tgoop.com/mllemustafa/9062
Last Update:
عشت وياك اجمل ذكره
اشلون انساك وانسه العشره
تعوف حسين اول مره يا عباس
**************
مخنوك اجيتك للنهر وبالكوه اشيل اجدامي
ووياك خويه اذكر كبل عباس حلوه ايامي
ياخويه تدري لو متت يمك تموت احلامي
بس المفاركله اخو رايح يعرف الامي
صعبه اتروح وتخليني
جنت اهواي تارس عيني
اشلون اتريد ضهري اتكسره
**************
لتعوف اخوك الوحده وعالخد تصب دمعاته
يا خويه والما عنده اخو تكثر صحت شماته
اعصر بديه الفركتك وجفي اتعرف عصراته
وحدي عفتني وجرح ابد ما تنحسب لجماته
خويه اتروح ما حسبالي
ايهد الحيل افراك الغالي
جرحي اعليك صار اشكبره
**************
محتاجك بكد الهوه يا خويه لتفاركني
بكد ما اشمك بالخيم اكعد يخويه اشبكني
خليني اصيرلك نفس وعباس فدوه اشهكني
كلشي بغيابك من رحت صار وعلي يخنكني
خويه وياي تنهض ردتك
وحدي اشلون ارجع لختك
راح تموت من الحسره
**************
يالما شفت مثلك اخو وجهك ابد ما انساه
اتمنيت اشبكك ونذبح وثنينه اتموت اهناه
يالجنت اخوك بكل وكت اباب الخيم تتلكاه
هالمره اجاك وما كمت وحسين مكسور اكفاه
مات حسين من فاركته
يا عباس اشكد شيبته
كلبي اعليك جا شيصبره
*************
يابه الفضل صبري خلص ودلالي ضل بضيمه
رايح ارد الخيمتك وبجفوفي اطيح الخيمه
اطفالك المتروعه رايح تفر بالهيمه
وشجم يتيم الينسحك وتضيع جم ايتيمه
اتصيح الماي يابو الغيره
والاطفال كلها بحيره
رغم الهم بس منتظره
*********************
عباس جفنك لو غمض راح العده يولوني
ايسلبون راح اعمامتي ومن الكفه ايذبحوني
بالخيل يا خويه اشكثر بفراكك ايسحكوني
رايح اضل اعله الترب واميه ما ينطوني
راح الخيل تسحك صدري
كون اتشوف دمي اليجري
بوسط احشاي تلهب جمره
***********
تمت
تحسين الخفاجي
BY الحان الرادود مصطفى الكربلائي
Share with your friend now:
tgoop.com/mllemustafa/9062