجو
هالدمع احسن طبيب .. جنّي عابس لو حبيب
وياك بالطف سيدي جن حاضرين
**************
اني اتنفس مجالس لو افاركهه اختنك
بلهفه اكصدهه بمحرم جنّي عاشكهه عشك
من اغمض عيني المح سوط بسكينه يطك
جن اشوفنهه اليتامه بنص خيام وتحترك
……………
واركض بلايه وعي وبجفّي ماي
هاي سكنه لو رقيه تبجي هاي
من صرت يمهه قريب .. جنّي عابس لو حبيب
وياك بالطف سيدي جن حاضرين
*************
عودت صوتي عله صيحت يا امامي ياشهيد
عودت عالدمعه عيني ادري بالعين شتريد
عودت صدري عله ضربه تريد تلطم من جديد
عاشت بروحي الشعائر عنّي ماتبعد بعيد
……………
احنه لازم نحضر بكل المواكب
يخدم هنانه طفل وبصفّه شايب
كلهه تبجي عله السليب .. جنّي عابس لو حبيب
وياك بالطف سيدي جن حاضرين
**************
عدنه طف ينعاد لازم نبجي كل ليله و صبح
ياجرح ويانه عايش واحنه نلجم بالجرح
نذكر شصار عله زينب نذكر الراس برمح
نواسي بالدمعه الزجيه بنحر ابنهه الينذبح
……………
نواسي حيدر والزجيه والنبي
شلون لو يدرون زينب تنسبي
جرح زينب مايطيب .. جنّي عابس لو حبيب
وياك بالطف سيدي جن حاضرين
**************
نلبس حرام ونحجك نكصد لكبرك نطوف
نصيح لبّيك ونضحي وندري بالزهره تشوف
ونسعي بينك وابو فاضل هالشعيره مانعوف
نعتني العباس نصرخ هاك اخذ هاي الجفوف
……………
من ابو فاضل نستحي ونضم ادينه
يشوف ادينه شلون لو ينظر علينه
نذكر الخد التريب .. جنّي عابس لو حبيب
وياك بالطف سيدي جن حاضرين
سيد علي المدني
BY الحان الرادود مصطفى الكربلائي
Share with your friend now:
tgoop.com/mllemustafa/9107