tgoop.com/mllemustafa/9098
Last Update:
عاهدنه وعهد بالدم كتبناه ولو للموت مانترك حسيناه
علينه الزهره تشهد باجر يم محمد
********
عهد ارجال عاهدنه وبهذا العهد سرنه
والله مانعوف حسين لوكطعو مناحرنه
حسين بدمنه بايعناه وحسينيه مشاعرنه
وكفنه وصحنه كلنه بصوت يحسين بضمايرنه
عشكنه الموت من كد ما عشكناه ويحله الموت لجل حسين شفناه
الضحه ابدمه يسعد باجر يم محمد
******
معروفه الرجال افعال ويبين الرجل بفعاله
وزامطنه عله حب حسين شحلاته ازماط خياله
شيخ وتارس الديوان غيور وعامره ادلاله
وكلمن شاف ابو السجاد صلى عله النبي وآله
سجدت شكر من شفناه سجدنه وياهو الي يحب حسين كدنه
يفوز الحبه هالكد باجر يم محمد
*****
من طبوها زلم حسين القيامه حان موعدها
محمد شفنه بالميدان وعلي بفقاره حاصدها
محمد جسداه حسين ونزل للطف محمدها
وحيدر جسداه عباس وحمل راية علي وكدها
عصابة علي شداها عباس وراس براس كامت تردم الناس
وهالموقف تخلد باجر يم محمد
****
حسين ايمثل الاسلام بحكامه ومعانيه
ناصح خايف عله الدين من الزمره اليزيديه
ثار ورايد الاصلاح ويقضي عله العبوديه
كلشي ايزول وتظل راح ثورتنه الحسينيه
حررنه وكسر قيد الظلامه راد احرار نبقى للقيامه
والحر راح ينعد باجر يم محمد
********
ركضنه ركضت الاحرار غيض اعيونه تجدح
والمات عله حب حسين الف خيعونه قد افلح
اليرخص دمه لجل حسين دنيه واخره يربح
وبحسين اليريد ايموت يوصي وصاحبه يفرح
وصيه وحده جانت واحنه سبعين او واحد ظل يوصي الثاني بحسين
بينه الشوك يشتد باجر يم محمد
***×*****
حسين من المهر من طاح صاحت فاطمه اسم الله
ومن كد الجروح البيه يقبض روحه راد الله
حسين ونحره من كطعوه عرش الله عليه صلى
قدم كلشي لجل الدين وقدم حتى عبدالله
بجسمه ثوب وثوب بالخيام وزينب تنسبي من بعده للشام
وجمر احشاه يبرد باجر يم محمد
*********
تمت
ميثم العمري
BY الحان الرادود مصطفى الكربلائي
Share with your friend now:
tgoop.com/mllemustafa/9098