tgoop.com/mllemustafa/9090
Last Update:
هنيال اليخدمون .. وعلى النحر يبجون
اتمنه موتي يكون.. بمجلس حسين
.............١..............
الف وتسع ميت جرح. جايه وبخت فوك الرمح
قرب حبيبي على الذبح. وقترب عاشوره
كون اثبت بوجه الفتن. بيش اعتذر لأم الحسن
ياليتنا چانت لمن
روحي مامعذوره
لعلن حدادي. والبس سوادي واتحزم المجلسه
تكشخ دمعتي. بدكت لطمتي. المحبوبي الأتنفسه
هوه انه من ومنين
شسوه انه دون حسين
حالف لنشف العين. بمجلس حسين
.......... ٢..........
شايل يقين اهل السمه
رغم المخاطر اخدمه
احسين عطشان ارسمه
وماي اطش برسومه
شامت الفاكد ونته
ودمعة اعيونه ولطمته
محبوبي ليش بطيحته
سلبوهه هدومه
لنصب عزائه. وانعى الدمائه. مأجلت علوعد
مجلس أقيمه. يعبر هظيمه. شمدريني عايش بعد
من يظمن الايام
حتى انه اأجل عام
خيعونه گلبي الهام
بمجلس حسين
............٣.........
خله اليسولف مادره. ماعنده خيمه موجره
نسوان عندي مأسره
والحبل بيديهن
كل عاشر اتنفس حرك
من ينهشم صدر العشك
ظلوع بظهر طبكن طبك
والشمس تاذيهن
بحجة ثقافه. كالو خرافه هذه الدمع والطم
هاي الشعائر. وسط الظمائر. شوكه بوجه كل ظلم
لايتعب الأعلام
ميغرر الخدام
نكثر نظل كل عام. بمجلس حسين
............٤..........
الخدمه ياعالم رزق. عن نيه واخلاص وصدق
كل خادم الهه منخلق
والحسين اختاره
علكوا السواد بكل كتر
للسومر اجروحه الظهر
بوكت العسر هوه اليسر
ولليزوره ابشاره
هاي المجالس. صارت مدارس. فدخلوها بسلام
اهل البصيره. العايش ظميره. انصار وجنود الامام
يبجي على نحر الهيل
مهدينا صبح واليل
عل هشمنه الخيل
بمجلس حسين
...........٥...........
من زينب امتوني استحن
جيه مومثلهه اتجرحن
وجفوفي شو مامولحن
بخدمة المشايه
هاي السنه لا تختلف
من وجنتي يبين النزف
ومورايتي روحي الترف
هاي مني حجايه
جاي اربعينه. وروحي الحنينه. مشتاكه لزيارته
ملينه ننطر. مابينه نصبر. رحمينه يافركته
باجر حشود انروح
ونلكه الصحن مفتوح
ونلطم على المذبوح. بمجلس حسين
......................
بشار السامي
BY الحان الرادود مصطفى الكربلائي
Share with your friend now:
tgoop.com/mllemustafa/9090