tgoop.com/mllemustafa/9060
Last Update:
حسين شكراً والمجـالس رجّعتـها
ـــــــــــــــــــــــــ
چبير گلبك ماتشيله حتـه عالياذونك
تگدر بليانه واحنه ما نعيـش بدونـك
الگلب بارد چنه ندري إتحبّ إليخدمونك
چان متنه بلا مجالس أي وحگ عيونك
چـان مالت وانته بيـدك عدّلتها
حسين شكراً والمجالس رجّعتها
ـــــــــــــــــــــــــ
طحت بس عاشور واگف ربك إيتچيله
انسدت وباب المجالس رد فتحته بحيله
ياهو فاتح بابه غيرك تگضي من نحچيله
الله گال حسين بابي من تضيگ إشكيله
وانته گدها وإيدي لا ما فشتـلها
حسين شكراً والمجالس رجّعتها
ـــــــــــــــــــــــــ
كلها طبگت بوب وانته ما تسد بيبانك
كلها تجفل وانته دومك تفتح بذرعانك
الله خدامــك جعلنــا والله رافع شانك
تگول مو خدام عندك صرنه چن صحبانك
الدنيا ظلمه بتعزياتـك نوّرتهـا
حسين شكراً والمجالس رجّعتها
ـــــــــــــــــــــــــ
انته منطي كلشي لـ الله ويمك امخيلها
حسين گلك هاي يمك ردها لو تلغــيها
وانته گتله ربي ردها كل سنه وأحميها
ربي چــي هـاي المآتم إمي تگعد بيها
وربك إيعز فاطمه وانته اذكرتها
حسين شكراً والمجالس رجّعتها
ـــــــــــــــــــــــــ
الحمدلله رد محرم وبنفــس احزانه
چان عشنه سنين يوسف بس محرم جانه
هيه هم هاي المجالس نعمتـه سبحانه
ولو فگدنه نعمة الله شيبقى من دنيانه
عن احبابك يوم عينك ما شلتها
حسين شكراً والمجالس رجّعتها
ـــــــــــــــــــــــــ
حسين گالو مرض جانه وسوّى بينه سوايه
صحنه گطعوا الهوه يولّي وخل نشم قرايه
موته وبصف المنابر وين تحصل هايه
جنازه كون انشال وآنه إبزحمة المشايه
الله رايد وانتـه بيــدك رتّبتـها
حسين شكراً والمجالس رجّعتها
ـــــــــــــــــــــــــ
مهدي التقي
BY الحان الرادود مصطفى الكربلائي
Share with your friend now:
tgoop.com/mllemustafa/9060